2025-04-23 11:52
Информагентства
ԻՆՉՈՒ Է ԱՂՄԿՈՒՄ ՔՊ-Ն. Ո՞ՐՆ ԷՐ ԽՈՐՀՐԴԱՆՇԱԿԱՆ ԾԵԾԿՌՏՈՒՔԻ ՈՒՂԵՐՁԸ (ՏԵՍԱՆՅՈՒԹ)
«Պառլամետարիզմի զարգացման միջազգային կենտրոնի ղեկավար Գոհար Մելոյանը, անդրադառնալով ԱԺ-ում երեկ տեղի ունեցած ծեծկռտուքին, գրում է.
«ԱԺ «Հայաստան» խմբակցությունը երեկ շրջանառեց «ՀՀ քրեական օրենսգրքում փոփոխություն կատարելու մասին» ՀՀ օրենքի նախագիծ (այսուհետ՝ Նախագիծ), որով առաջարկում է փոփոխել 136-րդ՝ «Ցեղասպանությունը կամ մարդկայնության դեմ ուղղված հանցագործությունները հրապարակայնորեն հերքելը, արդարացնելը, դրանք քարոզելը կամ դրանց վտանգավորությունը նսեմացնելը» վերտառությամբ հոդվածը։
ՀՀ քրեական օրենսգրքի գործող՝ 136-րդ հոդվածը պատասխանատվություն է նախատեսում՝ ցեղասպանության կամ մարդկայնության դեմ ուղղված հանցագործությունները հրապարակայնորեն հերքելու, արդարացնելու, դրանք քարոզելու կամ դրանց վտանգավորությունը նսեմացնելու համար։
Նախագիծն արժանացավ իշխող խմբակցության բուռն արձագանքին և հանրությանը մատուցվում է մանիպուլյատիվ շղարշով առ այն, իբրև ընդդիմությունը ցանկանում է օրենսգիրքը լրացնել նույնաբնույթ հոդվածով՝ մոլորեցնելով հանրությանը։
Մինչդեռ՝ Նախագծով նախատեսվում է ընդլայնել հանցակազմի օբյեկտիվ կողմը կազմող գործողությունների շրջանակը, խստացնել պատասխանատվությունը, որոշակիացնել հոդվածն ու ապահովել համաչափության տարրերը։
Ըստ նախագծի՝ քրեական պատասխանատվություն կնախատեսվի Հայոց ցեղասպանությունը, ինչպես նաև Հայաստանի Հանրապետության կողմից կամ միջազգայնորեն ճանաչված ցեղասպանությունը կամ մարդկայնության դեմ ուղղված հանցագործությունները հրապարակայնորեն հերքելու, մեղմացնելու, հավանության տալու, արդարացնելու կամ դրանց վտանգավորությունը նսեմացնելու համար։
«Քաղաքացիական պայմանագիր» խմբակցությունը կարող էր համագործակցել ու մասնագիտական առաջարկներ ներկայացնել՝ Նախագիծը խմբագրելու նպատակով, չքննարկել ու դեմ քվեարկել Նախագծին, բայց գնաց ամենաանընդունելի ճանապարհով ու անհարկի բացասական արձագանքի արժանացրեց Ցեղասապանության հետ կապված նախագծի օրակարգումը այն էլ՝ Ցեղասպանության 110-րդ տարելիցի նախօրեին։
Մենք Հայոց ցեղասպանության զոհերի սերունդներ ենք ու չենք կարող ուրանալ ու մոռանալ մեր անցյալը, առավել ևս, երբ արդարությունը չի վերականգնվել, իսկ թշնամին դեռ զգոն է ու փորձում է ջնջել իր ոճրի փաստերը։ Ազգի գոյի ու հարատևման գրավականներից է պատմական հիշողությունը»։
Նշենք, որ Պառլամենտարիզմի զարգացման միջազգային կենտրոնը ձևավորվել է 2019 թվականին՝ իր գործունեության առաջնային նպատակ հռչակելով ժողովրդավարության հաստատումը, իրավունքի գերակայության ամրագրումը, պառլամենտարիզմի զարգացումը, մարդկանց իրազեկվածության ու իրավագիտակցության բարձրացումը, մարդու անձնական, քաղաքական, սոցիատնտեսական իրավունքների իրականացման երաշխավորումը Հայաստանի Հանրապետությունում։
Իր գործունեության 6 տարիների ընթացքում կազմակերպություն իրականացրել է իրազեկող գործունեություն, կազմակերպել է դասընթացներ մարզերում։
ՊԶՄԿ-ն նաև իրականացնում է դիտորդական առաքելություն ընտրական գործընթացներում, որի համատեքստում կազմակերպում է դասընթացներ և վերապատրաստում դիտորդների։
ПОСЛЕДНИЕ ОТ АВТОРА
-
2025-04-28 19:42Человеческая халатность стала причиной взрыва в порту Шахид-Раджаи, который находится в 15 км от города Бендер-Аббаса на юге Ирана. К текущему моменту удалось установить виновных, расследование продолжается, сообщил 28 апреля министр внутренних дел республики Эскандер Моамени.
-
2025-04-28 19:40Адвокаты Рубен Меликян и Вараздат Арутюнян представили прокурору ходатайство о возбуждении уголовного дела против силовиков, избивших активиста Самвела Варданяна после его задержания в апреле 2024 года. Об этом «Инициатива пяти правозащитников» сообщила в Facebook.
-
2025-04-28 19:37Поскольку у нас есть организация-победитель для Котайкской области, она должна обслуживать населенные пункты области, а транспорт Еревана должен быть выведен. Об этом заявил на встрече с жителями сел Касах и Прошян 28 апреля заместитель министра территориального управления и инфраструктур Армении Армен Симонян.
-
2025-04-28 19:36Военное вторжение Индии неизбежно, заявил министр обороны Пакистана Хаваджа Мухаммад Асиф.