2025-05-23 08:44
Информагентства
Թրամփի վարչակազմը Հարվարդի համալսարանին զրկել է արտասահմանցի ուսանողների ընդունելության իրավունքից
ԱՄՆ նախագահ Դոնալդ Թրամփի վարչակազմը հինգշաբթի Հարվարդի համալսարանին զրկել է արտասահմանցի ուսանողներ ընդունելու իրավունքից, ինչը նշանավորել է ամերիկյան մասնավոր ութ համալսարանների միավորման՝ Բաղեղի լիգայի (The Ivy League) ինքնավարության համար պայքարի կտրուկ սրումը՝ վարչակազմի քաղաքական պահանջների առկայությամբ, հաղորդում է CNN-ը։
«Հարվարդն այլևս չի կարող ընդունել արտասահմանցի ուսանողների, իսկ ներկայում բուհում սովորող արտասահմանցի ուսանողները պետք է տեղափոխվեն այլ բուհեր, հակառակ դեպքում կկորցնեն իրենց իրավաբանական կարգավիճակը»,- ասված է ԱՄՆ ներքին անվտանգության նախարարության հայտարարության մեջ։
Ներքին անվտանգության նախարար Քրիստի Նոեմն իր գերատեսչությանը կարգադրել է դադարեցնել Հարվարդի արտասահմանցի ուսանողների և փոխանակման այցելուների ծրագրի հավաստագրումը՝ հղում անելով նրան, որ համալսարանն անցյալ ամիս հրաժարվել է նախարարությանը տրամադրել արտասահմանցի ուսանողների վարքագծի վերաբերյալ գերատեսչության պահանջած տվյալները։
Նոեմը հինգշաբթի Հարվարդ ուղարկված նամակում համալսարանին մեղադրել է «համալսարանական անապահով մթնոլորտը պահպանելու՝ հրեա ուսանողների հանդեպ թշնամական վերաբերմունքը, ՀԱՄԱՍ-ի նկատմամբ համակրանքը խթանող և ռասիստական՝ բազմազանության, հավասարության և ներառականության մեթոդներ կիրառելու» մեջ։
«Թող սա նախազգուշացում ծառայի երկրի բոլոր համալսարանների և ակադեմիական հաստատությունների համար»,- ասված է ԱՄՆ ներքին անվտանգության նախարարության հայտարարության մեջ։
Հարվարդի համալսարանն անցյալ ամիս դատական հայց ներկայացրեց Թրամփի վարչակազմի դեմ, երբ դաշնային կառավարությունը հայտարարեց, որ սառեցնում է 2,2 միլիարդ դոլարի դրամաշնորհները և, ըստ համալսարանի ներկայացուցիչների՝ աննախադեպ և անպատշաճ վերահսկողություն սահմանեց Բաղեղի լիգայի նկատմամբ։
Թրամփի վարչակազմը հայտարարեց, որ սառեցնում է դաշնային ֆինանսավորումը, երբ համալսարանը հրաժարվեց ընդունել պահանջները, որոնք, ըստ համալսարանի, ուղղված էին համալսարանում հակասեմիտիզմի դեմ պայքարին։
Կառավարության պահանջների թվում էին ուսանողների տեսակետների ստուգումը և «ամերիկյան արժեքների և հաստատությունների նկատմամբ թշնամաբար տրամադրված» արտասահմանցի ուսանողների մուտքի արգելքը։
Հայցում համալսարանը պնդում է, որ ֆինանսավորման սառեցումը կապված չէ վարչակազմի՝ հակասեմիտիզմի վերաբերյալ մտահոգությունների հետ։
News.am
ПОСЛЕДНИЕ ОТ АВТОРА
-
New2025-05-23 19:30Бывший президент Армении обвиняется в получении взятки примерно в $3 млн., сообщает Антикоррупционный комитет республики.
-
New2025-05-23 19:21Баку с нуля создает "исторический Азербайджан", а Армения отказывается от собственной истории, сказал в интервью Sputnik Армения политолог Карен Игитян.
-
New2025-05-23 19:13По состоянию на 17 часов 23 мая на особо охраняемые территории в столице и регионах доставлены 217 транспортных средств участников мероприятий «Последний звонок», 127 из которых управляли несовершеннолетние. Об этом сообщает пресс-служба полиции МВД.
-
New2025-05-23 19:07Ложь и фальсификация никогда не смогут стать правдой, как бы часто и восторженно они ни повторялись. Об этом говорится в заявлении Первопрестольного Святого Эчмиадзина в ответ на последние заявления главы Управления мусульман Кавказа Шейха уль-ислама Аллахшукюра Пашазаде.