2025-04-25 08:10
Информагентства
Թրամփը կրկին խուսափեց «ցեղասպանություն» եզրույթից՝ հայերին ուղղված իր ուղերձում. «Այսօր հիշում ենք Մեծ Եղեռնը»
ԱՄՆ նախագահ Դոնալդ Թրամփը Հայոց ցեղասպանության 110-րդ տարելիցին նվիրված իր ուղերձում հերթական անգամ խուսափեց օգտագործել «ցեղասպանություն» եզրույթը՝ նկատի ունենալով Օսմանյան կայսրությունում հայերի նկատմամբ իրականացված վայրագությունները՝ հայկական «Մեծ եղեռն» արտահայտությամբ։
«Այսօր մենք հիշում ենք Մեծ եղեռնը և հարգում ենք այն հիանալի մարդկանց հիշատակը, որոնք տուժել են 20-րդ դարի վատթարագույն աղետներից մեկի ժամանակ:
1915 թվականից սկսած մեկուկես միլիոն հայեր արտաքսվեցին և ուղարկվեցին հաստատուն մահվան Օսմանյան կայսրության գոյության վերջին տարիներին: Հիշատակի այս օրը մենք ևս մեկ անգամ միանում ենք Ամերիկայի և ամբողջ աշխարհի վիթխարի հայ համայնքին՝ սգալով բազմաթիվ զոհվածների համար:
Ամեն տարի ապրիլի 24-ին մենք հիշում ենք ամերիկյան և հայ ժողովուրդների ամուր և հարատև կապերը։ Մենք հպարտ ենք 1915 թվականին հիմնադրված հայերին և Սիրիային օգնության ամերիկյան կոմիտեով, որը կենսականորեն մարդասիրական աջակցություն է ցուցաբերել հայ փախստականներին, և երախտապարտ ենք հազարավոր ամերիկացիներին, ովքեր իրենց ներդրումն են ունեցել կամ կամավոր օգնել իրենց տներից քշված հայերին:
Այս օրը մենք վկայում ենք հայ ժողովրդի ուժի ու տոկունության մասին ողբերգության դեմ։ Մենք բախտավոր ենք, որ այդքան շատ հայեր իրենց հարուստ մշակույթը բերել են մեր ափերն ու մեծ ներդրում են ունեցել մեր երկրի զարգացման գործում, այդ թվում՝ պարգևատրված զինվորներ, հայտնի էստրադային արտիստներ, անվանի ճարտարապետներ և հաջողակ գործարարներ: Կորածների հիշատակը հարգելով՝ իմ վարչակազմը հավատարիմ է մնում կրոնական ազատության ապահովմանը և խոցելի փոքրամասնություններին պաշտպանելուն:
Ակնկալում ենք շարունակել մեր ռազմավարական գործընկերությունը Հայաստանի հետ և աջակցել կայունությանը տարածաշրջանում, քանի որ մենք շարունակում ենք ձգտել կայուն բարգավաճման և անվտանգության համար», -ասված է Դոնալդ Թրամփի ուղերձում։
News.am
ПОСЛЕДНИЕ ОТ АВТОРА
-
New2025-04-28 12:26Делегация Республиканской партии Армении в Москве возложила венок к Могиле Неизвестного Солдата, сообщил в соцсетях бывший вице-спикер Эдуард Шармазанов.
-
New2025-04-28 12:24Минобороны Армении опровергло сообщение азербайджанского военного ведомства об обстреле позиций.
-
New2025-04-28 12:23Всемирный Банк ухудшил прогноз по росту ВВП Армении на 2025 год с прежних 5% до обновленных 4% (с фактических 5,9% в 2024г), ожидая в 2026 году некоторого ускорения темпов до 4,2% (против ранее озвучиваемых 4,6%). Как передает Арминфо, об этом отмечается в апрельском экономическом обзоре ВБ по региону Европы и Центральной Азии "Ускорение роста за счет предпринимательства, внедрения технологий и инноваций".
-
New2025-04-28 12:22Президент США Дональд Трамп практически полностью уверен в том, что его администрация сможет заключить сделку с Ираном по ядерной программе исламской республики. Об этом он заявил во время общения с журналистами пресс-пула Белого дома в аэропорту Морристаун (штат Нью-Джерси).