2025-04-25 13:56
Информагентства
Լիովին աջակցում եմ. Շահրամանյանն Ազատության հրապարակի վրանում հանդիպեց արցախցիներին
Արցախի նախագահ Սամվել Շահրամանյանը լիովին աջակցում է Ազատության հրապարակում բողոքի ակցիա իրականացնող արցախցիներին։ Այս մասին նա այսօր ասաց «Արցախցիների իրավունքների պաշտպանության խորհուրդի» անդամների հետ հանդիպման ժամանակ։
«Լիվին աջակցում եմ այս նախաձեռնությանը` անկախ նրանից` ինչ որոշում կկայացնեք։ Այդ թվում` եթե որոշեք տեղափոխվել գրասենյակային պայմաններում աշխատանքի, ինչպես առաջարկում են կառավարությունից։ Մանրամասն տեղյակ եմ իրականացվող աշխատանքներին, ձեր որոշումներին, առաջարկվող տարբերակներին»,– նշեց Շահրամանյանը։
Նա ասաց, որ տեղյակ է կառավարության առաջարկին` համապատասխան խմբեր ստեղծել ու աշխատանքներ իրականացնել։
«Կարծում եմ` պետք է դա իրականացվի, քանի որ դրանից է կախված նաև հետագայում մեր` արցախցիներիս հետագա ինտեգրումն ու արժանապատիվ ապրելը ՀՀ–ում»,– ընդգծեց Արցախի նախագահը։
Նրա խոսքով` արցախցիների սպասելիքներն այսօր շատ մեծ են, ու առաջնայինը հումանիտար–սոցիալական հարցերն են, որոնցով ամենօրյա ռեժիմով իրենք զբաղվում են։
Շահրամանյանը նշեց, որ ՀՀ կառավարության առաջարկած ծրագրերն ունեն բազմաթիվ խնդիրներ, օրինակ` բնակարանային ծրագիրը հենց սկզբից տապալված էր, ու պարզ էր, որ արցախցիները դրանից չեն կարողանալու օգտվել, քանի որ լուրջ հանգամանքներ հաշվի առված չեն։
«Պետք է որոշում կայացնել ու ներկայացնել կառավարությանը` հետագա աշխատանքների հետ կապված»,– ընդգծեց Շահրամանյանը։
Դրանից հետո լրագրողներին խնդրեցին վրանից դուրս գալ, քանի որ փակ քննարկում են ունենալու։
Արցախցիների իրավունքների պաշտպանության խորհրդի կողմից մարտի 29-ին Երևանի Ազատության հրապարակում կազմակերպված մեծ հանրահավաքում ներկայացվեց պահանջագիր՝ ուղղված ՀՀ իշխանություններին և միջազգային հանրությանը:
Ինչպես ավելի վաղ հայտնել էինք, կառավարությունը որոշել էր, որ Արցախից բռնի տեղահանվածների աջակցության ծրագիրը 2025 թվականի ապրիլի 1–ից կրճատվում է։ Աշխատունակ արցախցիներն այլևս չեն ստանալու 40 000+10 000 դրամ բնակվարձի գումարը։
Արցախցիներն արդեն 2 անգամ հանդիպել են ՀՀ փոխվարչապետ Տիգրան Խաչատրյանի հետ։ Առաջին հանդիպման ժամանակ նա հայտնել էր, որ «40+10» ծրագրին հետդարձ չի լինելու, իսկ երկրորդին ընդգծել` պատրաստ են երկարաձգել տրամադրվող աջակցությունը, այդ ընթացքում ձևավորել փորձագիտական խմբեր և ի մի բերել բարձրաձայնվող բոլոր խնդիրները` պայմանով, որ վրանը կհանվի։
Sputnik Արմենիա
ПОСЛЕДНИЕ ОТ АВТОРА
-
New2025-04-28 10:59Президент Ирана Масуд Пезешкиан в интервью гостелевидению Азербайджана на вопрос о т.н. "Зангезурском коридоре" заявил, что стороны не должны засматриваться на чужую территорию. Об этом в своем Telegram-канале написал иранист Артем Тоноян.
-
New2025-04-28 10:59Тема украинского кризиса обсуждалась в телефонном разговоре главы МИД России Сергея Лаврова и госсекретаря США Марка Рубио, сообщает российское внешнеполитическое ведомство.
-
New2025-04-28 09:31Мы продолжаем наши контакты с американской стороной по ситуации на Украине. Есть ряд признаков того, что мы движемся в верном направлении. Об этом в интервью телеканалу CBS News заявил глава МИД России Сергей Лавров.
-
New2025-04-28 09:29Министр обороны Германии Борис Писториус заявил в воскресенье, что Украине не следует соглашаться на последнее предложение президента США Дональда Трампа о передаче части территории в обмен на прекращение огня с Россией, поскольку это было бы сродни «капитуляции».