2025-02-22 09:26
Информагентства
Ավետիք Չալաբյան․ Հայաստանի ու Ռուսաստանի միջև հարաբերությունները «թթված են»
«Մենք էլ ենք նույնքան տուժած, որքան Ուկրաինան, որովհետև մեզ էլ են ասել՝ Ռուսաստանի դեմ գործողություններ արեք, ձեր մեջքին կանգնած ենք։ Հետո կարող է այնպես ստացվել, որ մենք հասկանանք՝ Ռուսաստանի հետ հարաբերությունները փչացրինք, Արևմուտքն այլևս մեզնով հետաքրքրված չէ, ինչպես հետաքրքրված էր նախկինում, ու մենք մնանք Ադրբեջանի ու Թուրքիայի դեմ միայնակ»։ Այս մասին այսօր՝ փետրվարի 21-ին, NEWS.am–ի հետ զրույցում ասաց «Հայաքվե» ազգային քաղաքացիական միավորման համակարգող Ավետիք Չալաբյանը։
«Ուկրաինան նույն տրամաբանության մեջ է, ինչ Հայաստանը։ Գուցե, պատերազմն այնտեղ մի փոքր այլ կերպ է մղվում, բայց քաղաքականության տրամաբանությունը նույնն է»,–ասաց նա։
Լրագրողի հարցին, արդյո՞ք եթե Ուկրաինայի վերաբերյալ Ռուսաստանի ու ԱՄՆ–ի բանակցությունները հաջողության հասնեն, հաջորդ «թիրախը» Հայաստանը կլինի, Ավետիք Չալաբյանը պատասխանեց.
«Եթե Ռուսաստանի և Հյուսիսատլանտյան դաշինքի միջև երբևէ համաձայնություն լինի, լինելու է ամբողջ պարագծով, բոլոր այն հարցերով, որոնք նրանց հետաքրքրում են։ Դա կարող է լինել Արկտիկան, Մերձբալթյկան հանրապետությունները, Բելառուսիան, Ուկրաինան, Մոլդովան, Հարավային Կովկասը և այլն։ Ես չգիտեմ՝ ինչ է լինելու դա, դրանք բանակցություններ են, չի կարելի մինչև վերջ հստակ ասել, թե դա ինչպես է տեղի ունենալու։ Բայց այն, որ Հարավային Կովկասի շուրջ նրանք որոշակի պայմանավորվածության կգան, եթե ընդհանրապես գան պայմանավորվածությունների, կասկած չկա»։
Լրագրողի հարցին, արյդո՞ք Հայաստանի ու Ռուսաստանի հարաբերություններն անդառնալիության կետի են հասել, Ավետիք Չալաբյանը պատասխանեց.
«Փաշինյանի իշխանությունը կարող է հասել է անդառնալիության կետի, չեմ բացառում, կարող է և չի հասել։ Ինձ թվում է, որ հասել են այդ կետին։ Այն հարաբերությունները, որոնք զարգացել են այս իշխանությունների և Ռուաստանի գործող իշխանության միջև, բավական թթված են, բարեկամական չեն, հաջող չեն, իրենց մեջ կոնֆլիկտ են պարունակում»։
ПОСЛЕДНИЕ ОТ АВТОРА
-
2025-06-21 16:55Интервью с доктором юридических наук Артуром Гамбаряном.
-
2025-06-21 15:34Городской совет Алькасера (провинция Валенсия, Испания) единогласно осудил геноцид османской Турцией, политику отрицания нынешних турецких властей и принял предложение о признании Геноцида армян, став 42-м испанским городом Испании, сделавшим это.
-
2025-06-21 15:32Министр иностранных дел Ирана Аббас Арагчи в интервью NBC News заявил, что если Трамп решит, что США нанесут удар по Ирану, его правительство оставляет за собой право нанести ответный удар, как оно это сделало в отношении Израиля.
-
2025-06-21 15:26Главный редактор армянского издания "Калифорнийский курьер" в Лос-Анжелесе Арут Сасунян высказал два взгляда на ситуацию относительно нападок власти на главу Армянской Апостольской Церкви и вставшего на ее защиту видного представителя делового сообщества и мецената из диаспоры.