Последние новости
2025-03-17 08:23

Փեզեշքիան․ Իրանը կարևորում է Հայաստանի և Ադրբեջանի տարածքային ամբողջականության պահպանումը

0
Telegram

Իրանը ողջունել է Հայաստանի և Ադրբեջանի միջև խաղաղության և կայունության հաստատումը` երկրների տարածքային ամբողջականության պահպանմամբ։ Իրանական լրատվամիջոցների փոխանցմամբ` այդ մասին ասել է Իրանի Իսլամական Հանրապետության նախագահ Մասուդ Փեզեշքիանը ՀՀ վարչապետ Նիկոլ Փաշինյանի հետ հեռախոսազրույցի ժամանակ։

Ավելի վաղ հայտնել էինք, որ այսօր ՀՀ վարչապետ Նիկոլ Փաշինյանը հեռախոսազրույց է ունեցել Իրանի Իսլամական Հանրապետության նախագահ Մասուդ Փեզեշքիանի հետ։ Վարչապետն Իրանի նախագահին տեղեկացրել է «Հայաստանի և Ադրբեջանի միջև խաղաղության և միջպետական հարաբերությունների հաստատման մասին համաձայնագրի» նախագծի տեքստի համաձայնեցման շուրջ բանակցությունների ավարտի մասին։

Փեզեշքիանը շնորհավորել է երկու երկրներին` խաղաղության համաձայնագրի բանակցությունների ավարտի կապակցությամբ։

«Իրանը միշտ ողջունել է խաղաղության, մերձեցման և կայունության հաստատումը տարածաշրջանում, հատկապես հարևանների միջև՝ պահպանելով երկրների տարածքային ամբողջականությունը»,– ասել է Փեզեշքիանը։

Հիշեցնենք, որ մարտի 13–ին Երևանն ու Բաքուն ավարտել են խաղաղության պայմանագրի տեքստի շուրջ բանակցությունները՝ համաձայնեցնելով վերջին երկու կետերը, որոնք վերաբերում էին սահմանային հատվածներից երրորդ ուժերի (տվյալ դեպքում՝ Հայաստանում ԵՄ առաքելության. խմբ.) դուրսբերմանը և միջազգային դատական ատյաններ ներկայացված հայցերից հրաժարվելուն։

Sputnik Արմենիա

ПОСЛЕДНИЕ ОТ АВТОРА

ПОСЛЕДНЕЕ ПО ТЕМЕ