2025-05-27 21:17
Информагентства
«Ահագին խառնաշփոթ է». Պեսկովը՝ հեռահար զենքի վերաբերյալ ԵՄ հայտարարությունների մասին
Կիևին մատակարարվող զենքի հեռահարության սահմանափակումների վերացման մասին որոշումը, եթե այն իսկապես ընդունվել է, լուրջ էսկալացիա է։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը։
«Այսպես թե այնպես, եթե դա համապատասխանում է իրականությանը, ապա դա էսկալացիա է։ Լուրջ էսկալացիա, որն ամենալուրջ կերպով հակասում է խաղաղ կարգավորման ուղղությամբ ձեռնարկվող փորձերին»,-հայտարարել է Պեսկովը։
Ավելի վաղ Գերմանիայի կանցլեր Ֆրիդրիխ Մերցը WDR հեռուստաալիքին տված հարցազրույցում հայտարարել էր, որ Բրիտանիան, Ֆրանսիան, ԱՄՆ-ն, հիմա նաև Գերմանիան հանել են Ուկրաինային ռազմական մատակարարումների սահմանափակումները, Կիևը կարող է հեռահար զենքով հարձակվել Ռուսաստանի տարածքում գտնվող թիրախների վրա: Ավելի ուշ Գերմանիայի փոխկանցլեր և Գերմանիայի Սոցիալ-դեմոկրատական կուսակցության առաջնորդ Լարս Կլինգբայլը հայտարարել էր, որ Գերմանիան, հակառակ Մերցի հայտարարությանը, չի փոխել իր դիրքորոշումը Ուկրաինային զենք մատակարարելու հարցում:
Միևնույն ժամանակ Պեսկովը «ահագին խառնաշփոթ» է անվանել Մերցի և մի շարք եվրոպացի քաղաքական գործիչների համապատասխան հայտարարությունների հետ կապված իրավիճակը։
«Այնտեղ հիմա ահագին խառնաշփոթ է։ Անհասկանալի է՝ համապատասխանում է իրականությանը, թե ոչ։ Որովհետև երեկ Մերցը հայտարարեց, որ որոշումն ընդունված է, որ եվրոպացիները կայացրել են այդ որոշումը, և հենց երեկ էլ կառավարության անդամներից մեկը հերքեց դա։ Այսօր Մերցը, այնուամենայնիվ, պնդեց, որ մի քանի ամիս առաջ նման որոշում է կայացվել»,-նշել է նա։
Ռուսաստանը կարծում է, որ Ուկրաինային զենքի մատակարարումը խանգարում է հակամարտության կարգավորմանը, դրանում ուղղակիորեն ներգրավվում են ՆԱՏՕ-ի երկրներ: ՌԴ ԱԳ նախարար Սերգեյ Լավրովը նշել է, որ ցանկացած բեռ, որը սպառազինություն է պարունակում Ուկրաինայի համար, օրինական թիրախ կդառնա Ռուսաստանի համար: Կրեմլում հայտարարել են, որ Արևմուտքի կողմից Ուկրաինային զենք մատակարարելը չի նպաստում բանակցություններին և բացասական ազդեցություն կունենա։
Sputnik Արմենիա
ПОСЛЕДНИЕ ОТ АВТОРА
-
2025-06-20 22:04В Стамбуле состоялась встреча премьер-министра Республики Армения Никола Пашиняна и президента Турции Реджепа Тайипа Эрдогана. Об этом Новости Армении – NEWS.am сообщили в пресс-службе Правительства Армении.
-
2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.