Իտալական խորհրդարանը հիշեց «Սումգայիթը»
Իտալիայի Հանրապետության Պատգամավորների պալատի պատգամավոր, հայ-իտալական միջխորհրդարանական հարաբերությունների պատասխանատու, իշխող Լեգա կուսակցության ներկայացուցիչ Ջուլիո Չենտեմերոն Իտալիայի խորհրդարանում ելույթ է ունեցել Սումգայիթում հայկական ջարդերի վերաբերյալ:
«Կուզենայի ելույթ ունենալ այս դահլիճում և հիշատակել նորագույն պատմության հավանաբար ամենաողբերգական, բայց քիչ ճանաչված էջերից մեկը՝ ադրբեջանական Սումգայիթ քաղաքում 31 տարի առաջ տեղի ունեցած հայերի ջարդերը։1988թ. փետրվարին, ինքնորոշման իրավունքի իրացման նպատակով Լեռնային Ղարաբաղի ժողովրդի խաղաղ ցույցերին ի պատասխան՝ Ադրբեջանի իշխանությունները կազմակերպեցին Ադրբեջանի Բաքու, Սումգայիթ և Կիրովաբադ քաղաքների հայ բնակչության դեմ բռնի ճնշումներ։ Ամենը սկսվեց Սումգայիթից, որտեղ Ադրբեջանի իշխանությունների բացահայտ աջակցության և թողտվության արդյունքում երեք օրում բազմաթիվ հայեր սպանվեցին մեկ պատճառով՝ իրենց էթնիկ պատկանելիության։ Հարյուր հազարավոր հայեր ստիպված եղան լքել իրենց տները, իրենց քաղաքները։ Այդ օրերին ոտնահարվեց մարդու հիմնարար իրավունքներից մեկը՝ կյանքի իրավունքը»,- «Արմենպրես»-ի փոխանցմամբ՝ ասել է իտալացի պատգամավորը:
Նա ընդգծել է, որ Սումգայիթի կոտորածից հետո Եվրոպական խորհրդարանը ընդունել է բանաձև, որը տեղի ունեցածը բնորոշում է ժողովրդի սպանություն որպես այդպիսին։ Նա կարևոր է համարել ընդգծել, որ ԼՂ հակամարտությունը ոչ թե տարածքային պահանջ է, այլ այդ տարածքում ապրող մարդկանց ֆիզիկական գոյության հարց է:
«Ցավոք, անգամ 30 տարի անց դեռևս ականատես ենք հակահայկական շարունակվող հռետորաբանության և ատելության իրական քարոզչության։ Այս ամենը դրսևորվել է նաև2016 թվականի ապրիլյան քառօրյա պատերազմի ընթացքում Լեռնային Ղարաբաղում անմեղ էակների՝ երեխաների դեմ հրետանու կիրառմամբ և ծերերի դաժան սպանությամբ։ Ուստի, անհրաժեշտ է վերջ դնել ատելության հռետորաբանությանը և սկսել կրթել ժողովուրդներին խաղաղության, մարդ արարածի հարգանքին և կրոնի ազատությանը։ Եվ ուրեմն, չափազանց կարևոր է, որ մեր երկիրը, որը նախագահել է 2018թ. ԵԱՀԿ-ում և որպես ԵԱՀԿ Մինսկի խմբի անդամ երկիր, շարունակի Լեռնային Ղարաբաղի հակամարտության խաղաղ լուծման բանակցությունների շրջանակներում աջակցել ԼՂ հակամարտության կարգավորմամբ զբաղվելու միջազգային լիակատար մանդատ ունեցող միակ ձևաչափի՝ Մինսկի խմբի համանախագահների աշխատանքին»,- եզրափակել է Ջուլիո Չենտեմերոն:
ПОСЛЕДНИЕ ОТ АВТОРА
-
New2020-05-25 20:42101Бывший директор СНБ Армении Артур Ванецян не подтвердил, не опроверг, да и вовсе не стал комментировать вопрос о том, встречался ли он в Риме с Микаэлом Минасяном по поручению Никола Пашиняна, дабы передать ему предложение прекратить политическую деятельность и выплатить символическую суму в обмен на прекращение уголовного дела.
-
New2020-05-25 20:2085По всей вероятности, судебное заседание по делу второго президента Армении Роберта Кочаряна и других будет отложено. По сведениям "Пастинфо", у одного из адвокатов экс-министра обороны Армении Сейрана Оганяна обнаружен коронавирус, подано заявление о переносе заседания.
-
New2020-05-25 20:1873На "Первом канале" зафиксирован случай заражения коронавирусом. Об этом в начале информационного выпуска 25 мая заявил телеведущий Айк Навасардян, который вел выпуск в медицинской защитной маске.
-
New2020-05-25 20:16104Премьер-министр Армении Никол Пашинян считает, что власти страны в своих действиях по профилактике коронавируса слишком много уповали на самосознание и уровень личной ответственности граждан.
