Լավրով․ Զելենսկին ձգտում է ԱՄՆ-ին համոզել Ռուսաստանի դեմ միջուկային զենք կիրառել

ՌԴ արտգործնախարար Սերգեյ Լավրովը հայտարարել է, որ Ուկրաինայի նախագահ Վլադիմիր Զելենսկին Ռուսաստանի դեմ միջուկային զենքի կիրառման երաշխիքներ է փնտրում ԱՄՆ կառավարությունից, գրում է «Коммерсантъ»-ը։

Նա նշել է, որ Կիևի նման մոտեցումը ցույց է տալիս ուկրաինական կողմի՝ բանակցային գործընթացը սկսելու պատրաստակամությունը։

«Պարոն Զելենսկին հրապարակայնորեն հայտարարում է, թե ոչ մի հրադադար չի ցանկանում, քանի դեռ ամերիկացիները նրան երաշխիքներ չեն տվել, որ եթե ինչ-որ բան տեղի ունենա, նրանք միջուկային զենքով կռմբակոծեն Ռուսաստանը։ Նա այս հարցը մոտավորապես նույն կերպ է դնում», -նշել է Լավրովը Եվրոպայի անվտանգության և համագործակցության կազմակերպության (ԵԱՀԿ) ղեկավար Ֆերիդուն Սինիրլիօղլուի հետ հանդիպումից հետո անցկացված մամուլի ասուլիսում։

Ռուսաստանցի նախարարը միաժամանակ Ուկրաինա խաղաղապահներ ուղարկելու առաջարկներն «ուկրաինական քաղաքական ղեկավարության մնացորդները փրկելու փորձ» է անվանել: Նախարարն ընդգծել է, որ ռուս-ուկրաինական հակամարտության կարգավորման գործընթացը դեռ չի մեկնարկել։

Փետրվարի վերջին ԱՄՆ պետքարտուղար Մարկո Ռուբիոն հայտարարել էր, որ երկրին միջուկային զենք տրամադրելու վերաբերյալ Ուկրաինայի նախագահ Վլադիմիր Զելենսկու առաջարկները «լուրջ չեն»: Նա հավելել է, որ նման քայլերը չեն նպաստի հակամարտության կարգավորմանը։

News.am