2025-04-03 11:53
Информагентства
Կոպիրկին․ Ռուսաստանը կարևոր է համարում Հայաստանի միացումը ՇՀԿ-ի աշխատանքներին
Ռուսաստանը կարևոր է համարում ՇՀԿ-ի աշխատանքներին այլ պետությունների, մասնավորապես՝ Հայաստանի միացումը։ Այս մասին հայտարարեց Հայաստանում Ռուսաստանի դեսպան Սերգեյ Կոպիրկինը «Շանհայան ոգու առաջմղում. ՇՀԿ-ն գործողության մեջ» թեմայով սեմինարի շրջանակում՝ պատասխանելով Sputnik Արմենիայի՝ ՇՀԿ-ի շրջանակներում համագործակցության հեռանկարների մասին հարցին։
Նրա խոսքով` Մոսկվան Պեկինի հետ համագործակցում է ՇՀԿ-ում Չինաստանի նախագահության շրջանակներում և հաշվի առնելով Ռուսաստանի նախագահությունը ՇՀԿ-ի կառավարությունների ղեկավարների խորհրդում։
«Մենք աջակցում ենք Չինաստանի նախագահության առաջնահերթություններին և նպաստում դրանց իրականացմանը: Եվ, իհարկե, կարևոր ենք համարում այլ պետությունների, մասնավորապես՝ Հայաստանի միացումը ՇՀԿ-ի աշխատանքներին», – ասաց Կոպիրկինը:
Դիվանագետի խոսքով՝ Ռուսաստանի դիրքորոշումը հիմնված է նրա վրա, որ ՇՀԿ-ի հետ փոխգործակցելու ցանկությունը միանգամայն բնական է՝ հաշվի առնելով կազմակերպության սկզբունքները, որոնք համապատասխանում են բազմաբևեռ աշխարհի իրողություններին։
«Ռուսաստանն ամեն կերպ կաջակցի դրան, որպեսզի դա օգուտ բերի բոլորին՝ հիմնված պրագմատիկ մոտեցման և մեր շահագրգռվածության վրա՝ ձևավորելու նոր, իսկապես հավասար միջազգային հարաբերությունների համակարգ», – նշեց Սերգեյ Կոպիրկինը։
Նա հիշեցրեց, որ ՇՀԿ-ն այսօր շատ ավելի ընդարձակ է, քան զուտ տարածաշրջանային կազմակերպություն, և այսօր այն առանցքային դեր է խաղում եվրասիական մեծ տարածքում միջազգային հարաբերությունների նոր համակարգի ձևավորման գործում։
Կոպիրկինն ընդգծեց, որ ՇՀԿ-ն հիմնված է այն սկզբունքների վրա, որոնք ՌԴ-ն իրապես արդիական է համարում ժամանակակից աշխարհի համար՝ փոխադարձ հարգանք, իսկապես ինքնիշխան քաղաքականության իրականացում և խնդիրները հավաքական եղանակով լուծելու պատրաստակամություն՝ հիմնված փոխգործակցության և բոլորի համար ընդունելի լուծումների որոնման վրա:
Դեսպանը նշեց, որ կազմակերպությունն ընդգրկում է ամենատարբեր ոլորտներ, այդ թվում՝ տնտեսությունը։ Այդ առումով կարևոր է ՇՀԿ-ի դերը եվրասիական մեծ գործընկերության ձևավորման գործում, որի մասին խոսում էր ՌԴ նախագահ Վլադիմիր Պուտինը։ Ինչպես նշեց Կոպիրկինը, Մոսկվան կողմ է ՇՀԿ-ի գործունեությունը Եվրասիական տնտեսական միության, այլ տարածաշրջանային կազմակերպությունների, մասնավորապես АСЕАН-ի, Ասիայի և Աֆրիկայի տարածաշրջանային կազմակերպությունների հետ համակարգելուն։
Այժմ աշխատանքներ են տարվում ՇՀԿ-ի հենքի վրա անվտանգության մարտահրավերներին արձագանքելու ավելի համալիր կենտրոնի ստեղծման ուղղությամբ: Այդ առումով կարևոր է համարվում ՇՀԿ-ի փոխգործակցությունը տարածաշրջանային կազմակերպությունների, մասնավորապես՝ ՀԱՊԿ-ի հետ։
ПОСЛЕДНИЕ ОТ АВТОРА
-
New2025-04-12 15:46Власти надавали множество обещаний, чтобы отвлечь нас. Об этом в прямом эфире Alpha News заявил доктор политических наук Артур Хачикян.
-
New2025-04-12 15:41После сделанного 13 марта заявления азербайджанской стороны о согласовании текста проекта «Соглашения об установлении мира и межгосударственных отношений между Республикой Армения и Азербайджанской Республикой» и выражения армянской стороной готовности его подписать практически ежедневно Баку обвиняет Ереван в обстрелах азербайджанских позиций.
-
New2025-04-12 15:37Министры иностранных дел Арарат Мирзоян и Джейхун Байрамов в ходе дискуссии в рамках Анталийского дипломатического форума вступили в дебаты по вопросу предусловий Баку в виде изменения Конституции Армении, которые выдвинул глава МИД Азербайджана.
-
New2025-04-12 15:33Де-факто конфликта между Арменией и Азербайджаном нет, но де-юре еще нет подписанного мирного договора, сказал Арарат Мирзоян во время панельной дискуссии в рамках дипломатического форума в Анталии.