2025-02-21 18:50
Информагентства
Ջորջ Աղջայանը ստանձնել է Հայ դատի Ամերիկայի հանձնախմբի նախագահի պարտականությունները
Ամերիկահայ համայնքի երկարամյա ակտիվ գործիչ Ջորջ Աղջայանը ստանձնել է Հայ դատի Ամերիկայի հանձնախմբի նախագահի պաշտոնը՝ փոխարինելով տևական ժամանակատահված այդ պատասխանատվությունը ստանձնած Րաֆֆի Համբարյանին։
ՀՅԴ Բյուրոյի Հայ դատի կենտրոնական գրասենյակից NEWS.am-ին հայտնում են, որ անդրադառնալով իր նոր պատասխանատվությանը՝ Աղջայանը, մասնավորապես, նշել է․ «Ինձ համար մեծ պատիվ է ստանձնել այս դերը հայ ժողովրդի համար այսքան կարևոր ժամանակահատվածում: Մեր աշխատանքն առավել քան երբևէ կենսական է, քանի որ մենք պայքարում ենք հանուն արցախահայության իրավունքների, պայքարում ենք Ադրբեջանին իր հանցագործությունների համար պատասխանատվության ենթարկելու և Հայաստանի երկարաժամկետ անվտանգությունն ու կենսունակությունն ապահովելու համար։ Հայ դատի Ամերիկայի հանձնախումբը միշտ եղել է ամերիկահայության ամենաարդյունավետ ձայնը ԱՄՆ ինչպես արտաքին, այնպես էլ ներքին քաղաքականության մեջ, և ես անհամբեր սպասում եմ աշխատելու մեր տեղական մասնաճյուղերի, համայնքային ակտիվիստների և նվիրված ղեկավար թիմի հետ՝ ընդլայնելու մեր ազդեցությունը և առաջ մղելու մեր ընդհանուր գործը»:
Նշվեց՝ Աղջայանը հաջորդում է Հայ դատի Ամերիկայի հանձնախումբը նվիրումով և ռազմավարական տեսլականով ղեկավարած Րաֆֆի Համբարյանին։ Նրա ղեկավարությամբ Հայ դատի հանձնախումբն ընդլայնել է իր ազդեցությունը թե Կապիտոլիումի բլրի, թե գործադիր իշխանության վրա, ստեղծել կոալիցիոն բազմաթիվ հարթակներ նաև ոչ հայկական համայնքային կազմակերպությունների հետ: Ծավալած աշխատանքի արդյունքում աննախադեպ ձևով մեծացավ Հայ դատի հանձնախմբի ներգրավվածությունը մի շարք գործընթացներում, Կոնգրեսի երկու պալատներում ուժեղացավ հայկական հարցերի վերաբերյալ երկկուսակցական օժանդակությունը:
Համբարյանի բազմաթիվ հաջողությունների թվում է Հայ դատի երիտասարդական ծրագրերի աննախընթաց ընդլայնումը թե Վաշինգտոնում, թե ողջ երկրում, երիտասարդների քաղաքական ակտիվացումն ու տարբեր ոլորտներում նրանց ներգրավվածության մեծացումը, համայնքային ղեկավար հանգամանքներ զբաղեցնող նոր երիտասարդ սերնդի դաստիարակությունը։
Ողջունելով Աղջայանի կողմից այս պատասխանատվությանբ ստանձնումը՝ Րաֆֆի Համբարյանը նշել է. «Հայ դատի հանձնախմբի նախագահ ծառայելն իմ կյանքի մեծագույն պատիվներից մեկն է եղել։ Մեր աշխատանքը միայն քաղաքականությունը չէ, այն հայ ժողովրդի գոյատևման և արժանապատվության աշխատանք է: Ջորջն իր կյանքով մեկ Հայ դատի պաշտպան է՝ մեր գործին խորը նվիրվածությամբ, և ես գիտեմ, որ նա առաջնորդելու է եռանդուն նպատակասլացությամբ և հաստատակամությամբ»:
ПОСЛЕДНИЕ ОТ АВТОРА
-
New2025-03-17 19:47Лжец, опубликуй документ, ты, наконец, собираешься публично рассказать, что такое это так называемое мирное соглашение? Об этом в беседе с журналистами 17 марта заявил лидер движения «Во имя Родины», архиепископ Баграт Галстанян.
-
New2025-03-17 19:46Семилетний воспитанник спортцентра «Дюцазнатун» фонда Hi-Am Нарек Глчян официально внесен в Книгу рекордов Гиннесса.
-
New2025-03-17 19:43Йеменские силы во второй раз за последние часы атаковали американский авианосец USS Harry S. Truman, сорвав авиаудары США. Об этом сообщает Irna.
-
New2025-03-17 18:58Молодые представители движения «Священная борьба» на перекрестке улицы Туманяна и Северного проспекта в Ереване проводят акцию протеста под названием «Не доверяю этим властям».