2025-05-29 13:59
Информагентства
Թոքաբանության ազգային կենտրոնը միացվում է Ինֆեկցիոն հիվանդությունների ազգային կենտրոնին
ՀՀ առողջապահության նախարարության առաջարկով՝ Թոքաբանության ազգային կենտրոնը միացվում է «Ինֆեկցիոն հիվանդությունների ազգային կենտրոնին»։ Որոշումն ընդունվեց կառավարության այսօրվա նիստում։
Ըստ որոշման նախագծի հիմնավորման՝ տուբերկուլյոզով հիվանդացությունը և մահացությունը վերջին տասնամյակների ընթացքում էականորեն նվազել են՝ 2023 թվականին 100,000 բնակչի հաշվարկով հասնելով մինչև համապատասխանաբար 13.5 և 0.84 (առանց ՄԻԱՎ-դրական ՏԲ մահացության)։ Արդյունքում Թոքաբանության ազգային կենտրոնի մահճակալային ֆոնդը թերբեռնված է։ Զուգահեռաբար իրականացվել են նաև բուժման մարդակենտրոն մեխանիզմների ներդրում, բարելավվել է տուբերկուլյոզով հիվանդների համար ծառայությունների հասանելիությունը, ծառայությունները մատուցվում են նաև արտահիվանդանոցային պայմաններում։
«Չնայած ընդհանուր մահացության ցուցանիշի նվազմանը, ինչպես ամբողջ աշխարհում, այնպես էլ ՀՀ-ում տուբերկուլյոզի հիվանդացության և մասնավորապես մահացության կառուցվածքում դեղակայուն տուբերկուլյոզի, ինչպես նաև ՏԲ-ՄԻԱՎ համավարակի տեսակարար կշիռը գրեթե չի փոփոխվում՝ 2023 թվականին ՏԲ-ի բուժման հաջող ելքը կազմել է 84%, իսկ ՏԲ-ՄԻԱՎ համավարակի դեպքում չի գերազանցել 68%-ը։ ՄԻԱՎ հայտնաբերման ցուցանիշի աճը խոսում է այն մասին, որ ՏԲ–ՄԻԱՎ զուգակցված դեպքերը նույնպես կարող են աճ գրանցել»,- նշված է նախագծում։
ՄԻԱՎ/ՁԻԱՀ-ի ախտորոշումը և բուժումը, ինչպես նաև ՄԻԱՎ-ով ապրող մարդկանց շրջանում տուբերկուլյոզի վաղ հայտնաբերումն ու կանխարգելիչ բուժումն իրականացվում է Ինֆեկցիոն հիվանդությունների ազգային կենտրոնում։
Ուստի համավարակի դեմ պայքարի արդյունավետության բարձրացման համար առողջապահության նախարարությունն առաջարկել է միավորել տուբերկուլյոզի և ՄԻԱՎ/ՁԻԱՀ-ի ոլորտների մասնագիտական ներուժն ու հնարավորությունները։
Գերատեսչությունը վստահ է, որ սա կնպաստի նաև պետական բյուջեից և դոնոր կազմակերպություններից ստացվող ֆինանսական միջոցների ծախսման արդյունավետության բարձրացմանը։
Նման մոտեցում է որդեգրվել եվրոպական մի շարք երկրներում։ Նախկին Խորհրդային Միության երկրներից, օրինակ, Ղազախստանում տուբերկուլյոզային ծառայություններն ավելի ու ավելի են ինտեգրվում ընդհանուր առողջապահական համակարգին։ Նախարարության պնդմամբ՝ այս ինտեգրումը բարելավել է հիվանդությունների վարման մոնիտորինգը և բուժծառայությունների մատուցման արդյունավետությունը։ Վերջին տասնամյակում Ղազախստանն արձանագրել է տուբերկուլյոզի հիվանդացության և մահացության մակարդակի զգալի նվազում՝ շնորհիվ այս բարեփոխումների։ Ուստի Ղազախստանի փորձն այժմ համարվում է դրական օրինակ տարածաշրջանի մյուս երկրների համար։
Sputnik Արմենիա
ПОСЛЕДНИЕ ОТ АВТОРА
-
2025-06-13 19:56Президент США Дональд Трамп заявил, что представители иранских властей звонят ему с просьбой заключить соглашение по ядерной программе Тегерана.
-
2025-06-13 19:55Международный аэропорт "Звартноц" принял три рейса иностранных авиакомпаний, запросивших вынужденную посадку. Об этом Sputnik Армения сообщили в Комитете гражданской авиации.
-
2025-06-13 19:53Совет безопасности ООН сегодня соберется на внеочередное заседание в связи с израильской атакой на Иран. Об этом сообщил постпред России при ООН Дмитрий Полянский.
-
2025-06-13 19:48Учитывая ситуацию, сложившуюся в Иране, призываем граждан РА, находящихся на территории ИРИ, сохранять бдительность, следовать официальным инструкциям, а в случае возникновения чрезвычайной ситуации обращаться в посольство по адресу электронной почты ([email protected]), страницам в социальных сетях (Facebook, Instagram), а также по следующим телефонным номерам - +98 21 66704833, мобильный: +989053774966.