2025-05-15 17:37
Информагентства
Կոնյակի ճանապարհը փակուղում. Պապոյանը Վրաստան է մեկնում լուծում փնտրելու
Էկոնոմիկայի նախարար Գևորգ Պապոյանը հայտնել է, որ իրեն անհասկանալի է՝ ինչու են վրացական իշխանությունները շաբաթներով կամ նույնիսկ ամիսներով կանգնեցնում հայկական բեռնատարները:
«Անկեղծ ասած՝ պատճառներն այս պահի դրությամբ մեզ անհայտ են։ Մենք փորձում ենք խնդիրը լուծել բոլոր հնարավոր մակարդակներով», – նշել է նախարարը:
Նա նաև հայտնել է, որ առաջիկայում նախատեսում է մեկնել Վրաստան՝ տեղում իրավիճակին ծանոթանալու և լուծման ուղիներ գտնելու նպատակով:
Հիշեցնենք, որ օրեր առաջ կոնյակ արտադրող և բեռնափոխադրող ընկերությունների ներկայացուցիչները բողոքի ակցիա էին իրականացրել Վրաստանի դեսպանատան դիմաց՝ բարձրաձայնելով հարցը, թե ինչու են Հայաստանից Ռուսաստան արտահանվող ալկոհոլային խմիչքները վրացական տարածքով անցնելիս ենթարկվում մանրամասն ստուգումների, եթե չեն սպառվելու վրացական շուկայում:
Ցուցարարների խոսքով՝ կոնյակով բեռնված մեքենաները կանգնեցվում են Վրաստանի Գեզի մաքսային տերմինալում, որը սովորաբար նախատեսված է բարձր վտանգավորության բեռների ստուգման համար:
Մինչ այս պահը վրացական կողմը որևէ պաշտոնական պարզաբանում չի ներկայացրել՝ կապված այն հարցի հետ, թե ինչու են հայ արտադրողները բախվում նման խոչընդոտների հենց Վրաստանի մաքսային տարածքում:
Բողոքի ակցիայի երկու մասնակից, հանդիպելով Վրաստանի դեսպանի հետ, փոխանցել էին, որ վերջինս հայտնել է՝ խնդրի մասին տեղեկացել է նոր միայն, չնայած թեման արդեն մի քանի օր է ակտիվորեն քննարկվում է ինչպես մամուլում, այնպես էլ խորհրդարանում:
Verelq.am
ПОСЛЕДНИЕ ОТ АВТОРА
-
2025-06-20 22:04В Стамбуле состоялась встреча премьер-министра Республики Армения Никола Пашиняна и президента Турции Реджепа Тайипа Эрдогана. Об этом Новости Армении – NEWS.am сообщили в пресс-службе Правительства Армении.
-
2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.