2025-04-30 15:56
Информагентства
Պետքարտուղարություն․ ԱՄՆ-ն չի պլանավորում ներկայում կարգավորել դիվանագիտական հարաբերությունները Սիրիայի հետ
Միացյալ Նահանգները չի պլանավորում ներկայում կարգավորել դիվանագիտական հարաբերությունները Սիրիայի կառավարության հետ։ «Արմենպրես»-ի փոխանցմամբ՝ այս մասին Նյու Յորքում գտնվող Սիրիայի պատվիրակության հանդիպումների վերաբերյալ հարցին ի պատասխան հայտնել է ԱՄՆ պետքարտուղարության խոսնակ Թեմի Բրյուսը։
Նա նաև նշել է, որ Վաշինգտոնը կշարունակի ուշադիր գնահատել Սիրիայի նկատմամբ իր քաղաքականությունը։
«Մենք հաստատում ենք, որ Սիրիայի ժամանակավոր իշխանությունների որոշ ներկայացուցիչներ գտնվում են Նյու Յորքում՝ ՄԱԿ-ի տարբեր հանդիպումներ անցկացնելու նպատակով։ Մենք շարունակում ենք զգուշորեն գնահատել մեր քաղաքականությունը Սիրիայի հարցում և ժամանակավոր իշխանություններին կդատենք իրենց գործողությունների հիման վրա։ Այս պահին մենք չենք կարգավորում դիվանագիտական հարաբերությունները Սիրիայի հետ, և ես ոչինչ չեմ կարող նախապես ասել որևէ հանդիպման վերաբերյալ», - նշել է խոսնակը մամուլի ասուլիսի ժամանակ։
Syria TV-ի տեղեկացմամբ՝ Սիրիայի արտգործնախարարը ապրիլի 29-ին Նյու Յորքում հանդիպել է ԱՄՆ պետքարտուղարության բարձրաստիճան պաշտոնյաների հետ՝ քննարկելու պատժամիջոցների մեղմացման վերաբերյալ հարցեր։ Դեռևս տեղեկություններ չկան, թե ԱՄՆ պետքարտուղարությունից ով է հանդիպել Ասադ աշ-Շայբանիի հետ։
Ավելի վաղ՝ մարտի 18-ին, Սիրիայի արտգործնախարարը Բրյուսելում Սիրիայի դոնորների համաժողովի շրջանակներում պատժամիջոցների վերացման առնչությամբ հանդիպում էր ունեցել ԱՄՆ պետքարտուղարության պաշտոնյա Նատաշա Ֆրանչեսկիի հետ։
Հանդիպումը Վաշինգտոնի և Դամասկոսի միջև առաջին բարձր մակարդակի անմիջական շփումն էր ԱՄՆ նախագահ Դոնալդ Թրամփի կողմից հունվարի 20-ին նախագահի պաշտոնը ստանձնելուց ի վեր։
ПОСЛЕДНИЕ ОТ АВТОРА
-
2025-06-20 22:04В Стамбуле состоялась встреча премьер-министра Республики Армения Никола Пашиняна и президента Турции Реджепа Тайипа Эрдогана. Об этом Новости Армении – NEWS.am сообщили в пресс-службе Правительства Армении.
-
2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.