2025-03-03 19:20
Информагентства
Փորձում են վիճարկել, թե արագությունը չի գերազանցվել․ ինչ փուլում է Սոնա Մնացականյանի գործը
Հղի Սոնա Մնացականյանին մահացու վրաերթի ենթարկած վարորդի պաշտպանական կողմը փորձում է վիճարկել, թե արագության գերազանցում չի եղել։ Sputnik Արմենիայի հետ զրույցում ասաց տուժողի պաշտպան Րաֆֆի Ասլանյանը՝ ներկայացնելով, թե ինչ փուլում է հիմա դատաքննությունը։
«Դատատեսաձայնագրային բնագավառի փորձագետի հարցաքննությունն ենք ավարտել, պաշտպանության կողմը ժամանակ է խնդրել դատարանից, որ դատաքննությունը լրացնելու վերաբերյալ միջնորդություն ներկայացնի։ Կրկնակի փորձաքննություն են ցանկանում, մեկ անգամ միջնորդություն ներկայացվել է, դատարանը մերժել է, հիմա նշեցին, որ այլ հիմնավորմամբ են ներկայացնելու»,- ասաց Ասլանյանը։
Նրա խոսքով՝ պաշտպանական կողմը փորձում է ապացուցել, որ արագությունը ճիշտ չի որոշվել։ Մինչդեռ փորձաքննությունը դեռ նախաքննության ընթացքում որոշել է, որ արագության գերազանցում է եղել, պաշտպանական կողմը փորձում է վիճարկել դա։
Ասլանյանը նշեց՝ Սոնա Մնացականյանին վրաերթի ենթարկած մեքենայի վարորդի նկատմամբ ընտրված խափանման միջոցն անփոփոխ է՝ միայն բացակայելու արգելք, և վերջ։ Ըստ նրա՝ այս փուլը խափանման միջոցը վերանայելու հնարավորություն չի տալիս։
Փաստաբանը նաև հայտնեց, որ այսօր կայացած դատական նիստի ժամանակ Սոնա Մնացականյանի հորեղբոր ինքնազգացողությունը վատացել է, դուրս է եկել դահլիճից, հետո ստիպված են եղել շտապօգնություն կանչել։ Պարզվել է՝ սրտամկանի սուր ինֆարկտ է։ Ասլանյանի խոսքով՝ օրեր առաջ էլ Սոնա Մնացականյանի հայրն էր սրտի վիրահայություն տարել ու այսօր չէր կարողացել ներկա լինել նիստին։
Հիշեցնենք` 2022 թ. ապրիլի 26-ին` ժամը 18:05-ի սահմաններում, ՀՀ վարչապետին ուղեկցող մեքենան Երևանում վրաերթի էր ենթարկել հղի Սոնա Մնացականյանին։ Նա տեղափոխվել էր «Նաիրի» բժշկական կենտրոն, որտեղ մահացել էր։
Սոնա Մնացականյանին վրաերթի ենթարկած մեքենայի վարորդը վրաերթից հետո հեռացել էր, սակայն 2 ժամ անց վերադարձել էր դեպքի վայր ու մասնակցել քննչական գործողություններին։ Տղամարդը ձերբակալվել էր, սակայն նրա նկատմամբ խափանման միջոց էր ընտրվել ստորագրությամբ չբացակայելը։
Սեպտեմբերի 26-ին հայտնի դարձավ, որ ՀՀ վարչապետի ավտոշարասյան պաշտոնատար անձանց նկատմամբ քրեական հետապնդում չի հարուցվի, և գործը կկարճվի։
ПОСЛЕДНИЕ ОТ АВТОРА
-
New2025-03-15 17:3215 марта 1921 года на улице Гарденберг в Берлине был убит один из главных организаторов Геноцида армян — министр внутренних дел Османской империи Мехмед Талаат-паша.
-
New2025-03-15 15:46Постоялец из Турции, устроивший дебош в ереванской гостинице "Лондон", извинился перед ее персоналом и владельцами. Об этом написал на своей странице в facebook совладелец гостиницы Геворк Барсегян, комментируя распространившиеся с утра сведения об инциденте.
-
New2025-03-15 15:45Алиев утвердил присоединение Азербайджана к Уставу «Исламской восьмерки» (D-8), сообщают азербайджанские СМИ.
-
New2025-03-15 15:41Президент США Дональд Трамп в пятницу вечером подписал указ, который предписывает сократить работу еще семи государственных агентств, включая и отвечающее за работу финансируемых государством СМИ - Радио "Свобода" и "Голоса Америки".