2025-05-28 11:01
Информагентства
Դմիտրի ԺՈՒՐԱՎԼՅՈՎ․ ԱԴՐԲԵՋԱՆԸ ՁԳՏՈՒՄ Է ԱՄՐԱՊՆԴԵԼ ԻՐ ԴԻՐՔԵՐԸ ՀԱՐԱՎԱՅԻՆ ԿՈՎԿԱՍՈՒՄ
Ռուս քաղաքագետ, դոցենտ, ՌԴ կառավարությանն առընթեր Ֆինանսական համալսարանի թեկնածու Դմիտրի Ժուրավլյովը Alpha News-ի հետ զրույցում անդրադարձել է Ադրբեջանի նախագահի օգնական Հիքմեթ Հաջիևը հայտարարությանը, որը, խոսելով Հայաստանի հետ բանակցությունների մասին, նշել է՝ տարածաշրջանում տեղակայված օտարերկրյա ռազմական ուժերի ներկայության անհրաժեշտություն չկա:
Փորձագետի խոսքով՝ ռուսական զորքերի ներկայությունը խանգարում է Ադրբեջանին։
«Ադրբեջանը ձգտում է ուժեղացնել իր դիրքերը Հարավային Կովկասում։ Այն պայմաններում, երբ տեղի երկրների շարքում ամենաուժեղ բանակն ունի Ադրբեջանը, ռուսական զորքերի ներկայությունը խանգարում է Ադրբեջանին։ Եթե այժմ Ադրբեջանը լիներ պարտվողի, իսկ Հայաստանը՝ հաղթողի դերում, հավանաբար նա կողմ կլիներ ռուսական բազայի պահպանմանը՝ որպես կայունության որոշակի երաշխիքի, որը կկանխեր նրա համար խնդիրների առաջացումը։ Այժմ, երբ Ադրբեջանը վստահ է, որ ինքը տարածաշրջանում գլխավոր դերակատարն է, այս բազան նրան խանգարում է։ Միանգամայն բնական իրավիճակ է», — ասել է Ժուրավլյովը։
Քաղաքագետի կարծիքով՝ եթե ռուսական զորքերը դուրս բերվեն Հարավային Կովկասից, ապա Ադրբեջանը գայթակղվելու է մեկ գիշերում լուծել իր բոլոր խնդիրները Հայաստանի հետ:
«Եթե ռուսական բազան այնտեղ չլինի, Ադրբեջանը կցանկանա մեկընդմիշտ լուծել հայկական խնդիրը։ Քանի դեռ ռուսական զորքերն այնտեղ են, պատերազմ չի լինի։ Իսկ եթե նրանք այնտեղից դուրս բերվեն, ապա Ադրբեջանը գայթակղվելու է մեկ գիշերում լուծել իր բոլոր խնդիրները՝ շնորհիվ իր հզոր բանակի։ Ես վստահ չեմ, որ այդ գայթակղությունը կյանքի կկոչվի, քանի որ Ադրբեջանի նախագահն ամենահիմար մարդը չէ, բայց գայթակղություն կլինի», — եզրափակել է Ժուրավլյովը։
ПОСЛЕДНИЕ ОТ АВТОРА
-
2025-06-20 22:04В Стамбуле состоялась встреча премьер-министра Республики Армения Никола Пашиняна и президента Турции Реджепа Тайипа Эрдогана. Об этом Новости Армении – NEWS.am сообщили в пресс-службе Правительства Армении.
-
2025-06-20 21:29Подвергнутых сегодня приводу граждан начали отпускать. Об этом в беседе с журналистами заявил лидер движения «Священная борьба» архиепископ Баграт Галстанян.
-
2025-06-20 20:3459,7% опрошенных высоко оценили деятельность Армянской Апостольской церкви по 10-балльной шкале, не довольны ею 18,7%. Об этом свидетельствуют данные опроса фонда "Арар", заявил директор организации Армен Хачикян.
-
2025-06-20 20:30На данный момент задержано более двух десятков человек, но есть и те, чье местонахождение неизвестно. Об этом на встрече с журналистами 16 июня заявил представитель Верховного органа АРФ Дашнакцутюн, депутат парламента от блока «Армения» Ишхан Сагателян.