2019-03-06 19:04
Информагентства
Լայչակը գալիս է Երևան «մի շարք գաղափարներով»
ԵԱՀԿ գործող նախագահ, Սլովակիայի արտգործնախարար Միրոսլավ Լայչակը հաջորդ շաբաթ այցելելու է Երևան՝ ղարաբաղյան հակամարտության կարգավորման համար բերելով «մի շարք գաղափարներ»: Այդ մասին նա հայտարարել է այսօր Բաքվում կայացած ասուլիսի ժամանակ:
ԵԱՀԿ գործող նախագահը երեքշաբթի օրը այցելել է Բաքու, հանդիպել Ադրբեջանի նախագահի և արտգործնախարարի հետ:
Իլհամ Ալիևի հետ հանդիպմանը Լայչակն ասել է, որ ԵԱՀԿ-ն իր նախագահելու շրջանում առաջնահերթություն է համարում ղարաբաղյան հակամարտության կարգավորման միջնորդությունը:
Ալիևը հայտարարել է, որ հակամարտության կարգավորման գործում ամենաշահագրգիռ կողմը Ադրբեջանն է, քանի որ, նրա խոսքով, «Ադրբեջանի տարածքներն օկուպացված են, և ավելի քան մեկ միլիոն ադրբեջանցիներ փախստականներ և հարկադիր տեղահանվածներ են դարձել»:
Ադրբեջանի նախագահն ասել է, թե չնայած բանակցային գործընթացի դինամիկային, որն արտահայտվում է երկու երկրների արտգործնախարարների չորս և իր ու Հայաստանի վարչապետի երեք հանդիպումներով, պաշտոնական «Երևանը լուրջ ցանկություն չի ցուցաբերում առարկայական բանակցություններ վարելու համար և ամեն կերպ փորձում է խոչընդոտել ղարաբաղյան կարգավորումը»:
«Շատ կարևոր է, որ միջազգային հանրությունը լուրջ ճնշում գործադրի Երևանի վրա՝ բանակցային գործընթացում առաջընթաց արձանագրելու և Ադրբեջանի օկուպացված տարածքներից Հայաստանի զինված ուժերը դուրս բերելու համար», - հայտարարել է Ալիևը:
Էլմար Մամեդյարովը Միրոսլավ Լայչակի հետ հանդիպմանը հաջորդած ասուլիսում ասել է, թե Բաքուն միշտ քայլեր է ձեռնարկում ղարաբաղյան հակամարտության խաղաղ կարգավորման ուղղությամբ, բայց հայկական կողմը «այնպիսի հայտարարություններով է հանդես գալիս, որոնք խաղաղ կարգավորման հավատ չեն թողնում»:
«Հայաստանի ղեկավարության վերջին հայտարարությունները նպատակաուղղված չեն խաղաղությանը, օրինակ՝ Ազգային անվտանգության ծառայության ղեկավարի հայտարարությունը: Այդ հարցով այսօր հեռախոսազրույց եմ ունեցել ԵԱՀԿ Մինսկի խմբում Ռուսաստանի համանախագահ Իգոր Պոպովի հետ», - ասել է Ադրբեջանի արտգործնախարարը:
Հիշեցնենք, Հայաստանի Ազգային անվտանգության ծառայության ղեկավար Արթուր Վանեցյանը Լեռնային Ղարաբաղում մասնավորապես ասել էր․ - «Ոչ մի թիզ հող հետ տալու նպատակ չունենք, այլ ընդհակառակը՝ մեր հողերում պետք է ապրեն մեր հայրենակիցները»:
Մամեդյարովը այսօրվա ասուլիսում Հայաստանի ղեկավարների վերջին հայտարարություների հետ կապված ասել է․ - «Ես խնդրել եմ պարոն Լայչակին այդ հարցերին անդրադառնալ Երևան կատարելիք այցի ժամանակ, որպեսզի մենք ևս իմանանք՝ մարդկանց խաղաղությա՞ն նախապատրաստել, թե՞ հակամարտության կարգավորման այլ ճանապարհի»:
ԵԱՀԿ գործող նախագահը Բաքվում կայացած բանակցությունները կառուցողական է գնահատել, ասել է, որ Ադրբեջանի նախագահի և արտգործնախարարի հետ քննարկել է հակամարտության կարգավորման ուղիները, ներկայացրել է իր դիրքորոշումը: Միրոսլավ Լայչակը նշել է, որ բանակցությունների համար ԵԱՀԿ Մինսկի խումբը հանդիսանում է միակ ձևաչափը, և այդ ձևաչափի ցանկացած փոփոխություն պետք է համաձայնեցվի հակառակ կողմի հետ:
Լայչակը նշել է, որ եկող շաբաթ այցելելու է Երևան՝ շարունակելու քննարկումները:
«Կշարունակենք ուղիներ փնտրել հակամարտությունը լուծելու համար», - ասել է ԵԱՀԿ գործող նախագահը՝ հավելելով․ - «Մի շարք գաղափարներ կան, որոնք ես կտանեմ Երևան»:
ПОСЛЕДНИЕ ОТ АВТОРА
-
New2025-07-30 10:17Ученые из Мичиганского университета выяснили, почему у всех живых существ чередуются фазы медленного и быстрого сна. Как показало исследование, такая структура играет ключевую роль в сохранении и «расчистке» воспоминаний. Результаты опубликованы в журнале PLOS Computational Biology.
-
New2025-07-30 10:14Тысячи тонн инвазивных водорослей Rugulopteryx okamurae захлестнули южное побережье Испании, включая Коста-дель-Соль, превращая золотые пляжи в бурые заросли, пишет The Guardian.
-
New2025-07-30 10:11Когда температура за окном подбирается к +40°C, страдает не только настроение, но и аппетит. Но отказываться от еды в жару — не лучшая идея. Правильное питание помогает восполнять запасы жидкости, электролитов и энергии, которую мы теряем в это время. Вот какие продукты стоит исключить, а какие — наоборот, добавить в рацион, чтобы пережить летний зной.
-
New2025-07-30 10:07Сфера сельского хозяйства стоит перед серьезным системным кризисом. Об этом в беседе с корреспондентом Новости Армении – NEWS.am заявил бывший заместитель министра сельского хозяйства Армении Ашот Арутюнян.