2025-04-18 16:02
Информагентства
ՌՈՒԲԵՆ ՎԱՐԴԱՆՅԱՆԻ ՓԱՍՏԱԲԱՆԸ ՀԱՅՏՆԵԼ Է ՆԻՍՏԵՐԻ ԼՈՒՍԱԲԱՆՄԱՆ ԽԵՂԱԹՅՈՒՐՈՒՄՆԵՐԻ ՄԱՍԻՆ
ՄԻԵԴ-ում հայ գերիների շահերի պաշտպան, փաստաբան Սիրանուշ Սահակյանի հարցազրույցը News.am-ին:
- Տիկին Սահակյան, Բաքվում շարունակվում է հայ գերիների նկատմամբ դատական ֆարսը: Երեկ, ըստ ադրբեջանական լրատվամիջոցների, Արկադի Ղուկասյանն է ցուցմունք տվել, որոնք դժվար է արժանահավատ համարել, իսկ երկու օր առաջ Ռուբեն Վարդանյանի գործով լսումներն էին: Ի՞նչ տեղեկություններ ունեք այս վերջին նիստերից:
- Եթե Ռուբեն Վարդանյանի մասով որոշ այլընտրանքային տեղեկատվություն հնարավոր է ստանալ նրա ընտանիքի ներգրաված մասնավոր փաստաբանի միջոցով, ապա մյուսների դեպքում, ցավոք, նման հնարավորություն չկա: Իհարկե, Արկադի Ղուկասյանին կամ որևէ այլ մեկին վերագրվող ցուցմունքները մեզ և, առհասարակ, որևէ կառույցի համար չեն կարող արժանահավատ լինել, քանի որ նիստերը իրականացվում են դռնփակ՝ առանց անկախ լրատվամիջոցների և մասնագետների մասնակցության, և անաչառ տեղեկատվություն ստանալու հնարավորություն չկա: Ներկա է լինում միայն «Ազերթաջ» պետական լրատվական գործակալության աշխատակիցը, որը ներկայացնում է ֆիլտրած և աղավաղված տեղեկատվություն:
Ի դեպ, այն, որ լրատվամիջոցները խեղաթյուրված են ներկայացնում դահլիճումկատարվածը, հաստատել է նաև Ռուբեն Վարդանյանի մասնավոր փաստաբան Աբրահամ Բերմանը: Վերջին նիստի մասին նրա կողմից Վարդանյանի ընտանիքին փոխանցված տեղեկատվության համաձայն, հենց նիստի սկզբում ինքը՝ փաստաբանը դատարանի ուշադրությունը հրավիրել է տեղական լրատվամիջոցների կողմից փաստերի խեղաթյուրումների վրա:
Փաստաբանը պարզաբանել է, որ պաշտպանական կողմը պահանջել էր ոչ թե վերանայելդատական նիստի ձայնագրությունները, ինչպես հաղորդել են լրատվամիջոցները, այլ հասանելիություն ունենալդատական լսումների արձանագրություններին և համապատասխան ձայնագրություններին, որոնք մինչև հիմա ամբողջությամբ չեն տրամադրվել: Սա, ինչպես հասկանում եք, բոլորովին այլ բան է: Փաստաբանը նաև զգուշացրել է, որ եթե լրատվամիջոցների կողմից շարունակվի խեղաթյուրված հաղորդագրությունների տարածումը, ապա դա կարող է հանգեցնել դատական գործընթացի: Նիստի այս դրվագի մասին ադրբեջանական լրատվամիջոցները, իհարկե, ոչինչ չեն հաղորդել: Սա հստակ փաստ է, որն ապացուցում է, որ առանց այն էլ իրականացվող դատական ֆարսը լուսաբանվում է միտումնավոր խեղաթյուրումներով:
Ի դեպ, Ռուբեն Վարդանյանի պաշտպանը նաև վերահաստատել է հարցաքննությանը չմասնակցելու իր դիրքորոշումը և ընդգծել է, որ դա արվում է որպես բողոք՝ դատավարության գործընթացի անօրինականության դեմ:
- Երեկ ֆրանսիական «Ֆիգարո» պարբերականումհրապարակվել էր ֆրանսիացի փաստաբանների և Ֆրանսիայի փաստաբանական պալատների նախագահներիբավական կոշտ հայտարարությունը, որտեղ նրանք եվրոպական երկրներին կոչ էին անում աչք չփակել և խիստ միջոցներ կիրառել Ադրբեջանի դեմ՝ Մարդու իրավունքների և հիմնարար ազատությունների մասին եվրոպական կոնվենցիայի դրույթները կոպտորեն խախտելու համար: Նրանք նշում էին, որ Եվրոպան չի կարող լուռ մնալ այս դատական սկանդալի նկատմամբ, իսկ հայ գերիների նկատմամբ «դատավարությունները» նրանք համարել էին «ինստիտուցիոնալացված բռնապետության» դրսևորում: Ծանո՞թ եք այդ հայտարարությանը:
- Այո, ծանոթ եմ և կիսում եմ բոլոր այն մտահոգությունները, որոնք արտահայտված են հայտարարության մեջ:Լավ կլինի, որ Կոնվենցիայի անդամ մյուսերկրների փաստաբանական համայնքները ևս հետևեն ֆրանսիացի փաստաբանների օրինակին՝ ցույց տալով իրենց հավատարմությունը մարդու իրավունքների պաշտպանության սկզբունքներին: Իսկապես, Եվրոպայի՝ որպես մարդու հիմնարար իրավունքների պաշտպանի հեղինակությունը վտանգված է, քանի որ մի երկիր ամենացինիկ կերպով ոտնահարում է այդ Կոնվենցիայի դրույթները՝ լինելով դրա կողմերից մեկը: Եվրոպական կառույցների կողմից միայն դատապարտող հայտարարությունները բավարար չեն, պետք են կոնկրետ գործողություններ, մասնավորապես, պատժամիջոցների տեսքով:
ПОСЛЕДНИЕ ОТ АВТОРА
-
New2025-04-28 12:26Делегация Республиканской партии Армении в Москве возложила венок к Могиле Неизвестного Солдата, сообщил в соцсетях бывший вице-спикер Эдуард Шармазанов.
-
New2025-04-28 12:24Минобороны Армении опровергло сообщение азербайджанского военного ведомства об обстреле позиций.
-
New2025-04-28 12:23Всемирный Банк ухудшил прогноз по росту ВВП Армении на 2025 год с прежних 5% до обновленных 4% (с фактических 5,9% в 2024г), ожидая в 2026 году некоторого ускорения темпов до 4,2% (против ранее озвучиваемых 4,6%). Как передает Арминфо, об этом отмечается в апрельском экономическом обзоре ВБ по региону Европы и Центральной Азии "Ускорение роста за счет предпринимательства, внедрения технологий и инноваций".
-
New2025-04-28 12:22Президент США Дональд Трамп практически полностью уверен в том, что его администрация сможет заключить сделку с Ираном по ядерной программе исламской республики. Об этом он заявил во время общения с журналистами пресс-пула Белого дома в аэропорту Морристаун (штат Нью-Джерси).