2025-07-08 18:00
Информагентства
ՌՀՄ նախագահ․ Փաշինյանը վա բանկ է գնում եկեղեցու և Կարապետյանի հետ կոնֆլիկտում
ՀՀ վարչապետ Նիկոլ Փաշինյանը վա բանկ է գնում Հայ առաքելական եկեղեցու և գործարար Սամվել Կարապետյանի հետ իր կոնֆլիկտում։ ՌԻԱ Նովոստիի հետ զրույցում այս տեսակետն է հայտնել Ռուսաստանի հայերի միության (ՌՀՄ) նախագահ Արա Աբրահամյանը։
«Նա (Փաշինյանը) պատրաստվում է (խորհրդարանական) ընտրություններին։ Ինչ ուզում է, անում է, և ոչ ոք դեռ չի կանգնեցնում նրան։ Իսկ գործում է աստիճանաբար՝ սկզբում եկան Կարապետյանի մոտ, հետո` նրա եղբոր, հետո`զարմիկի։ Նա վաբանկ է գնում և վերացնում բոլոր նրանց, ովքեր ցանկալի չեն, քանի որ հասկանում է, որ չի հաղթի ընտրություններում», – ասել է Աբրահամյանը։
Նա նշել է, որ վարչապետի շրջապատի նախաձեռնությամբ Հայաստանում արդեն 150 քրեական գործ է հարուցվել քաղաքական գործիչների և գործարարների դեմ, որոնք կարող են խանգարել, որ Փաշինյանի կողմնակիցներն իշխանության մնան։
Աբրահամյանն անդրադարձել է նաև Սամվել Կարապետյանին ներկայացված մեղադրանքներին, իբր նա իշխանությունը զավթելու կոչեր է հնչեցրել։
«Որևէ հեղաշրջում այնտեղ չկա, մարդը (Կարապետյանը) նույնիսկ որևէ բանի չի միջամտել»,– նշել է ՌՀՄ նախագահը։
Աբրահամյանի խոսքով` Սամվել Կարապետյանի` եկեղեցուն աջակցող հայտարարություններն ու գործողությունները պայմանավորված են եղել միայն այն հանգամանքով, որ նա հավատացյալ է։
Sputnik Արմենիա
ПОСЛЕДНИЕ ОТ АВТОРА
-
New2025-07-22 18:06В июне 2025 года число туристов в Армении выросло на 19% по сравнению с тем же периодом прошлого года, сообщает Комитет по туризму.
-
New2025-07-22 18:04Председатель Национального Собрания Республики Арцах Ашот Даниелян выразил благодарность Палате представителей Королевства Бельгии.
-
New2025-07-22 16:33Президент США Дональд Трамп принял решение о выходе США из ЮНЕСКО. Об этом заявили в Белом доме.
-
New2025-07-22 16:31Свекрови бывшего мэра Эчмиадзина Дианы Гаспарян — Рузанне Асатрян, предъявлено обвинение в отмывании денег. Об этом сообщает издание ArmLur.am.