ՀՀ կառավարությունը հաստատեց թմրամիջոցների դեմ պայքարի ազգային ռազմավարությունը

ՀՀ կառավարությունը հաստատեց Թմրամիջոցների և հոգեմետ նյութերի ապօրինի շրջանառության դեմ պայքարի ռազմավարությունը և 2025-2027 թվականների գործողությունների ծրագիրը։

Ինչպես կառավարության նիստի ժամանակ հայտարարեց ներքին գործերի նախարար Արփինե Սարգսյանը, կամրապնդվի նախկինում ընդունված մոտեցումը ՝ փորձել նախ բացահայտել ապօրինի ներմուծումն ու արտադրությունը, ոչ թե վաճառքը։

Դրա շնորհիվ 2024 թվականին նվազել է թմրանյութերի շրջանառության հետ կապված բացահայտված հանցագործությունների թիվը։

«Եթե 2018 թվականին գրանցվել էր 877 դեպք, ապա 2023 թվականին՝ արդեն 5070 դեպք։ Բայց 2024 թվականին՝ ռազմավարության վերանայման և հատկապես ներմուծման ու արտադրության շղթաների թիրախավորման արդյունքում, դեպքերի թիվը նվազել է՝ կազմելով 3639»,- ասաց Սարգսյանը։

Նախարարը տեղեկացրեց, որ 2024 թվականին ապօրինի շրջանառությունից դուրս է բերվել շուրջ 426 կգ թմրամիջոց, ինչը մոտ 200 կգ-ով ավելի է, քան 2023 թվականին։ 2025 թվականի առաջին ամիսների ընթացքում արդեն իսկ դուրս է բերվել 173 կգ թմրամիջոց։

Բացի այդ, կուժեղացվի թմրամիջոցների շրջանառության վերահսկողությունը բանակում և ոստիկանությունում, ինչպես նաև դպրոցներում։

Sputnik Արմենիա