Последние новости

ՀՀ ՊՆ․ Հետաձգվել են երդման արարողությունները, սահմանափակվել տեսակցությունները

Առատ ձյան պատճառով ՀՀ ԶՈւ–ում նորակոչիկների երդման արարողությունները հետաձգվել են։ Տեղեկությունը հայտնում է ՀՀ պաշտպանության նախարարության մամուլի ծառայությունը։

Նշվում է, որ երդման արարողությունների հետաձգումը, տեսակցությունների սահմանափակումը, ազատ արձակումներն ու արձակուրդների տրամադրման ժամանակավորապես արգելքը պայմանավորված է եղանակային անբարենպաստ պայմաններով, ինչպես նաև անձնակազմի շրջանում կանխելու սուր շնչառական վարակների ներթափանցումը և տարածումը։

«Կազմակերպվող բոլոր միջոցառումների նպատակը զինծառայողների առողջության պահպանումն է»,- ասված է հաղորդագրության մեջ։

Հիշեցնենք, որ առատ ձյունն անբարենպաստ պայմաններ է ստեղծել հանրապետությունում։ Մի շարք ճանապարհներ փակվել են, դպրոցներում դասերը հետաձգվել են, իսկ բուհերի մի մասն անցել է հեռավար ուսուցման։

Sputnik Արմենիա

 

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ