2025-03-25 18:45
Информагентства
ՀՀ կադաստրի կոմիտեի և ՊՆ պաշտոնյաները մեղադրվում են կաշառք ստանալու մեջ
Ապօրինի վարձատրություն տալու, ստանալու, դրան օժանդակելու, ինչպես նաև կաշառք տալու և ստանալու համար մեղադրանք է ներկայացվել 6 անձի, այդ թվում` ՀՀ կադաստրի կոմիտեի և ՊՆ պաշտոնյաների։ Տեղեկությունը հայտնում է ՀՀ հակակոռուպցիոն կոմիտեի մամուլի ծառայությունը։
Նշվում է, որ չափագրման ծառայություններ մատուցող ընկերության տնօրենն օժանդակել է, որպեսզի ՀՀ կադաստրի կոմիտեի համապատասխան ստորաբաժանման ղեկավարի տեղակալն ապօրինի վարձատրություն ստանա, ինչպես նաև անձամբ կաշառք է տվել ՊՆ պաշտոնատար անձի:
«Անշարժ գույքի նկատմամբ իրավունքի պետական գրանցման համար ՀՀ կադաստրի կոմիտե քաղաքացու ներկայացրած դիմումը քաղաքաշինական փաստաթղթերին չհամապատասխանելու հիմքով մերժվել է։ Դրանից հետո քաղաքացին դիմել է վերը նշված ընկերության տնօրենին: Նա էլ, իր հերթին, դիմել է կադաստրի կոմիտեի պաշտոնատար անձին, որը խնդիրը կարգավորելու համար պահանջել է 1500 դոլար ապօրինի վարձատրություն: Հարցի շուրջ համաձայնության գալուց հետո պաշտոնյան քաղաքացուն ուղղորդել է նոր դիմում ներկայացնել կոմիտե՝ այլ հիմքերով»,– ասված է հաղորդագրությունում։
Քաղաքացին ընկերության տնօրենին գումարը տվել է 2024 թվականի նոյեմբերի 14-ին։ Տնօրենն էլ 1000 դոլարը կադաստրի կոմիտեի աշխատակցի միջոցով փոխանցել է վերը նշված պաշտոնատար անձին, իսկ մնացած գումարը տնօրինել է անձամբ: Արդյունքում` նոյեմբերի 19-ին անշարժ գույքի նկատմամբ իրավունքի պետական գրանցումը կատարվել է:
Բացի այդ, նույն ընկերության տնօրենը ցանկացել է իր աշխատակցին հերթական վարժական հավաքին մասնակցելուց ազատել։ Դրա համար 2024 թվականի հոկտեմբերին 100 000 դրամ կաշառք է տվել ՀՀ ՊՆ զորակոչային և զորահավաքային համալրման ծառայության տարածքային ստորաբաժանման պետին:
«Ապօրինի վարձատրություն տալու, ստանալու, դրան օժանդակելու, ինչպես նաև կաշառք տալու և ստանալու համար ՀՀ քրեական օրենսգրքի համապատասխան հոդվածներով մեղադրանք է ներկայացվել 6 անձի, այդ թվում՝ ՀՀ կադաստրի կոմիտեի և ՊՆ պաշտոնյաներին, ինչպես նաև ընկերության տնօրենին»,– հայտնում է հակակոռուպցիոն կոմիտեն:
Քրեական վարույթով նախաքննությունն ավարտվել է: Դատախազի կողմից հաստատվել է մեղադրական եզրակացությունը, և վարույթի նյութերն ուղարկվել են ՀՀ հակակոռուպցիոն դատարան:
Sputnik Արմենիա
ПОСЛЕДНИЕ ОТ АВТОРА
-
New2025-04-28 19:42Человеческая халатность стала причиной взрыва в порту Шахид-Раджаи, который находится в 15 км от города Бендер-Аббаса на юге Ирана. К текущему моменту удалось установить виновных, расследование продолжается, сообщил 28 апреля министр внутренних дел республики Эскандер Моамени.
-
New2025-04-28 19:40Адвокаты Рубен Меликян и Вараздат Арутюнян представили прокурору ходатайство о возбуждении уголовного дела против силовиков, избивших активиста Самвела Варданяна после его задержания в апреле 2024 года. Об этом «Инициатива пяти правозащитников» сообщила в Facebook.
-
New2025-04-28 19:37Поскольку у нас есть организация-победитель для Котайкской области, она должна обслуживать населенные пункты области, а транспорт Еревана должен быть выведен. Об этом заявил на встрече с жителями сел Касах и Прошян 28 апреля заместитель министра территориального управления и инфраструктур Армении Армен Симонян.
-
New2025-04-28 19:36Военное вторжение Индии неизбежно, заявил министр обороны Пакистана Хаваджа Мухаммад Асиф.