2025-03-25 17:37
Информагентства
Բուսաբանական այգում ծառահատումների վնասը կազմել է 16․5 միլիոն դրամ. վարույթ է հարուցվել
Երևանի Բուսաբանական այգում ծառահատումների դեպքով հարուցվել է վարչական վարույթ։ Տեղեկությունը հայտնում է ՀՀ բնապահպանության և ընդերքի տեսչական մարմինը։
Ավելի վաղ «Ֆեյսբուքի» օգտատեր Էդուարդ Հայրումյանը լուսանկարներ էր հրապարակել, որոնցում շուրջ 30 հատ կոճղ է երևում` 30-50 սմ տրամաչափով։
Նշվում է, որ Բուսաբանական այգում ծառահատումների վերաբերյալ վարույթի նյութերով առերևույթ հանցանքի մասին հաղորդում է ներկայացվել ՀՀ քննչական կոմիտե։ Ապօրինի ծառահատման արդյունքում բուսական աշխարհին պատճառված վնասը կազմել է 16․570․000 ՀՀ դրամ։
«Բնապահպանության և ընդերքի տեսչական մարմնում «ՀՀ ԳԱԱ Ա․Թախտաջյանի անվան բուսաբանության ինստիտուտ» ՊՈԱԿ-ի տարածքում հատված ծառերի վերաբերյալ ստացված ահազանգի հիմքով հարուցվել է վարչական վարույթ»,–հայտնում է տեսչական մարմինը։
Վարույթի շրջանակներում Բուսաբանության ինստիտուտի տարածքի զննության արդյունքում՝ այգու հարավ-արևելյան հատվածում, արձանագրվել է «Կաղնի ամառային» տեսակի 35-74 սմ տրամագծով ապօրինի հատված 34 ծառի կոճղեր։
Հիշեցնենք՝ այգու տնօրենությունը արձագանքելով սոցցանցային հրապարակումներին՝ հայտարարել էր, որ կտրված 30 ծառերից մոտ 20–ը հատվել են 2024 թվականի աշնանը, իսկ մնացածը` մի քանի տարի առաջ։ Ընդգծվել էր, որ հատված կաղնու ծառերի կենսունակության աստիճանի որոշումը պահանջում է համալիր դենդրոչափական ուսումնասիրություն։ Ու շեշտել էին՝ Բուսաբանական այգու տնօրեն Ժաննա Հովակիմյանը 2025 թվականի հունվարին է նշանակվել այդ պաշտոնին՝ փոխարինելով Աննա Ղուկասյանին։
Sputnik Արմենիա
ПОСЛЕДНИЕ ОТ АВТОРА
-
New2025-06-18 17:10Исходя из политических и краткосрочных личных целей, нельзя делать заявления, направленные на национализацию ЗАО «Электрические сети Армении». Самый маленький кризис в сфере электроснабжения окажет долгосрочное отрицательное воздействие на экономику, считает экономист Сурен Парсян.
-
New2025-06-18 17:05Ходатайство о применении меры пресечения в виде заключения под стражу в отношении бизнесмена и мецената Самвела Карапетяна рассмотрит судья Ереванского уголовного суда общей юрисдикции Артак Карапетян.
-
New2025-06-18 17:03Приток иностранных граждан наблюдается на армяно-иранской границе. Об этом сообщили Sputnik Армения собственные источники.
-
New2025-06-18 17:00Министерство внутренних дел изъяло 298 килограммов героина, стоимость которого на так называемом «черном рынке» составляет около 85 миллионов лари, сообщил на пресс-конференции заместитель министра внутренних дел Александр Дарахвелидзе.