2025-03-12 09:16
Информагентства
ՆԱԽԿԻՆՆԵՐԻ ՎԵՐԱԲԵՐՅԱԼ ՓԱՇԻՆՅԱՆԻ ԹԵԶԸ ԳՐԵԹԵ ՉԻ ԱՇԽԱՏԻ․ ՔԱՂՏԵԽՆՈԼՈԳԸ՝ ԳՅՈՒՄՐԻ ԱՅՑԻ ՄԱՍԻՆ
ՀՀ վարչապետ Նիկոլ Փաշինյանի՝ նախկինների և ներկաների մասին թեզերը Գյումրու ավագանու արտահերթ ընտրություններում գրեթե չեն աշխատելու։ Այս կարծիքը Sputnik Արմենիայի հետ զրույցում հայտնեց քաղտեխնոլոգ Արմեն Բադալյանը՝ անդրադառնալով հարցին, թե որքանով կաշխատեն ՔՊ-ին բազմիցս օգնած քարոզչական թեզերն առաջիկա արտահերթ ընտրություններում։
Նշենք, որ Գյումրիում ՔՊ-ականների հետ հանդիպմանը Փաշինյանը հայտարարել էր, թե իրենց դեմ ընտրապայքարի մեջ մտածները դուրս են եկել գողացածն ու թալանածը պաշտպանելու «վերջին ճակատամարտի»։ Այդ համատեքստում Փաշինյանը թվարկել էր Հայաստանի 2-րդ ու 3-րդ նախագահների անունները։
«7 տարվա ընթացքում ինքը՝ որպես վարչապետ, ինչպես նաև իր քաղաքական թիմը ոչինչ չունեն ցույց տալու որևէ ոլորտում՝ տնտեսական, անվտանգային, որևէ նվաճում չունեն, ո՛չ Գյումրիում, ո՛չ էլ հանրապետության այլ հատվածում։ Իր կառավարման ընթացքում Գյումրիում դեռ շարունակում են բազմաթիվ մարդիկ ապրել տնակներում, այսինքն՝ այսպես կոչված աղետի գոտին նաև նրա օրոք չի վերացել։ Հետևաբար, նախընտրական քարոզարշավի ժամանակ, երբ ոչինչ չունես ցույց տալու ժողովրդին, սկսում ես հինը մի քիչ փոփոխված տարբերակով ներկայացնել»,- նշեց քաղտեխնոլոգը։
Նրա խոսքով՝ ՔՊ-ի ընտրազանգվածը ձայն կտա ոչ թե նախկիններ և ներկաներ թեզերի շրջանառման, այլ հենց Նիկոլ Փաշինյանի համար։ Վստահ է՝ Գյումրիում միանշանակ կան այնպիսի անձինք, որոնց համար առաջ քաշված թեզերը, կոնտեքստը կարևոր չեն, կարևոր է, որ հենց Նիկոլ Փաշինյանն է ասում, ինչպես նաև կարևոր չէ, թե ինչ է գոռում, կարևորը, որ գոռում է։
Անդրադառնալով հարցին, որ Գյումրիում ընտրություններին ընդառաջ նախկին քաղաքապետներ Վարդան Ղուկասյանի, Սամվել Բալասանյանի, ինչպես նաև նրա որդու նկատմամբ հետապնդումներ են իրականացվում, Բադալյանը շեշտեց՝ դա վարչական ռեսուրսի կիրառում է, ինչն արվում է վախեցնելու համար։
«Քաղաքապետի այն թեկնածուին, որին տարել էին ոստիկանական բաժանմունք (խոսքը Վարդան Ղուկասյանի մասին է․ նրան բերման էին ենթարկել ապօրինի զենք-զինամթերք պահելու կասկածանքով-խմբ․), չեն կարող այդպիսով վախեցնել։ Մտածում են` գուցե «զադնի դնի» ու թուլացնի պայքարը, բայց որոշ հանգամանքներ հաշվի չեն առնում։ Այդ անձի դեմ մահափորձ է արվել, նա քաղաքական և քրեական կենսագրություն ունի, իրեն չի կարելի քաղմասով վախեցնել, դա հակառակ ռեակցիա է տալիս։ Ընտրազանգվածի մոտ կարող է կարծիք ձևավորվել, որ իշխանությունը վախենում է այդ անձից, դրա համար էլ փորձում է խաղից հանել, ու դա հնարավոր է լրացուցիչ ձայն բերի «հալածվողին»»,- ասաց քաղտեխնոլոգը։
Հիշեցնենք, որ մարտի 30-ին տեղական ինքնակառավարման մարմինների արտահերթ ընտրություններ են նախանշված Գյումրիում ու Փարաքարում։ Գյումրիում ընտրություններին մասնակցելու համար առաջադրվել է 6 կուսակցություն ու 3 դաշինք։
ПОСЛЕДНИЕ ОТ АВТОРА
-
2025-07-11 19:39Антицерковная кампания властей – серьезная угроза армянской государственности и народному единству, она бьет по репутации страны и Церкви. Об этом заявил Католикос Всех армян Гарегин II на ежегодном собрании священников в Св. Эчмиадзине.
-
2025-07-11 19:37Теперь очередь за цистернами с газом. На стоянке Степанцминда-Ларс в Грузии более пятидесяти армянских грузовиков со сжиженным газом с рассвета ждут завершения таможенных процедур, чтобы отправиться в Армению. Водители, звонившие в редакцию Радио «Свобода» с места происшествия, сообщают, что грузинская таможенная служба вводит новые ограничения на возвращающиеся в Армению из России грузовики без какой-либо четкой причины и официального объяснения.
-
2025-07-11 19:35Управление верховного комиссара ООН по правам человека (УВКПЧ) осведомлено о напряженности вокруг Армянской Апостольской церкви (ААЦ), но не располагает достаточной информацией для комментариев. Об этом заявила РИА Новости официальный представитель Управления Элизабет Троссел.
-
2025-07-11 19:35Госдеп США предупредил сотрудников о грядущих увольнениях в ведомстве в рамках плана администрации Дональда Трампа по сокращению правительственного штата. Об этом сообщают The Washington Post (WP) и The New York Times (NYT) со ссылкой на попавшее в их распоряжение внутреннее сообщение, отправленное сотрудникам Госдепа.