2025-03-13 11:36
Информагентства
ՍԵՐԺ ՍԱՐԳՍՅԱՆԻՆ ՆԵՐԿԱՅԱՑՎԱԾ ՆՈՐ ՄԵՂԱԴՐԱՆՔԻ ՀԵՏՔԵՐՈՎ. ՀՈՂԵՐԸ ՎԱՃԱՌՎԵԼ ԵՆ ՉԻՆԱՍՏԱՆԻ ԴԵՍՊԱՆՈՒԹՅԱՆԸ
ՀՀ երրորդ նախագահ Սերժ Սարգսյանին ներկայացված նոր մեղադրանքում նշվող հողատարածքների մեծ մասը վաճառվել է Չինաստանի դեսպանությանը։ Տեղեկությունը հայտնում է «Հրապարակ» օրաթերթը։
Երեկ` մարտի 12-ին, հայտնի դարձավ, որ ՀՀ երրորդ նախագահին նոր մեղադրանք է ներկայացվել առանձնապես խոշոր չափերով յուրացման կամ վատնման, պաշտոնեական դիրքն օգտագործելով առանձնապես խոշոր չափերով փողերի լվացման համար։ Ըստ դատախազության` այս գործն առնչվում է Երևանի Իսակովի պողոտային և Եռաբլուր պանթեոնին հարակից տարածքների հողամասերի ապօրինի օտարմանը:
«Իրականում այդ հողամասերը բավականին հեռու են Եռաբլուրից, պարզապես հատուկ քարոզչական նկատառումներով ընդգծում են «Եռաբլուր» անունը, որ հանրության մոտ ցասում առաջացնեն նախկինների նկատմամբ: Խնդրո առարկա հողակտորների մեծ մասը դիմացի մայթին են»,– գրում է «Հրապարակը»:
Թերթը պարզել է, որ հողակտորների մեծ մասը կառավարության որոշման հիման վրա վաճառվել է ՀՀ-ում Չինաստանի դեսպանությանը։
Գործարքը տեղի է ունեցել 2005 թվականին, այժմ այդ տարածքում է տեղակայված ՀՀ-ում Չինաստանի դեսպանությունը, տարածքը, ըստ էության, նրանց սեփականությունն է, և այս գործով փաստորեն կարող են սեպ խրել նաև հայ-չինական հարաբերություններում։
Հիշեցնենք` ավելի վաղ Սերժ Սարգսյանին մեղադրանք էր առաջադրվել ՀՀ ՔՕ 38-179-րդ հոդվածի 3-րդ մասի 1-ին կետով՝ առանձնապես խոշոր չափերով յուրացում կամ վատնում։
Ըստ մեղադրանքի` Սերժ Սարգսյանի կազմակերպմամբ և «Ֆլեշ» ընկերության սեփականատեր Բարսեղ Բեգլարյանի դրդմամբ, ՀՀ գյուղատնտեսության նախկին նախարարի տեղակալ Սամվել Գալստյանի ու նույն նախարարության բուսաբուծության վարչության պետ Գևորգ Հարությունյանի օժանդակությամբ 2013 թվականի հունվարի 25-ից փետրվարի 7-ն ընկած ժամանակահատվածում ՀՀ կառավարության պահուստային ֆոնդից վատնվել է պետական աջակցության ծրագրերի իրականացման ընթացքում իրացված 15 391 765 լիտր դիզելային վառելիքի համար հատկացված սուբսիդիայի առանձնապես խոշոր չափերով գումարը՝ 489 160 310 դրամ:
Երևան քաղաքի առաջին ատյանի ընդհանուր իրավասության դատարանը մայիսի 31-ին Սերժ Սարգսյանին արդարացրեց հանցակազմի բացակայության հիմքով։
2023 թ. սեպտեմբերի 17–ին ՀՀ գլխավոր դատախազությունը բողոքարկել է ՀՀ երրորդ նախագահ Սերժ Սարգսյանի արդարացման վճիռը։
ПОСЛЕДНИЕ ОТ АВТОРА
-
New2025-03-14 11:31Соединенные Штаты планируют возобновить поставки в Украину высокоточных планерных бомб GLSDB (Ground-Launched Small Diameter Bomb), модернизированных для противодействия российским средствам радиоэлектронной борьбы, сообщает Reuters со ссылкой на двух собеседников, знакомых с ситуацией
-
New2025-03-14 11:27Глава МИД Германии Анналена Бербок назвала "смелыми уступками" шаги Еревана в переговорах с Баку, комментируя окончательное согласование текста мирного договора сторонами.
-
New2025-03-14 11:23Разговор о компромиссе лишний, поскольку Пашинян принимает требования как Азербайджана, так и Турции, по пунктам. Следует понимать, что происходит документирование капитуляции Армении. Об этом заявил в беседе с корреспондентом Новости Армении – NEWS.am историк, политолог Армен Айвазян.
-
New2025-03-14 11:22Вашингтон обсуждает с Киевом, какие территории он сохранит, а какие – потеряет по итогам урегулирования конфликта, а также другие элементы окончательной договоренности на этот счет. Об этом заявил американский президент Дональд Трамп на встрече с генеральным секретарем НАТО Марком Рютте в Овальном кабинете Белого дома, передает Sky News.