Последние новости

Լավրով․ ՌԴ-ն և Թուրքիան լուրջ պաշար ունեն ատոմային էներգետիկայի նախագծերի համար

Ռուսաստանը և Թուրքիան լուրջ հիմքեր ունեն ատոմային էներգետիկայի ոլորտում համատեղ նոր նախագծերի համար։ Այս մասին հայտնել է ՌԴ ԱԳ նախարար Սերգեյ Լավրովը Թուրքիայի արտգործնախարար Հաքան Ֆիդանի հետ բանակցություններից հետո կայացած մամուլի ասուլիսում։

«Ատոմային էներգետիկայի ոլորտում նոր նախաձեռնությունների համար լուրջ հիմքեր կան։ Խոսելով էներգետիկայի մասին՝ մենք անդրադարձանք «Թուրքական հոսք» և «Երկնագույն հոսք» գազատարների շահագործման և անվտանգության ապահովման հարցերին, ինչն անհրաժեշտ է Կիևի ռեժիմի շարունակական սադրանքների համատեքստում, որը ձգտում է ահաբեկչական գործողությունների միջոցով խաթարել էներգետիկ օբյեկտների, այդ թվում՝ խողովակաշարերի բնականոն գործունեությունը։

Լավրովն ավելացրել է, որ կողմերը մանրամասն քննարկել են նաև «Աքքույու» ատոմակայանի կառուցման համատեղ աշխատանքը։

«Ռուս և թուրք մասնագետները, կողք կողքի աշխատելով, ջանքեր են գործադրում ատոմակայանի թիվ մեկ էներգաբլոկի ֆիզիկական գործարկումն ապահովելու համար։ Բոլոր չորս էներգաբլոկները կառուցվում են միաժամանակ՝ շուրջօրյա՝ առանց անջատվելու»,- ընդգծել է նախարարը։

News.am

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ