2025-03-28 08:47
Информагентства
Հակակառուպցիոն կոմիտե․ Գյումրիում ընտրակաշառքի գործով 8 անձ է ձերբակալվել
Գյումրիում 8 անձ է ձերբակալվել ընտրակաշառքի գործով։ Տեղեկությունը հայտնում է Հակակոռուպցիոն կոմիտեն՝ նշելով, որ ձերբակալվածների թվում են Գյումրու ավագանու արտահերթ ընտրություններում առաջադրված քաղաքական ուժերի ներկայացուցիչներ ու համակիրներ:
«Հիշյալ բոլոր անձինք ձերբակալվել են ընտրակաշառք տալու, ստանալու, խմբով ընտրակաշառք տալու նախապատրաստության, ինչպես նաև ընտրության ժամանակ բարեգործության արգելքը խախտելու մեղադրանքներով»,- հայտնում են կոմիտեից։
Նախաքննության ընթացքում խուզարկություններ են կատարվել ընտրություններում առաջադրված երկու կուսակցությունների գրասենյակներում և մի շարք անձանց բնակարաններում։ Նշվում է, որ խուզարկությունների արդյունքում հայտնաբերվել են վարույթի համար նշանակություն ունեցող փաստաթղթեր, այդ թվում՝ քաղաքացիների անձնագրային տվյալներ ու ձեռագիր նշումներով ցուցակներ:
Կոմիտեից հայտնում են, որ ձերբակալվածներից 3-ը տվել են խոստովանական ցուցմունքներ և աջակցել նախաքննական մարմնին: Ձերբակալվածներից 2-ի նկատմամբ խափանման միջոց է կիրառվել բացակայելու արգելքը։
«Մնացած 6-ի նկատմամբ վարչական հսկողությունը որպես խափանման միջոց կիրառելու միջնորդություններ են ներկայացվել ՀՀ հակակոռուպցիոն դատարան՝ այնպիսի սահմանափակումների կիրառմամբ, որպիսիք կապահովեն ընտրական գործընթացում և նախաքննության փուլում վերջիններիս պատշաճ վարքագիծը»,- նշված է հաղորդագրության մեջ:
Ավելի վաղ հայտնել էինք, որ իրավապահ մարմիններն այսօր ստուգումներ են իրականացրել Գյումրիում` ընդդիմադիր «Մայր Հայաստան» դաշինքի գրասենյակում, դաշինքի ներկայացուցիչ Էմմա Գրիգորյանին տեղափոխել են Հակակոռուպցիոն կոմիտե, որտեղ վարույթ է նախաձեռնվել առաջիկա ընտրությունների հետ կապված ընտրակաշառք տալու մի քանի դեպքերի վերաբերյալ: Հրապարակվել է խոսակցության ձայնագրությունը։ Ավելի ուշ հայտնի դարձավ, որ ձերբակալվել են «Պատիվ ունեմ» խմբակցության պատգամավոր, «Մեր քաղաքը» դաշինքի կողմից Գյումրու համայնքապետի թեկնածու Մարտուն Գրիգորյանի հայրը և որդին։
Հիշեցնենք, որ Գյումրում ՏԻՄ ընտրություններ կանցկացվեն մարտի 30-ին: Մասնակցելու հայտ է ներկայացրել 6 կուսակցություն և 3 դաշինք։ Գյումրիում կգործի 82 ընտրատեղամաս: Ավագանու արտահերթ ընտրությանը մասնակցելու իրավունք ունի 112 հազար 160 բնակիչ։
Sputnik Արմենիա
ПОСЛЕДНИЕ ОТ АВТОРА
-
New2025-06-18 12:17Вчерашние события снова продемонстрировали всю несостоятельность действующей власти Армении, говорится в заявлении главы группы компаний «Ташир» Самвела Карапетяна.
-
New2025-06-18 12:15К зданию Следственного комитета Республики Армения, где собрались сторонники владельца компании «Ташир Групп» Самвела Карапетяна, доставлено большое количество сотрудников полиции.
-
New2025-06-18 12:13Армен Абазян был наиболее долго проработавшим директором СНБ за время моего пребывания на посту премьер-министра и работал в самый сложный период, с ноября 2020 года. Об этом 18 июня, в беседе с журналистами в Национальном Собрании заявил премьер-министр Никол Пашинян, отвечая на вопрос о том, почему был уволен директор СНБ Армен Абазян.
-
New2025-06-18 12:12Верующие Армянской Апостольской церкви в России требуют от властей Армении прекратить произвол в отношении главы группы компаний "Ташир", российского бизнесмена армянского происхождения Самвела Карапетяна. Об этом говорится в заявлении Российской и Ново-Нахичеванской епархии.