2025-03-11 16:42
Информагентства
Երուսաղեմի հայոց պատրիարքարանը կոչով դիմել է միջազգային հանրությանը
Երուսաղեմի հայոց պատրիարքությունը կոչով դիմել է միջազգային հանրությանը, կառավարություններին, կրոնական և մարդասիրական կազմակերպություններին, անհատներին` նրանց ուշադրություն հրավիրելով Սիրիայում բնակվող բոլոր քրիստոնյաների պաշտպանության վրա:
«Տեսնելով Սիրիայում շարունակվող անկարգություններն ու ավերիչ հակամարտությունը՝ մեր սրտերը լցվում են խոր տխրությամբ և անհանգստությամբ բոլոր տառապողների համար: Մեզ մասնավորապես անհանգստացնում է մեր հայ եղբայրների ու քույրերի աղետալի վիճակը։ Նրանք տարիներ շարունակ ապրել են այս հողում, որտեղ ապաստան են գտել 1915 թվականի Հայոց սարսափելի ցեղասպանությունից հետո: Սիրիան նրանցից շատերի տունն է դարձել», – ասվում է X սոցիալական ցանցում հրապարակված հայտարարության մեջ։
Նշվում է, որ տարածաշրջանում տիրող քաոսի և բռնության պատճառով կրկին վտանգված է Սիրիայի բոլոր քրիստոնյա համայնքների անվտանգությունը:
Պատրիարքությունն ընդգծել է, որ իր ձայնը բարձրացնում է ի պաշտպանություն բոլոր անմեղ մարդկանց, հատկապես` հայերի:
«Նրանք պարզապես էթնիկ խումբ կամ հավատացյալների համայնք չեն, այլ գոյատևման, տոկունության և արժանապատվության համար շարունակվող պայքարի վկայությունը», - ասված է հայտարարության մեջ:
Հայ հոգևորականներն ընդգծել են` սիրիահայերը, որոնցից շատերը բնակվում են Հալեպում և Դամասկոսում, արդեն շատ բան են վերապրել:
«Ցեղասպանությունից հետո նրանք վերականգնել են իրենց կյանքը, ստեղծել են դինամիկ զարգացող համայնքներ և զգալի ներդրում ունեցել Սիրիայի սոցիալական, մշակութային և հոգևոր կյանքում։ Սակայն այժմ նրանք բախվում են իրենց կյանքին և ժառանգությանը սպառնացող նոր վտանգի։ Նրանց եկեղեցիները, դպրոցները, տները հայտնվել են շարունակվող քաղաքացիական պատերազմի խաչաձև կրակի տակ», - հիշեցրել է պատրիարքարանը։
Դիմելով միջազգային հանրությանը` Երուսաղեմի պատրիարքարանն ընդգծել է, որ հայերը Մեծ Մերձավոր Արևելքում քրիստոնեական ներկայության կենսական մասն են։
«Սիրիայում մեր քրիստոնյա եղբայրների և քույրերի անվտանգությունը չպետք է խաթարվի»,– ասվում է հայտարարության մեջ:
Հիշեցնենք՝ մարտի 7–10–ը Սիրիայում ալավիների ու քրիստոնյաների զանգվածային սպանություններ են իրականացվել։ Լիբանանյան «Al Nahar» թերթի տվյալներով` Սիրիայի նոր իշխանությունների անվտանգության ուժերի և ապստամբ ալավիների (մահմեդականներ, որոնք կազմում են Սիրիայի բնակչության 10%-ը և բնակվում են երկրի արևմուտքում) բախումների ժամանակ զոհերի թիվը հասել է հազարի։ Սակայն սրանք հստակ տվյալներ չեն։ Սպանվածների թվում նաև հայեր կան։ Նրանց թվում են (հաստատված տեղեկությունների համաձայն) հայր և որդի Անտուան և Ֆատի Պութրոսները, որոնց սպանել են մարտի 7-ին Լաթաքիայի մուտքի մոտ։
Sputnik Արմենիա
ПОСЛЕДНИЕ ОТ АВТОРА
-
New2025-03-14 09:38Залог долголетия — элементарные повседневные привычки, которые либо ускоряют, либо, наоборот, тормозят процесс старения, пишет Daily Express. Авторы предлагают взять на вооружение три полезных ритуала и повторять их ежедневно.
-
New2025-03-14 09:044 марта ТАСС сообщил, что Сергей Собянин принял участие в церемонии закладки памятника Гейдару Алиеву. «Мэр Москвы Сергей Собянин во вторник принял участие в церемонии закладки монумента дважды Герою Социалистического Труда, государственному и политическому деятелю, председателю комиссии Совета министров СССР по строительству и освоению Байкало-Амурской магистрали (БАМ) Гейдару Алиеву», - говорилось в сообщении.
-
New2025-03-14 08:09Азербайджан готовится к новой войне. Об этом написал тюрколог Варужан Гегамян, который прокомментировал звучащие из Азербайджана предусловия и угрозы касательно «мирного соглашения».
-
New2025-03-14 08:06Так называемое «мирное соглашение» должно было включать вопросы выполнения властями Азербайджана исков Армении в международных инстанциях, а не отказа от них. Об этом пишет бывший омбудсмен Армении Арман Татоян.