2025-03-06 09:25
Информагентства
Սիրանուշ ՍԱՀԱԿՅԱՆ․ ԱԴՐԲԵՋԱՆՈՒՄ ԿԱՐՄԻՐ ԽԱՉԻ ՓԱԿՎԵԼՈՒՑ ՀԵՏՈ ՀԱՅ ՊԱՏԱՆԴՆԵՐԻ ԿՅԱՆՔԻՆ ՎՏԱՆԳ Է ՍՊԱՌՆԱԼՈՒ (ՏԵՍԱՆՅՈՒԹ)
Բաքվում Կարմիր խաչի գրասենյակի փակում նախ թիրախավորում է հենց Բաքվում ապօրինաբար պահվող հայերին: Այս մասին News.am-ի հետ զրույցում ասաց իրավապաշտպան Սիրանուշ Սահակյանը:
«Թեև Կարմիր խաչը մարդասիրական մանդատ է իրականացնում նաև ներպետական օրենսդրության շրջանակներում ձերբակալվածների, կալանավորվածների առնչությամբ, սակայն դրանք առավելապես բացառություն են և հիմնական գործունեությունը ուղղված է կոնֆլիկտում ներգրավված պետությունների քաղաքացիներին իրական աջակցություն տրամադրելուն:
Այս թիրախավորված մոտեցման շրջանակում Ադրբեջանը առավել ցավ ու տառապանք է փորձում պատճառել թե այնտեղ գտնվող հայ պատանդներին, և թե նրանց ընտանիքի անդամներին: Մենք նշել ենք, որ խոշտանգումների կանխարգելման մեխանիզները հնարավորություն չունեն այցելել պատանդներին, միակ հնարավորությունը Կարմիր խաչի աշխատակիցներն էին իրենց սահմանափակ մանդատով: Ադրբեջանը ցանկանում է ամբողջական մեկուսացման ենթարկել հայ պատանդներին, այդ պայմաններում մեծանում են կամայականությունների ռիսկերը»,-ասաց նա:
Իրավապաշտպանը շեշտում է,որ եթե այս պահին կա բռնություններ, հոգեբանական տառապանքի դրսևորումներ, սակայն կյանքի պաշտպանությունը ապահովված է, ապագայում Ադրբեջանում պահվող հայերի կյանքը հայտնվելու է անմիջական և իրական սպառնալիքների ներքո:
«Այս մեկուսացվածության շղթան ճեղքելու նպատակով պետք է այլընտրանքային քայլեր ձեռնարկել, մասնավորապես ակտիվացնել աշխատանքը խոշտանգումների կանխարգելման մեխանիզմների հետ: 2025 թվականին նախատեսված է պարբերական այցելություն Ադրբեջան, կարծում եմ՝ պետք է հասնել նրան, որ խոշտանգումների կանխարգելման կոմիտեն այցելի հայ պատանդներին: Նաև փոխարինող միջոց կարող է դառնալ հյուպատոսական այցելությունների իրավունքի իրացումը»,-ասաց նա:
ПОСЛЕДНИЕ ОТ АВТОРА
-
2025-03-14 19:49Генсек НАТО Марк Рютте подтвердил, что вопрос вступления Украины в альянс больше не стоит на повестке дня.
-
2025-03-14 19:46Министр иностранных дел Грузии Мака Бочоришвили прияла чрезвычайного и полномочного посла США в Грузии с Робин Данниган с кем обсудила повестку дня сотрудничества двух стран, сообщает пресс-служба МИД Грузии.
-
2025-03-14 19:43Пресс-секретарь Белого дома Каролин Левитт уточнила, что с президентом РФ Владимиром Путиным говорил не американский лидер Дональд Трамп, а его советник Стив Уиткофф, ранее посетивший Москву.
-
2025-03-14 19:41Генеральный секретарь НАТО Марк Рютте заявил, что отношения с Россией должны быть в конечном итоге нормализованы после окончания войны в Украине.