2025-03-03 09:49
Информагентства
«ՏաԹևեր» ճոպանուղու հարակից տարածքում բողոքի ակցիա է՝ ի պաշտպանություն Ռուբեն Վարդանյանի
Սյունիքի մարզի «ՏաԹևեր» ճոպանուղու հարակից տարածքում՝ «Հալիձոր» կայանի մոտ, բողոքի ակցիա է իրականացվել՝ ի աջակցություն գործարար, բարերար, Արցախի նախկին պետնախարար Ռուբեն Վարդանյանի և Բաքվի բանտերում գտնվող մեր մյուս հայրենակիցների։ «Ֆեյսբուքի» իր էջում տեղեկությունը հայտնում է Տաթև խոշորացված համայնքի ղեկավարի առաջին տեղակալ, ավագանու «Ապրելու երկիր» խմբակցության ղեկավար Մարատ Գերասիմյանը։
Հավաքվել են ոչ միայն Տաթև խոշորացված համայնքի, այլև Գորիս և Տեղ համայնքների բնակիչները՝ իրենց անհաշտությունը հայտնելով Բաքվի բանտերում գտնվող մեր հայրենակիցների նկատմամբ իրականացվող կեղծ դատավարության և անմարդկային վերաբերմունքի վերաբերյալ։
«Ակցիան քաղաքական բնույթ չի կրում, այն միտված է զուտ հայապաշտպանությանն ու մարդասիրությանը»,- տեղեկացնում է Գերասիմյանը։
Նա հիշեցնում է, որ Ռուբեն Վարդանյանի նախաձեռնությամբ «ՏաԹևեր» ճոպանուղու կառուցումը Սյունիքի մարզում և հատկապես Տաթև համայնքում սկիզբ է դրել զբոսաշրջային ենթակառուցվածքների ստեղծմանն ու զարգացմանը, էականորեն բարելավել բնակչության կենսակերպը։
Բողոքի ակցիայի մասնակիցները կոչ են անում ՀՀ կառավարությանը, միջազգային հանրությանը և ՀՀ-ում հավատարմագրված դեսպաններին գործուն քայլեր ձեռնարկել մեր հայրենակիցների նկատմամբ իրականացվող անմարդկային վերաբերմունքի դադարեցման և նրանց անհապաղ ազատ արձակման նպատակով։
Հիշեցնենք, որ Ադրբեջանում այս պահին պահվում է Բաքվի կողմից հաստատված 23 գերի։
Հունվարի 17-ից Ադրբեջանում ընթանում է Արցախի նախկին ռազմաքաղաքական առաջնորդների գործով «դատավարությունը»: Մեղադրյալների թվում են նախկին նախագահներ Արկադի Ղուկասյանը, Բակո Սահակյանը, Արայիկ Հարությունյանը, պաշտպանության բանակի նախկին հրամանատար Լևոն Մնացականյանը, նախկին արտգործնախարար Դավիթ Բաբայանը և այլք:
Նախկին պետնախարար և բարերար Ռուբեն Վարդանյանի գործը քննվում է առանձին վարույթով: Չնայած գործի նյութերը մյուսների հետ միավորելու նրա խնդրանքին` դատարանը որոշել է 422 հատորներից 400-ը դիտարկել առանձին:
Փետրվարի 26-ին, հայտնի դարձավ, որ Ռուբեն Վարդանյանի առողջական վիճակը կտրուկ վատացել է, քանի որ նա ադրբեջանական բանտում փետրվարի 19–ից հացադուլ է սկսել։
Sputnik Արմենիա
ПОСЛЕДНИЕ ОТ АВТОРА
-
New2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
New2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
New2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
New2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".