2025-07-12 15:08
Информагентства
Կաթողիկոսին մերժողները մերժում են նաև իրենց մկրտությունը. քահանաներն ընդդիմանում են
Հայ առաքելական եկեղեցու քահանաները շարունակում են հրապարակայնորեն աջակցել Ամենայն հայոց կաթողիկոսին։
«Եթե որևէ պետական պաշտոնյա ակնհայտ դիտավորությամբ հարվածում է Ամենայն հայոց կաթողիկոսին, նշանակում է ուղիղ հարվածում է եկեղեցուն և Հայոց պետականության հիմքերին։ Ցանկացած անհարգալից վերաբերմունք ուղղված կաթողիկոսին, դա ուղղված է եկեղեցու և ողջ հավատացյալների դեմ»,– այս մասին Sputnik Արմենիայի հետ զրույցում ասաց Տեր Արարատ քահանա Պողոսյանը։
Նրա խոսքով` Հայ առաքելական սուրբ եկեղեցու բազմադարյա ավանդության համաձայն՝ հոգևորականը ձեռնադրության պահին ստանում է նոր անուն։ Սա ոչ միայն ծիսակարգ է, այլև խորհրդանշական և աստվածաբանական իմաստ ու կարևորություն ունեցող արարողություն։ Այն խորհրդանշում է հոգևոր վերածնունդ և անձի ամբողջական նվիրում Աստծուն ու եկեղեցուն, աշխարհիկ կյանքից անցում հոգևոր կյանքին և սպասավորությանը։
«Որևէ մեկը չի կարող ձեռնադրված և օծում ստացած հոգևորականին դիմել ավազանի անունով։
Եթև որևէ մեկը Ամենայն հայոց կաթողիկոսին դիմում է ավազանի անունով, ուրեմն չի ընդունում կաթողիկոսի 4 անգամ մյուռոն օրհնությունները, վերջին 2.5 տասնամյակում ձեռնադրված բոլոր քահանաներին, բոլոր եպիսկոպոսներին, բոլոր մկրտությունները, քանի որ դրանց անբաժան մասը սրբալույս մյուռոնն է։ Այսինքն՝ կաթողիկոսին չընդունելով, նրանք չեն ընդունում նաև իր օրհնած մյուռոնը, դրանից ավելի մեծ մեղք քրիստոնյան չի կարող գործել, քանի որ սուրբ հոգու դեմ հայհոյությունն աններելի մեղք է, որը վկայվում է սուրբ գրքով»,–ասաց Տեր Արարատ քահանա Պողոսյանը։
Նա ընդգծեց, որ Գևորգ 6–րդ Չորեքչյան կաթողիկոսը շատ դիպուկ բնորոշել է, թե ով է Ամենայն հայոց կաթողիկոսը. նա անձ չէ, այլ հայրապետական գաղափարի մարմնացում, հետևաբար կաթողիկոսի մեջ դիտարկվում է եկեղեցու ողջ նվիրապետությունը։
Հիշեցնենք` երեկ կայացավ Քահանայաց դասի ժողովը, որտեղ հոգևորականները դատապարտում էին Վեհափառի նկատմամբ հարձակումները, Միքայել Աջապահյանի կալանքը և իրենց որդիական զորակցությունն էին հայտնում Հայոց հովվապետին:
ПОСЛЕДНИЕ ОТ АВТОРА
-
New2025-07-18 15:56Армения может выйти из Организации Договора о коллективной безопасности (ОДКБ) в феврале 2026 года, сообщает онлайн-ресурс hraparak.am, ссылаясь на свои источники.
-
New2025-07-18 15:53Перспективы разблокирования транспортных коммуникаций в регионе обсудили вице-премьер Армении Мгер Григорян и посол Ирана Мехди Собхани.
-
New2025-07-18 15:50«Правящая партия «Грузинская мечта», будучи «политической командой, подотчетной грузинскому народу и ответственной за мир и стабильность», выступила с заявлением, где в очередной раз «подробно разъяснила общественности скрытые и не видимые на поверхности политические мотивы враждебной кампании против Грузии», - говорится в заявлении партии, которое зачитал премьер-министр Ираклий Кобахидзе.
-
New2025-07-18 15:47Первый вице-премьер правительства Азербайджана Ягуб Эюбов не приедет в Москву на заседание Экономического совета Содружества независимых государств (СНГ). Об этом изданию Trend сообщил осведомленный источник.