2025-04-07 19:53
Информагентства
Արտակ Բեգլարյան․ ՀՀ իշխանությունները բոլոր միջոցները կիրառում են Արցախյան հարցը փակելու համար
Խայտառակ հայտարարություն է, ԱԳՆ-ն արձանագրում է, որ իրենց արտաքին քաղաքական օրակարգում չկա արցախցիների իրավունքների պաշտպանության հարց: Այս մասին Ազատության հրապարակում հրավիրված քննարկմանն ասաց Արցախի նախկին պետնախարար Արտակ Բեգլարյանը՝ անդրադառնալով ԱԳՆ հայտարարությանը, ըստ որի՝ ԼՂ-ի լուծարման հրամանագրի հրապարակումից հետո Ղարաբաղի բնակիչների իրավունքների հարցը դուրս է եկել կարգավորման օրակարգից։
«ԱԳՆ-ն փորձում է մեղքը գցել բոլորի վրա և ոչ մի պատասխանատվություն չվերցնել: Արցախյան շարժումը որևէ մեկը չի կարող փակել, այդ թվում Նիկոլ Փաշինյանը, Արցախյան շարժման առաջին շահառուն Արցախի ժողովուրդն է: Խիստ անցանկալի ու դատապարտելի է, որ ՀՀ իշխանությունները բոլոր միջոցները կիրառում են Արցախյան հարցը փակելու համար: Հնարավորինս լայն համախմբում պետք է լինի Արցախյան օրակարգի շուրջ և իշխանությունների վրա մեծ ճնշում պիտի լինի, որ հանցավոր քայլեր չանեն Արցախյան հարցը փակելու ուղղությամբ»,- ասաց Արտակ Բեգլարյանը:
Նշենք, որ ԱԳՆ-ն մասնավորապես ասել էր. «Նախկինում քանիցս հայտարարել ենք, որ Ադրբեջանի հետ բանակցություններում Հայաստանն աշխատանքներ էր տանում Լեռնային Ղարաբաղի հայության անվտանգության և իրավունքների ապահովման, այդ թվում և այդ խնդիրների հասցեագրման միջազգային մեխանիզմի ստեղծման ուղղությամբ։ Դրան էին նաև միտված երրորդ երկրներում Ադրբեջանի և Լեռնային Ղարաբաղի ներկայացուցիչների հանդիպումների կազմակերպման ջանքերը, որոնք մերժվեցին Լեռնային Ղարաբաղի կողմից։ Լեռնային Ղարաբաղի հայության բռնի տեղահանության և Լեռնային Ղարաբաղի լուծարման վերաբերյալ հրամանագրի հրապարակումից հետո խնդիրը դուրս է եկել Հայաստանի Հանրապետության և Ադրբեջանի Հանրապետության միջև միջպետական հարաբերությունների կարգավորման օրակարգից»։
News.am
ПОСЛЕДНИЕ ОТ АВТОРА
-
New2025-04-15 18:04Власти Армении боятся опубликовать заключение временной парламентской комиссии по расследованию обстоятельств 44-дневной войны. Такое мнение оппозиционный депутат, глава фракции "Честь имею" Айк Мамиджанян высказал на заседании парламента Армении.
-
New2025-04-15 16:24Премьер РА Никол Пашинян 9 мая будет присутствовать на параде в Москве, поскольку победа в Великой Отечественной войне является также победой армянского народа. Об этом в ходе брифинга заявил спикер НС РА Ален Симонян.
-
New2025-04-15 16:21Соучредитель инициативы «Айакве» Аветик Чалабян посетил протестующих на площади Свободы архацев и побеседовал с ними.
-
New2025-04-15 16:20Председатель Совета Федерации России Валентина Матвиенко, как ожидается, посетит Армению в июне. Об этом сообщил спикер Национального собрания Армении Ален Симонян, подтвердив, что визит предварительно намечен на начало лета.