2025-06-27 11:05
Информагентства
Դավիթ ԱՆԱՆՅԱՆ․ ՍԱ ԲՌՆШՊԵՏԱԿԱՆ ՀՈԳԵՎԻՃԱԿԻ ՆՇԱՆ Է, ԵՐԲ ԻՇԽԱՆՈՒԹՅՈՒՆՆ ՍԿՍՈՒՄ Է ՎԱԽԵՆԱԼ ՆՈՒՅՆԻՍԿ ԴԵՄՔԻ ԱՐՏԱՀԱՅՏՈՒԹՅՈՒՆԻՑ
Սա բռնապետական հոգեվիճակի նշան է, երբ իշխանությունն այլևս չունի վստահություն սեփական հիմքերի հանդեպ և սկսում է վախենալ ոչ միայն զանգվածային ընդվզումից, այլ նույնիսկ անհատական քայլից, դեմքի արտահայտությունից, խոհից։ Գրել է ՊԵԿ նախկին նախագահ Դավիթ Անանյանը։
«Սամվել Կարապետյանի, Բագրատ Արքեպիսկոպոս Գալստանյանի և մյուս մեր հայրենակիցների կալանավորումները, ինչպես նաև Միքայել Արքեպիսկոպոս Աջապահյանի նկատմամբ քրեական գործ հարուցելը միանշանակորեն բացահայտում են դրանց քաղաքական դրդապատճառները։ Այստեղ այլևս ոչ թե իրավական գործընթացների բնականոն ընթացքի, այլ` ուղղորդված և կանխամտածված բռնատիրական մեխանիզմի հետ գործ ունենք։ Մենք իշխանության կենտրոնում հանգրվանած բռնազավթչի ձեռքով իրականացվող համակարգային քաղաքական հաշվեհարդարի ականատեսն ենք լինում։ Ճնշվում է ոչ թե հանցանքը, այլ՝ ընդվզումը, հետապնդվում է ոչ թե մեղավորը, այլ՝ արժեքների պաշտպանության ճիչը։
Սակայն, որքան էլ այս գործողությունները մշակված ու համակարգված թվան, դրանց իրագործման կերպը օրեցօր մատնում է խորացող խուճապը։ Որոշումները կայացվում են ոչ թե սառնասրտորեն, այլ շտապողականությամբ՝ հաճախ անկազմակերպ, անգամ հակասական։ Սա բռնապետական հոգեվիճակի նշան է, երբ իշխանությունն այլևս չունի վստահություն սեփական հիմքերի հանդեպ և սկսում է վախենալ ոչ միայն զանգվածային ընդվզումից, այլ նույնիսկ անհատական քայլից, դեմքի արտահայտությունից, խոհից։
Այս պայմաններում իշխանության ձեռնարկած յուրաքանչյուր քայլ հիշեցնում է կրակը մարելու փորձ՝ այնտեղ, որտեղ բոցը դեռ չի բռնկվել։ Բայց հենց այդ քայլերով է, որ նրանք բորբոքում են այն։
Այդուհանդերձ, պետք է չկորցնել իրականության ողջ պատկերը․ հասարակությունը դեռ գտնվում է զայրույթի՝ տակով հոսող, բայց դեռ չպայթած լռության փուլում։ Քաղաքացիական էներգիան կուտակվում է, և հասարակական դիմադրության հզոր ալիքը՝ չնայած դեռևս ամբողջապես չի հասունացել, անխուսափելիորեն մոտենում է իր ճեղքումին։
Այս իրողության պայմաններում մեր առաջադրանքը միայն վերլուծելն ու արձանագրելը չէ։ Մենք կոչված ենք գործելու։ Մեզանից յուրաքանչյուրին հասած «քաղաքացիական տնային աշխատանքը» մեկն է՝ վերաիմաստավորել մեր դերը այս գործընթացում, լինել սթափ ու գործուն, չվախենալ համախմբվելուց և չվարանել ներգրավվելուց։ Միայն համառությամբ, սկզբունքայնությամբ և միասնությամբ է հնարավոր դիմագրավել այս մթագնող շրջափակումը։ Միայն այդպես կարող ենք պաշտպանել մեր երկիրն ու պետականությունը, վերականգնել արժանապատվությունն ու արդարությունը և պետության քաղաքական կյանքը վերադարձնել ժողովրդավարության ու արժեհամակարգային ակունքներին»։
News.am
ПОСЛЕДНИЕ ОТ АВТОРА
-
New2025-07-04 17:06В Истринском районе Подмосковья на рынке главы местной азербайджанской диаспоры прошел очередной антимигрантский рейд, сообщает «Оперативные сводки».
-
New2025-07-04 17:01США начали, пока неофициально, кампанию по прокладке маршрута так называемого «Среднего коридора», минуя упрямый Иран, через территорию которого как раз и направлялся до сих пор весь грузопоток из Китая и Средней Азии в Европу, утверждает Телеграм-канал «Ереванский наблюдатель».
-
New2025-07-04 16:58Армянский патриарх Константинополя Саак Машалян провел пресс-конференцию в Стамбуле после завершения своего визита в США. По данным Agos, основными пунктами повестки дня пресс-конференции были визит патриарха в США, закрытие патриархии во время визита премьер-министра Армении Никола Пашиняна в Стамбул, а также реакция армянской общины Турции на этот вопрос, пишет Factor.am.
-
New2025-07-04 16:55Правозащитная организация "Международная христианская солидарность" (CSI) вновь призвала Совет ООН по правам человека назначить специального докладчика по Нагорному Карабаху, поскольку Азербайджан продолжает игнорировать постановление Международного суда ООН.