2025-07-04 10:59
Информагентства
ՌԴ ԱԳՆ․ Լավրովը շնորհավորել է Ռուբիոյին ԱՄՆ Անկախության օրվա առթիվ
Ռուսաստանի արտաքին գործերի նախարար Սերգեյ Լավրովը շնորհավորական ուղերձ է հղել ԱՄՆ պետական քարտուղար Մարկո Ռուբիոյին Ամերիկայի Անկախության օրվա կապակցությամբ՝ հույս հայտնելով, որ ռուս-ամերիկյան հարաբերությունները կկայունանան:
«Հարգելի պարոն պետական քարտուղար, խնդրում եմ իմ անկեղծ շնորհավորանքները փոխանցել ամերիկյան ժողովրդին ազգային տոնի՝ Անկախության օրվա կապակցությամբ։ Ռուսաստանն աջակցում է ԱՄՆ-ի միասնականության ձգտմանը և ավանդական արժեքների պահպանմանը, որոնք հայտնի են որպես ամերիկյան երազանք»,-ասված է շնորհավորանքի ուղերձում, որը հրապարակվել է Ռուսաստանի ԱԳՆ տելեգրամյան ալիքում:
Լավրովը հույս է հայտնել, որ Մոսկվայի և Վաշինգտոնի միջև հարաբերություններն ապագայում կզարգանան փոխադարձ հարգանքի և ազգային շահերը հաշվի առնելու ոգով, ձեռք կբերեն կայունություն և կանխատեսելիություն:
«Օգտվելով առիթից՝ ամերիկյան ժողովրդին մաղթում եմ ընթանալ խաղաղության և ընդհանուր բարգավաճման ճանապարհով, որպեսզի Անկախության հռչակագրի պատգամները՝ կյանքի իրավունքը, ազատությունը և երջանկության ձգտումը, մնան անսասան», - հավելել է նախարարը:
ԱՄՆ Անկախության օրը նշվում է ամեն տարի հուլիսի 4-ին և համարվում է երկրի գլխավոր ազգային տոնը: Այն խորհրդանշում է 1776 թվականին Անկախության հռչակագրի ընդունումը, որով հյուսիսամերիկյան 13 գաղութներ պաշտոնապես հայտարարեցին Մեծ Բրիտանիայի ենթակայության տակից դուրս գալու մասին։
Նշենք, որ Ուկրաինայում հակամարտության սկսվելուց և Ռուսաստանի դեմ ԱՄՆ-ի լայնածավալ պատժամիջոցների սահմանումից հետո երկկողմ շփումները զգալիորեն կրճատվել են, իսկ համագործակցությունը նվազագույնի է հասցվել։ Չնայած դրան, կողմերը շարունակում են դիվանագիտական փոխգործակցությունը, այդ թվում՝ պետական տոների կապակցությամբ պաշտոնական ուղերձների փոխանակման ձևաչափով:
Sputnik Արմենիա
ПОСЛЕДНИЕ ОТ АВТОРА
-
2025-07-21 19:56Премьер-министр Никол Пашинян 20 июля публично заявил о намерении организовать собрание со своими сторонниками на центральной площади города Вагаршапат и предпринять очередное посягательство на Первопрестольный Святой Эчмиадзин. Об этом говорится в обращении Первопрестольного Святого Эчмиадзина
-
2025-07-21 19:54Президент Республики Кипр Никос Христодулидис выступил на мероприятии в Президентском дворце в Никосии по случаю 51-й годовщины турецкого вторжения, направив послания многочисленными адресатам о кипрской проблеме и перспективах ее решения.
-
2025-07-21 19:52Министр обороны Ирана Азиз Насирзаде обсудил с российским коллегой Андреем Белоусовым укрепление сотрудничества в военной сфере, сообщил посол Ирана в Москве Казем Джалали.
-
2025-07-21 19:50Порядка 2,1 млн мирного населения сектора Газы в результате приказов израильских военных о массовом перемещении населения и военных действий оказались изолированными на участке, составляющем 12% всей территории палестинского анклава. Об этом говорится в заявлении, распространенном Управлением ООН по координации гуманитарных вопросов (УКГВ).