ԵԱԶԲ․ Առանց թանկարժեք մետաղների, Հայաստանի և՛ ներմուծման, և՛ արտահանման դինամիկան բացասական է եղել

Արտաքին առևտրի դեֆիցիտը 2024 թվականին նվազել է և կազմել 4,2 միլիարդ ԱՄՆ դոլար (2023 թվականին՝ 3,9 միլիարդ ԱՄՆ դոլար)։ Դրա մասին ասված է Եվրասիական զարգացման բանկի (ԵԱԶԲ) զեկույցում։

Արտահանման առաքումները տարեվերջին աճել են 53%-ով՝ թանկարժեք մետաղների և ոսկու արտադրանքի արտադրության և արտահանման աճի ֆոնին։ Ապրանքների արտահանման կառուցվածքում այս կատեգորիաները կազմում են 61% (2024 թվականին աճել է 2,5 անգամ)։ Ներմուծումը 2024 թվականին տարեկան կտրվածքով աճել է 33.8%-ով և հիմնականում ապահովվել է թանկարժեք մետաղների ներմուծմամբ՝ վերամշակման և հետագա արտահանման համար (աճը՝ 2.7 անգամ)։

Առանց թանկարժեք մետաղների առևտրի, ինչպես ներմուծման, այնպես էլ արտահանման դինամիկան 2024 թվականին բացասական է եղել (համապատասխանաբար՝ մինուս 5,3% և մինուս 3,3%)։

Այս տարվա հունվարին արտահանման և ներմուծման արժեքը տարեկան կտրվածքով նվազել է համապատասխանաբար 49,2%-ով և 33,5%-ով, ինչը թանկարժեք մետաղների արտաքին առևտրի դրական ազդեցությունը սպառված լինելու հետևանք է։ Ակնկալում ենք, որ նման դինամիկա կնկատվի 2025 թվականի առաջին կիսամյակի ընթացքում։ Առանց թանկարժեք մետաղների առևտրի գործոնի ազդեցության, ներմուծման ծավալների աճը հունվարին կազմել է 4%, իսկ արտահանման անկումը կազմել է 14,4%։

News.am