Տհաճ միջադեպ Երուսաղեմի հայկական եկեղեցու մոտ. ինչպես է արձագանքել ոստիկանությունը

Երիտասարդ օրթոդոքս հրեան (հուդայական համայնքի սովորույթները ծայրահեղականորեն պահպանող անդամ - խմբ.) թքել է Երուսաղեմի հայկական թաղամասում գտնվող քրիստոնեական վանքի մուտքի մոտ։ Այս մասին X-ի իր էջում գրել է Երուսաղեմի հայ համայնքի ակտիվիստ Գեղամ Բալյանը:

Հրեական Շավուոթ տոնի ժամանակ՝ կեսգիշերին մոտ, հայկական եկեղեցու մոտով անցնելիսերկու ծայրահեղական օրթոդոքս հրեաներից մեկը թքել է մուտքի մոտ։ Երբ Բալյանը հարցրել է, թե ինչու է նա նման բան արել, շուրջն անցորդներ են հավաքվել։

-Ինչո՞ւմն է խնդիրը,- հարցրել են նրանք:

-Ինչո՞ւ ձեր ընկերը թքեց։ Որովհետև եկեղեցին քրիստոնեակա՞ն է,- հարցրել է Բալյանը։

-Եթե այդպես է արել, ուրեմն այդպես էր պետք, - պատասխանել են նրան:

-Գնացեք այստեղից, - նրանց ասել է Բալյանը։

-Ո՛չ, սա մեր երկիրն է, որտեղ ուզենք՝ կկանգնենք, - պատասխանել են նրան։

Դրանից հետո վանքի մուտքին ավտոմեքենայով մոտեցել է մեկ այլ հրեա։ Երբ Բալյանը վերջինիս բացատրել է տեղի ունեցածը, նա գլուխը հանել է մեքենայից և նույնպես թքել՝ հավելելով՝ իսկ սրա՞ն ինչ կասես։

Տեղում հավաքված հայերը (այդ թվում հայկական թաղամասի պահպանությամբ զբաղվողները) զանգահարել են ոստիկանություն՝ ներկայացնելով, թե ինչ է կատարվում։ Ոստիկանական բաժանմունքը գտնվում է վանքից մեկ րոպե հեռավորության վրա, սակայն ոստիկանները ժամանել են 25 րոպե անց, երբ օրթոդոքսներնարդեն փախուստի դիմած են եղել:

Sputnik Արմենիա