2025-04-05 08:09
Марина МКРТЧЯН
ԳԼԽԱՎՈՐ ՊԱՅՄԱՆԸ
54 երկրներ և 9 միջազգային կազմակերպություններ շնորհավորեցին Երևանին և Բաքվին խաղաղության համաձայնագրի շուրջ բանակցությունների ավարտի կապակցությամբ: Ռեժիմի վերնաշերտը շռնդալից տոնում էր «դիվանագիտական հաջողությունը», մինչև որ շնորհավորանքներին հաջորդեցին ադրբեջանական դիրքերի գնդակոծման Բաքվի հնչեցրած կեղծ մեղադրանքները։
ՀՀ ՊՆ 13 հերքումներին հաջորդեց հայկական սահմանամերձ գյուղերի բազմօրյա գնդակոծությունը՝ Սոթքից մինչև Խոզնավար։ Այնուհետ ադրբեջանական կողմը հորինեց հեքիաթը հայկական դրոնների մասին, որոնք, իբր, հետախուզական աշխատանք են իրականացնում, և նշանառությամբ գնդակոծեց սահմանամերձ գյուղերից մեկը: Արդյունքում ժողովուրդը հասկացավ, որ ռեժիմի վերնաշերտի խաղաղ բանակցությունները համատարած կեղծիք են, իսկ խաղաղ գործընթացը գոյություն ունի միայն Փաշինյանի և նրա քարոզչամեքենայի երևակայության մեջ։ Չի կարող լինել խաղաղության համաձայնագրի 100% համաձայնեցված տեքստ՝ կեղծ մեղադրանքների և գնդակոծությունների տեսքով «հավելվածով»։
Իրականում Ալիևը պահանջում է կատարել այն պայմանավորվածությունները, որոնք դուրս են համաձայնագրի շրջանակներից. նոր Սահմանադրության տեքստից մինչև միջազգային դատարաններից հայցերի հետկանչ, Մինսկի խմբի լուծարումից մինչև բանակի զինաթափում, այսպես կոչված 300 հազար ադրբեջանցի «փախստականների» վերադարձից մինչև սահմանամերձ գոտում երրորդ ուժերի ներկայության բացառում։
Հենց այն ժամանակահատվածում, երբ բանակցություններ էին ընթանում հայցերի փոխադարձ հետկանչի շուրջ, Ադրբեջանը Հաագայի արբիտրաժային դատարան նոր հայց ներկայացրեց ՀՀ-ի դեմ։ Խոսքը շրջակա միջավայրի և կենդանական աշխարհի զանգվածային ոչնչացման դիմաց փոխհատուցման մասին է։ Սա արդեն երկրորդ հայցն է մեր երկրի դեմ։ Առաջինը բովանդակում էր ՀՀ-ից ֆինանսական փոխհատուցման պահանջ՝ «Լեռնային Ղարաբաղի էներգետիկ ռեսուրսների ապօրինի շահագործման և ՀՀ էլեկտրաէներգիա արտահանելու համար»։ Իսկ Հայաստանը արբիտրաժային դատարանում ոչ մի պահանջ չունի Ադրբեջանից։
Ոչ այնքան վաղուց Եվրոպական կուսակցության առաջնորդ Տիգրան Խզմալյանը իշխանության հեռուստաալիքներից մեկի եթերում ստեց, թե Թուրքիան առաջիկա օրերին կբացի սահմանը։ Վերջերս Հանրային հեռուստաընկերությունը ցուցադրեց Մարգարայի սահմանային հատվածն ու մաքսակետը։ Ռեժիմի քարոզչամեքենան թափանցիկ ակնարկում էր, թե սահմանը շատ շուտով կբացեն։ Բացեցին միայն Սիրիա մարդասիրական օգնություն ուղարկելու համար։ ԵՄ-ն ողջունեց Մարգարա-Ալիջան կետի ժամանակավոր բացումը։
Նախագծի ղեկավար Օսման Բեշերեկը վերջերս հաստատեց Կարսից ու Իգդիրից դեպի Նախիջևան երկաթուղային հաղորդակցության կառուցման ծրագրերը, որը հեռանկարում ինտեգրվելու է Բաքու-Թբիլիսի-Կարս երկաթգծին: Թուրքիան միլիոնավոր դոլարներ է հատկացրել Հայաստանը շրջանցող երկաթուղային հաղորդակցության կառուցման համար։ Այդ ծրագրերը հիմնավորապես խաչ են քաշում Փաշինյանի «խաղաղ խաչմերուկի» վրա, որը ենթադրում էր ՀՀ տարածքի վերածում Արևմուտքի ու Արևելքի, հյուսիսի և հարավի միջև ենթակառուցվածքային հանգույցի։ «Խաղաղության խաչմերուկը» անկենսունակ ծրագիր է, որով Փաշինյանը թլսորում էր սեփական քաղաքացիների և միջազգային հանրության ուղեղը։ Հանրությունը, ի տարբերություն մտածող, քաղաքականացված հայ հասարակայնության, ձևացնում էր, թե լուրջ է ընդունում այդ ծրագիրը։
ԲԱՔՈՒՆ ՈՒ ԱՆԿԱՐԱՆ ԲԱՑ ՏԵՔՍՏՈՎ ԽՈՍՈՒՄ ԵՆ ԱՅՆ ՄԱՍԻՆ, ՈՐ ԻՐԵՆՑ ՊԵՏՔ Է ՍՅՈՒՆԻՔԸ՝ ՈՒՂԻՂ ԿԱՊ ԱՊԱՀՈՎԵԼՈՒ ՀԱՄԱՐ։ Սյունիքի անջատումը կվերածի Հայաստանի մնացած հատվածն արտաքին ագրեսիայի մշտական օբյեկտի։ Ալիևն ու Էրդողանը չեն խոստացել Փաշինյանին, թե խաղալու են նրա «խաղաղության խաչմերուկ» խաղը։ Նույնիսկ ամենահիմար ոզնուն է հասկանալի, որ եթե Էրդողանը ցանկանար բացել Կարս-Գյումրի երկաթուղային հաղորդակցությունը, ապա վաղուց արած կլիներ դա, բայց նա սահմանի բացման ծրագրեր չունի, ինչպես որ «կառուցողական տրամադրված» Ալիևը չունի խաղաղության համաձայնագիր ստորագրելու ծրագրեր։ Այս մասին «Գոլոս»-ը տեղեկացրել է իր լսարանին մարտի 13-ի բանակցությունների ավարտից անմիջապես հետո։
Փաշինյանի հրաժարումը 1915թ. Ցեղասպանության փաստի միջազգային ճանաչումից և դատապարտումից՝ որպես ՀՀ արտաքին քաղաքականության գերակա ուղղություն, ինչպեսև Ղարաբաղյան շարժումից հրաժարումը, տևական խաղաղության չհանգեցրին։ Իրականում ցեղասպան պետությունների հետ խաղաղությունն անհնար է, հատկապես այն դեպքում, երբ նրանք չեն թաքցնում Հայաստանը որպես պետություն ոչնչացնելու իրենց ծրագրերը: Ի լրումն ամենի, մարտին ԱԱԾ ղեկավար Արմեն Աբազյանը ԱԺ պաշտպանության հանձնաժողովի փակ նիստում խոստովանել է, որ սահմանազատման աշխատանքները դադարեցվել են, չնայած սահմանի կոնկրետ հատվածների վերաբերյալ ավելի վաղ ձեռք բերված համաձայնություններին։ Եվ այս ուղղությամբ էլ իշխող ռեժիմը ձախողում արձանագրեց...
Այն մասին, որ 7 տարվա ընթացքում «ժողովրդավարության բաստիոնը» վերափոխվել է ցուցադրական քաղաքական բռնաճնշումների ռեժիմի, խոսում են բոլորը։ Փաշինյանի քաղաքական մրցակիցների նկատմամբ հաշվեհարդարներին ՀՀ քաղաքացիներն ականատես են ամեն օր՝ իրական ժամանակի ռեժիմով։ Բռնաճնշիչ ապարատի սաստկացմանը զուգահեռ նվազում է քաղաքացիների բարեկեցության մակարդակը։ Հարկային ոլորտում վերջին նորամուծությունները հանգեցրին փոքր բիզնեսի փակման, արդեն իսկ տխուր վիճակագրություն կա Շիրակի մարզի վերաբերյալ։
Ռեժիմը վերջնական ընթերցմամբ ընդունեց ԵՄ-ին ՀՀ անդամակցության գործընթաց սկսելու մասին օրենքը՝ դե ֆակտո հիմք դնելով ԵԱՏՄ-ից Հայաստանի ելքի համար, ինչը սահմանակից է տնտեսական կոլապսի: ԵՄ-ին ինտեգրվելու Նիկոլի զառանցալի գաղափարը՝ ԵԱՏՄ-ին անդամակցության պահպանումով, կարող է փլուզել պետության ողջ տնտեսական բաղադրիչը։
Ժողովուրդն աղքատանում է՝ իշխող վերնաշերտի աննախադեպ արագ հարստացման խորապատկերին։ Նրանք, ովքեր 7 տարի առաջ ապառիկ լվացքի մեքենա ու հեռուստացույց էին գնում, այսօր բացահայտ քամահրանք են ցուցաբերում ժողովրդի նկատմամբ։ ԱԺ նախագահը թքում է քաղաքացու դեմքին, որին թևերից բռնած պահում են իր թիկնապահները, քաղաքապետի հայրը «համբալներ» է անվանում «Օպել» մակնիշի էժանագին ավտոմեքենաների տերերին, ինքը՝ քաղաքապետը ոչ կոռեկտ արտահայտություններ է թույլ տալիս ազգային փոքրամասնության ներկայացուցիչների հասցեին…
Ռեժիմի վերնաշերտը մտել է սեփական ժողովրդի հետ բաց առճակատման փուլ, որը 7 տարվա ընթացքում վերջնականապես ազատվել է պատրանքներից։ Մարդիկ չեն հավատում Փաշինյանի ոչ մի բառին։ Այսօր բոլորը՝ պրոֆեսորից մինչև դռնապան, գիտեն, որ հայկական նոր Սահմանադրության տեքստը գրում են Բաքվում։ Մարդիկ քննադատում են քաղաքական ուժերին իշխող ռեժիմի հրաժարականին հասնելու անկարողության համար։ Զանգվածները կուսակցությունների առջև դնում են հստակ ձևակերպված պատվեր. ազատել երկիրը կապիտուլյանտից և նրա անկշտում ոհմակից։ Ջախջախիչ ձախողում է արձանագրվում պետական կյանքի բոլոր ուղղություններով, ռեժիմի ձգձգված հոգեվարքը վտանգում է Հայաստանի՝ որպես պետության հետագա գոյությունը...
Կառավարման 7 տարիները կասկածի նշույլ անգամ չեն թողել, որ Փաշինյանը վարում է հայոց պետականությունը ոչնչացնելու նպատակաուղղված քաղաքականություն։ Այդ գործընթացը կարելի է կասեցնել միայն նրա անհապաղ հրաժարականի միջոցով։ Սա պետականության պահպանման գլխավոր պայմանն է, իսկ հապաղումը հավասար է մահվան. չէ որ ոչ ոք չգիտի, թե ինչով կավարտվի Սյունիքի հերթական գնդակոծությունը…
ПОСЛЕДНИЕ ОТ АВТОРА
-
2025-05-03 09:41Реальный уровень безработицы в отдаленных марзах никто не фиксирует: режим провалил программу создания свыше миллиона новых рабочих мест. Пашинян недавно объявил, что, "благодаря революционным темпам, в госбюджет дополнительно поступило 4,2 млрд долларов". Экономисты в ответ указали на то, что за 7 лет режим увеличил внешний долг РА на 7 млрд долларов. "Революционные темпы" налицо: каждый год по 1 млрд! 7-я годовщина правления Пашиняна (избран премьер-министром со второй попытки 8 мая 2018 г.) – время подведения итогов.
-
2025-05-02 10:08В апрельские дни 2022 г. сидячая демонстрация бывшего руководителя СНБ лидера партии "Айреник" Артура Ванецяна послужила триггером для мощного оппозиционного движения. Оно ознаменовалось шествием с участием второго президента Роберта Кочаряна и первых лиц РПА. Партия Сержа Саргсяна в 2022 г. начала свои акции с 25 апреля, а Эдуард Шармазанов опроверг слухи о том, что первый, второй и третий президенты, якобы, планируют совместное заявление об уходе из активной политики, дабы уступить место молодым. Определенные круги с тех пор никак не дождутся подобного заявления, пытаясь свалить на трех президентов вину за собственную политическую несостоятельность…
-
2025-04-30 10:45В ночь с 30 апреля на 1 мая 2018 г. Пашинян выступил на FB с сообщением о ночном совещании у Сержа Саргсяна, который, напомню, подал в отставку 23 апреля. Главарь уличных беспорядков сообщил своим сторонникам, что республиканцы приняли решение провалить голосование по его кандидатуре. Он призвал соратников собраться утром на площади Республики. Сегодня многие забыли о деталях тех дней, а потому сошлюсь на слова экс-амайнкапета общины "Центр" лидера некогда возрожденной партии АОД Арарата Зурабяна: "Если бы Гагик Царукян не встал рядом с движением, то Серж Саргсян не подал бы в отставку, и не стоит говорить о предательстве!".
-
2025-04-30 09:1617 апреля с трибуны парламента Пашинян провозгласил "начало социально-психологической революции". В переводе с языка популистских лозунгов на язык простых смертных заявление ознаменовало старт подготовки к общегосударственным выборам. Апрельские тезисы "социально-психологической революции" подразумевают отказ от внешнеполитического приоритета в виде международного признания и осуждения Геноцида армян в Западной Армении 1915 г., отказ от Карабахского движения и от ссылки в преамбуле новой Конституции на Декларацию о независимости Армении. Речь идет об отказе от исторической памяти в пользу "реальной Армении" без Арцаха в условиях оккупации 240 кв. км территории 3-х марзов. Население в лице "3 млн премьер-министров" вот уже 7 лет является свидетелем политических репрессий, которые стали нормой жизни в "бастионе демократии".