2025-02-24 19:17
Информагентства
Միրզոյան․ Բաքվում շինծու դատավարություն է ընթանում Հայաստանի 23 քաղաքացու հանդեպ
Շինծու դատավարություններ են ընթանում Ադրբեջանում կամայականորեն կալանավորված ՀՀ 23 քաղաքացու նկատմամբ։ Այս մասին Ժնևում ՄԱԿ մարդու իրավունքների խորհրդի նստաշրջանում ելույթի ժամանակ ասաց ՀՀ արտգործնախարար Արարատ Միրզոյանը։
«Հենց հիմա շինծու դատավարություններ են ընթանում 23 հայ քաղաքացու նկատմամբ, որոնք կամայականորեն ձերբակալվել են Ադրբեջանում։ Ընդ որում, ամբողջությամբ խախտվում են պատշաճ դատավարության նորմերն ու երաշխիքները»,– նշեց Միրզոյանը։
Նրա խոսքով` չնայած 1991 թ. Ալմա Աթայի հռչակագրի հիման վրա միմյանց տարածքային ամբողջականությունը ճանաչելուն` Հայաստանի արևելյան հարևանը վիճարկում է ՀՀ տարածքային ամբողջականությունը։
Նա հիշեցրել է, որ դեռ 1 տարի առաջ մարդու իրավունքների գերագույն հանձնակատարը խորհրդին տեղեկացրել էր, որ ՄԱԿ-ը 2 խումբ է ուղարկում Հայաստան՝ Լեռնային Ղարաբաղից ավելի քան 115 հազար էթնիկ հայերի վիճակի մասին տեղեկություններ հավաքելու նպատակով:
«Մենք կարծում ենք, որ այդ առաքելության արձանագրած արդյունքները կարևոր ներդրում կլինեն հաշտեցման աշխատանքներում։ Մենք մի քանի առաջարկ ենք ուղարկել Ադրբեջանին, այդ թվում` խաղաղության համաձայնագրի, տրանսպորտային ենթակառուցվածքների բացման, փոխադարձ զենքի վերահսկման և ստուգման մեխանիզմների համատեքստում, ինչպես նաև այլ հարցերի շուրջ»,– ասաց ՀՀ ԱԳ նախարարը։
Նրա խոսքով` Հայաստանը ելնում է ռազմավարական պայմանավորվածություն ձևավորելու անհրաժեշտությունից, որը թույլ կտա կարգավորել հիմնական հարցերը։ Միրզոյանը համոզմունք հայտնեց, որ կառուցողական պատասխանը և հետագա փոխգործակցությունը, ինչպես նաև երկու կողմերի քաղաքական կամքի դրսևորումը էական ներդրում կունենան տարածաշրջանում նոր դարաշրջանի հռչակման գործում:
Միրզոյանը հավլել է, որ այս համատեքստում Երևանը պատրաստ է շրջել թշնամանքի էջը և շարժվել դեպի ինստիտուտցիոնալ խաղաղություն։
Sputnik Արմենիա
ПОСЛЕДНИЕ ОТ АВТОРА
-
2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".