2025-06-02 10:06
Соб.инф.
ԵՐՋԱՆԻԿ ՄԱՆԿՈՒԹՅԱՆ ՕՐԸ. «ԵՐԵՎԱՆՈՒՄ ԴՈՄ ՄՈՍԿՎԻ» ԿԵՆՏՐՈՆՈՒՄ ՆՇԵՑԻՆ ԵՐԵԽԱՆԵՐԻ ՊԱՇՏՊԱՆՈՒԹՅԱՆ ՕՐԸ
Ինչպե՞ս նախագծել ապագայի քաղաքը։ Ի՞նչ է գրատաժ գեղարվեստի տեխնիկան։ Եվ հնարավո՞ր է արդյոք սովորական մրգերից պատրաստել տոնական սեղանին արժանի աղանդեր։ Երեխաներն այս և այլ հարցերի պատասխանները փնտրում էին ոչ թե դասագրքերում կամ համացանցում, այլ «Երևանում Դոմ Մոսկվի» կենտրոնի հարթակներում։ «Երջանիկ մանկության օրը» անվամբ վառ և բազմազան ծրագիրը միավորել էր ՀՀ մայրաքաղաքի դպրոցականներին, նրանց ուսուցիչներին, ծնողներին և Ռուսաստանից ժամանած հյուրերին։ Երեխաների պաշտպանության օրվան նվիրված միջոցառումը կազմակերպել էին Մոսկվայի կառավարությունը, Մոսկվա քաղաքի արտաքին տնտեսական և միջազգային հարաբերությունների վարչությունը, Մոսկվայի հայրենակիցների տունը և «Երևանում Դոմ Մոսկվի» կենտրոնը։
Միջոցառման ընթացքում երեխաները կարողացան փորձել իրենց ճարտարապետության, նկարչության, խոհարարության, պարի և երաժշտության ոլորտներում։ Միջոցառման ձևաչափը ոչ սովորական էր. վարպետության դասերն անցկացնում էին ոչ միայն մեծահասակները, այլև երեխաները։ Նախագծը համակարգող ճարտարապետ Վիկտորիա Սոցկովայի խոսքով՝ այդ դասերը դարձան «երեխաները երեխաների համար» հայեցակարգի մի մասը։ «ART OK.NO» ճարտարապետական դպրոցի աշակերտներն իրենց հասակակիցներին ցույց տվեցին, թե ինչպես պատրաստել աղանդեր բանջարեղենից և մրգերից, երբեմն անսպասելի համադրություններով, թե ինչ է գրատաժի տեխնիկան, ինչպես ստեղծել շենքերի մոդելներ և ինչպես է ծնվում մի ամբողջ «փազլ-քաղաք»: Յուրաքանչյուրը կարող էր կառուցել իր սեփական շենքը և դառնալ ընդհանուր ցուցահանդեսի մասնակից: «Մենք ցանկանում էինք ցույց տալ, որ կիրառական արվեստը պարզապես հանգիստ չէ, այլ ուղի, որը կարող է դառնալ կյանքի գործ», - ասաց Վիկտորիա Սոցկովան:
Ծրագրի երաժշտական և պարային հատվածը բաղկացած էր Սարաջևի դպրոցի և «Նանե» ստուդիայի աշակերտների ելույթներից: Պատանի պարողները ոչ միայն ելույթ ունեցան, այլև հյուր եկած իրենց հասակակիցներին սովորեցրին ստեփ պարի տարրերը: «Այստեղ ամեն ինչ հետաքրքիր է: Իսկ ամենից շատ ինձ դուր եկավ տներ և ճանապարհներ պատրաստել տարբեր նյութերից: Եվ նաև՝ մրգերից փայտիկի վրա խորոված շարելը», - իր տպավորություններով կիսվեց «Էվրիկա» դպրոցի սան Մաքսիմ Մելնիկովը:
Միջոցառման կրթական նշանակությունը շեշտեց Մայակովսկու անվան Երևանի թիվ 7 դպրոցի ուսուցչուհի Ալլա Սանտոյանը: «Այսօր իսկական տոն էր երեխաների համար, այն միավորել էր երկու իրադարձություն՝ ուսումնական տարվա ավարտը և Երեխաների պաշտպանության օրը: Իսկ այսօր իմ աշակերտներից մեկի ծննդյան օրն է և ստացվեց այնպես, որ Երևանում Մոսկվայի տունը նրան այսպիսի շքեղ նվեր մատուցեց: Երեխաները շատ ոգևորված էին ճարտարապետության վարպետության դասով, ոմանք նույնիսկ ընդգրկվեցին Մոսկվայի տանը գործող ճարտարապետական դպրոցում», — ասաց նա:
Տոնակատարությանն անտարբեր չմնացին նաև մեծահասակ հյուրերը: Մոսկվայից թոռներին այցելելու եկած Իրինա Անիկեևան նշեց. «Ամեն ինչ պարզապես հիանալի էր՝ պարեր, երաժշտական համարներ, գունագեղ զգեստներ, ժպիտներ, ընդհանուր ոգևորություն... Եվ ընդհանուր առմամբ, սա լավ հնարավորություն է հայ և ռուս երեխաներին միմյանց մշակույթներին ծանոթացնելու համար»:
Փոքրիկ հյուրերի համար կազմակերպիչները պատրաստել էին նաև ուրախ ժամանցային ծրագիր՝ դեմքի նկարչություն, խաղեր անիմատորների հետ, օճառի պղպջակների շոու, հյուրասիրություն և նվերներ:
Галерея (5 фото)
ПОСЛЕДНИЕ ОТ АВТОРА
-
2025-08-02 00:42Ներկայացնում ենք փորձագիտական կարծիք Հայաստանում հեղինակության կառավարման և հանրային կապերի խնդիրների մասին` ԱքսելՄոնդրիան ընկերության համահիմնադիր` Շուշան Հարությունյանի կողմից
-
2025-07-31 10:00Вышел в свет сборник статей «Героизм, память и диалог поколений», который включает в себя избранные публикации СМИ и фотографии о ереванских мероприятиях, проведенных в апреле-мае и посвящённых 80-летию Великой Победы и арцахскому культурному наследию. Эти мероприятия проводились Организацией ДИАЛОГ или в партнерстве с ней, имели широкий охват общественных и научно-образовательных кругов, а также арцахских соотечественников.
-
2025-07-31 08:54Эта власть не ошибается, а действует по программе, конечным результатом которой должно стать разрушение национального суверенитета, культуры, образования и систем безопасности: они – внедренные агенты, которые на самом деле не открывают двери в будущее, а снимают последние замки, за которыми пока еще живет надежда на независимость, написал на своей странице в ФБ член Совета РПА Армен Овасапян. Публикацию полностью приводим ниже.
-
2025-07-30 11:49Платформа MyInvest Америабанка запустила MyInvest Academy, предназначенную для тех, кто хочет начать свой путь в сфере инвестиций. Это первая армяноязычная образовательная платформа по инвестициям, доступная прямо в мобильном приложении и бесплатная. Академия позволяет изучать инвестиции с нуля, шаг за шагом знакомясь с основными понятиями и углубляя свои знания по каждой теме: от облигаций до акций, инвестиционных фондов, золота, нефти и т. д.