2025-05-30 19:52
Информагентства
Չինաստանի նոր դեսպանը նախանշել է Հայաստանի հետ հարաբերությունների առաջնահերթությունները
Չինաստանը և Հայաստանը փոխադարձաբար աջակցում և հարգում են միմյանց ինքնիշխանությունն ու տարածքային ամբողջականությունը: Պեկինը բարձր է գնահատում «մեկ Չինաստանի» սկզբունքին Երևանի աջակցությունը։ Իր դիվանագիտական առաքելության մեկնարկի կապակցությամբ Երևանում կազմակերպված ընդունելության ժամանակ հայտարարել է Հայաստանում Չինաստանի նորանշանակ դեսպան Լի Սինվեյը։
Հայաստանի ԱԳՆ-ն նախկինում բազմիցս ընդգծել էր, որ հանրապետությունը մշտապես հավատարիմ է «մեկ Չինաստանի» սկզբունքին:
Դեսպանը նշել է, որ երկու երկրների միջև շարունակում է զարգանալ ամուր քաղաքական փոխվստահության վրա հիմնված կայուն և նպատակաուղղված համագործակցությունը:
«Հայաստանի և Չինաստանի ապրանքաշրջանառությունը 2024 թվականի արդյունքներով հասել է 2,8 մլրդ դոլարի նշագծին՝ 2023 թվականի նույն ժամանակահատվածի համեմատ աճելով 34% -ով», - ասել է նա։
Լի Սինվեյը նաև հիշեցրել է հաջողությամբ իրականացված համատեղ նախագծերի մասին, որոնց թվում են Հայ-չինական բարեկամության դպրոցը և արևային ֆոտովոլտային կայանը, որը կառուցվել է չինական ընկերության կողմից և արդեն միացված է Հայաստանի էներգահամակարգին:
Առաջիկայում սպասվում է Երևան-Ուրումչի երթուղով ավիաչվերթերի ավելացում։
«Մեկ Չինաստանի» սկզբունքը այլ պետությունների հետ ՉԺՀ-ի դիվանագիտական հարաբերությունների հիմքն է և միջազգային համերաշխության կարևոր տարր: Ներկայում աշխարհի 183 երկրներ պաշտոնական հարաբերություններ են հաստատել Չինաստանի հետ՝ ճանաչելով այդ սկզբունքը։
Իր հերթին Հայաստանի փոխարտգործնախարար Մնացական Սաֆարյանը նշել է, որ երկրները համագործակցության նոր փուլ են ապրում:
«Մեր երկրների միջև բարձր է քաղաքական երկխոսությունը, որը դրսևորվում է երկրների համար կարևոր հարցերի շուրջ դիրքորոշումների ձևավորման հարցում», - ասաց Սաֆարյանը: Նրա խոսքով՝ երկրները շատ ընդհանրություններ ունեն՝ մարդկային ներուժ, արժեքների հանդեպ նվիրվածություն, հարուստ պատմություն։
Sputnik Արմենիա
ПОСЛЕДНИЕ ОТ АВТОРА
-
New2025-06-20 18:09Полиция Армении осуществляет усиленное дежурство, в рамках которого проводятся профилактические работы. Об этом говорится в заявлении МВД Армении.
-
New2025-06-20 18:07В региональных подразделениях АРФ "Дашнакцутюн" проходят незаконные задержания и обыски. Об этом сообщил в соцсетях представитель верховного органа партии Ишхан Сагателян.
-
New2025-06-20 18:04Этери Карапетян – супруга бизнесмена, благотворителя Самвела Карапетяна опубликовала пост в соцсетях, в котором подчеркнула, что их семья всегда была, есть и будет рядом с армянским народом и Армянской Апостольской Церковью.
-
New2025-06-20 18:01Очередь дошла и до АРФ Дашнакцутюн. Только что имели место незаконные задержания и обыски в отношении ответственных товарищей областных структур АРФД. Об этом говорится в заявлении, распространенном ВО АРФД.