Ռուսաստանում ադրբեջանցի պատգամավորին պատժել են «ուզբեկների հայրենիքի» մասին հեգնանքի համար

Ադրբեջանցի պատգամավոր Խալիդ Թագիզադեն, ով նախկինում ներկայացնում էր Ռուսաստանի Դաշնության Կոմունիստական կուսակցությունը Խանտի-Մանսիյսկի ինքնավար շրջանում, պատժվել է ենթադրությունների համար, թե միգրանտները գնում են Յուգրա՝ իրենց «պատմական հայրենիք»: Պատգամավորին զրկել են սոցիալական զարգացման հանձնաժողովի նախագահի տեղակալի պաշտոնից։ Այս տեղեկությունը 86.RU-ին հաստատել են սեփական աղբյուրները։

«Այո, Թագիզադեն զրկվել է զբաղեցրած պաշտոնից իր հայտարարության պատճառով: Նիստն անցկացվել է փակ դռների հետևում»,-ասել է աղբյուրը։

Պարբերականը պարզել է, որ նրան մանդատից զրկելու հարցը դեռ որոշված չէ։ Մինչդեռ պատգամավորը հայտարարել է, որ այդ արտահայտությամբ փորձել է թուլացնել իր գործընկեր Միխայիլ Սելյուկովի և փոխնահանգապետ Վսևոլոդ Կոլցովի միջև միգրացիոն քաղաքականության շուրջ վեճի ժամանակ ստեղծված լարված իրավիճակը։

Ավելի վաղ հաղորդվել է, որ Թագիզադեի հայտարարությունը վրդովեցրել է հանրությանը և լրատվամիջոցներին։ Մարդիկ կոչ են արել ԱԴԾ աշխատակիցներին ուշադրության տակ առնել պատգամավորին, իսկ շրջանային դումայի նախագահ Բորիս Խոխրյակովն ասել է, որ պատգամավորին սպասում են էթիկայի հանձնաժողովում։ Մինչդեռ պատգամավորն իր հայտարարության մեջ մասամբ մեջբերել է համացանցային ռեսուրսներից հատվածներ, որոնք խոսում են Շիբանիդների դինաստիայի և Սիբիրյան խանության կապի մասին:

Վարկածներից մեկի համաձայն՝ Խան Կուչումը, ով ղեկավարել է սիբիրյան թաթարներին 1563-1582 թվականներին, ծնունդով Բուխարայից է և եղել է Չինգիզխանի թոռը:

Alpha News