2025-04-26 15:37
Информагентства
ԱԴՐԲԵՋԱՆԸ ՄԱՆԻՊՈՒԼԱՑՆՈՒՄ Է, ՄԱԿ-Ի ՄԴ-Ն ԱՆԸՆԴՈՒՆԵԼԻ Է ՃԱՆԱՉԵԼ ԱԴՐԲԵՋԱՆԱԿԱՆ ՀԱՅՑԸ ԲԱԶՄԱԹԻՎ ԱՍՊԵԿՏՆԵՐՈՎ
Իմ գնահատմամբ, Ադրբեջանը փորձում է իմիտացնել, որ հայկական կողմի իրավական պահանջները հիմնավոր չեն, դրանք մերժվում են, իրականությունն այն է, որ ՄԱԿ-ի միջազգային արդարադատության դատարանը կիսել է հայկական կողմի առարկությունները և ադրբեջանական հայցը բազմաթիվ ասպեկտներով անընդունելի է ճանաչել: Այս մասին News.am-ին ասաց Եվրոպական դատարանում հայ գերիների շահերի պաշտպան Սիրանուշ Սահակյանը՝ անդրադառնալով Ադրբեջանի ԱԳՆ-ի տարածած հայտարարությանը, թե իբր ՄԱԿ-ի միջազգային դատարանը մերժել է Հայաստանի մի շարք պահանջներ, որոնք վերաբերում էին Ռուբեն Վարդանյանի ու Բաքվում ապօրինի պահվող հայերի պահման պայմաններին ու վերաբերմունքին:
«Նախ ապատեղեկատվություն է տարածվում այն առումով, որ ՄԱԿ-ի միջազգային արդարադատության դատարանում քննարկման առարկա է ոչ թե բացառապես հայ ռազմագերիների վերադարձը, այլ ռասսայական խտրականության դրսևորումն էթնիկ հայերի նկատմամբ և գործընթացը բնականաբար ավարտին չի հասել, նոր դատական ակտեր չեն կայացվել: Երկրորդ, միջանկյալ միջոցների վերաբերյալ մի քանի որոշումներ ընդունել է դատարանը, ընդ որում բավարարելով հայկական կողմի պահանջները:
Ըստ էության նոր քննարկում նաև հայցի ապահովման միջոցների առնչությամբ տեղի չի ունեցել: Այլ հարց է, որ մարտից հետո հաշվի առնելով որոշ զարգացումներ՝ դատավարությունների մեկնարկը, խոշտանգումներ ցուցադրող լուսանկարների գոյությունը, հայկական կողմը հավելյալ տեղեկատվություն է ուղարկել դատարանին: Սակայն հաշվի առնելով արդեն գոյություն ունեցող հայցի ապահովման միջոցները, նոր միջոցներ չեն կիրառվել, բայց դատարանի կայքի ուսումնասիրությունը վերահաստատում է, որ դատարանի կողմից նոր որոշումներ չեն կայացվել:
Այստեղ Ադրբեջանը փորձում է մանիպուլացնել այն հանգամանքը, որ հայկական կողմը լրացուցիչ տեղեկատվություն է տրամադրել դատարանին, բայց ինքնին այդ տեղեկատվությունը չի մեկնարկում նոր դատավարական պրոցես, եթե ինքնուրույն քննարկման առարկա դառնար հայցի ապահովման միջոցների խնդիրը, ապա պետք է լինեին նաև լսումներ, ինչպես եղավ նախորդ դրվագներով»,- ասաց իրավապաշտպանը:
ПОСЛЕДНИЕ ОТ АВТОРА
-
New2025-04-28 10:59Тема украинского кризиса обсуждалась в телефонном разговоре главы МИД России Сергея Лаврова и госсекретаря США Марка Рубио, сообщает российское внешнеполитическое ведомство.
-
New2025-04-28 09:31Мы продолжаем наши контакты с американской стороной по ситуации на Украине. Есть ряд признаков того, что мы движемся в верном направлении. Об этом в интервью телеканалу CBS News заявил глава МИД России Сергей Лавров.
-
New2025-04-28 09:29Министр обороны Германии Борис Писториус заявил в воскресенье, что Украине не следует соглашаться на последнее предложение президента США Дональда Трампа о передаче части территории в обмен на прекращение огня с Россией, поскольку это было бы сродни «капитуляции».
-
New2025-04-28 09:27Пребывание в США дольше положенных сроков может привести к запрету на въезд в Соединенные Штаты навсегда, сообщает американское посольство в Армении.