2025-02-27 12:38
Информагентства
Ռուս-հայկական համալսարանի մասին համաձայնագրի վավերացումը հավանության արժանացավ
Հայաստանի և Ռուսաստանի կառավարության միջև Հայաստանում Ռուս-հայկական համալսարանի գործունեության պայմանների մասին համաձայնագրի վավերացումը հավանության արժանացավ ՀՀ կառավարության այսօրվա նիստի ժամանակ։
Համաձայնագիրը ստորագրվել է 2024 թ. դեկտեմբերի 20–ին Մոսկվայում:
«Լավագույն փորձի ներդրման, ինչպես նաև արդյունավետ ազգամիջյան երկխոսության և փոխգործակցության զարգացման նպատակով համաձայնագրում ներառվել է դրույթ համալսարանի հիմքի վրա Հայաստանի, Ռուսաստանի և այլ պետությունների կրթական և (կամ) գիտական կազմակերպությունների ամբիոններ և այլ կառուցվածքային ստորաբաժանումների ստեղծման հնարավորության մասին»,– ասված է որոշման հիմնավորման մեջ:
Համաձայնագրով նախատեսվում է նաև հստակ մեխանիզմ՝ Ռուսաստանի բյուջեի հատկացումների հաշվին ուսման ընդունվելու համար տեղերի քանակի հատկացման համար։
Նշվում է, որ համաձայնագրում առավել հստակ ձևակերպվել են համալսարանի կառավարման սկզբունքային մոտեցումները, կիրառվել է կրթական ծրագրերի իրականացման հավասար մոտեցման սկզբունքը՝ Հայաստանի և Ռուսաստանի օրենսդրություններին համապատասխան:
Նախատեսվում է, որ համալսարանի ռեկտորն ընտրվում է մինչև 5 տարի ժամկետով: Նույն անձը ռեկտորի պաշտոնը չի կարող զբաղեցնել ավելի քան 2 ժամկետ անընդմեջ։
Համաձայնագիրը կներկայացվի ՀՀ Սահմանադրական դատարանի քննարկմանը, ապա` Ազգային ժողով։
Ավելի վաղ ՌԴ գիտության և բարձրագույն կրթության փոխնախարար Կոնստանտին Մոգիլևսկին հայտարարել էր, որ բուհն աշխատել է 1997 թվականի համաձայնագրին համապատասխան, բայց այս ընթացքում, իհարկե, փոխվել է օրենսդրությունը, և կարևոր է նոր համաձայնագրում նշել բոլոր մանրամասները, որոնք վերաբերում են համալսարանի կառավարմանը, կրթական ծրագրերի իրականացմանը:
Sputnik Արմենիա
ПОСЛЕДНИЕ ОТ АВТОРА
-
New2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".