Последние новости

ԵՄ ԱԳ նախարարները հաստատել են Ռուսաստանի դեմ պատժամիջոցների 16-րդ փաթեթը

Եվրամիության երկրների ԱԳ նախարարները հավանություն են տվել Ռուսաստանի դեմ պատժամիջոցների 16-րդ փաթեթին, որը նվիրված է Ուկրաինայում ռազմական գործողությունների երրորդ տարելիցին, գրում Է Reuters-ը՝ վկայակոչելով երկու դիվանագետների:

Սահմանափակումների նոր փաթեթը նախատեսում է նաև առաջնային ալյումինի ներմուծման արգելք։ Ի թիվս այլ բաների, Եվրամիության երկրները կարգելեն քրոմի և որոշ քիմիական նյութերի ներմուծումը, ինչպես նաև նավթի և գազի վերամշակման գործարանների սպասարկումը: ԵՄ-ն նաև նոր սահմանափակումներ է մտցրել Ռուսաստանին ծրագրային ապահովման մատակարարումների վրա։

ԵՄ-ն «սև ցուցակում» ներառել է 48 ֆիզիկական և 35 իրավաբանական անձանց։ ԶԼՄ-ները գրում են, որ սահմանափակումները կվերաբերեն 13 բանկերի, ինչպես նաև 73 նավերի, որոնք ԵՄ-ն համարում է «ռուսական ստվերային նավատորմի» մաս։ ԵՄ-ն արգելել է նաև ռուսական 8 լրատվամիջոցների հեռարձակումը Եվրոպայում։

«Սև ցուցակում» են հայտնվել 53 ընկերություններ, այդ թվում ՝ Հնդկաստանից, Ղազախստանից, ՉԺՀ-ից, ԱՄԷ-ից, Սինգապուրից, Թուրքիայից և Ուզբեկստանից:

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ