2019-03-08 14:33
Информагентства
Ֆրենք Փալոնեն ներկայացրեց բանաձևը
ԱՄՆ Կոնգրեսի հայկական հարցերով կոմիտեի համանախագահ Ֆրենկ Փալոնեն բանաձև է ներկայացրել, որի նպատակն է ԱՄՆ-ի և Արցախի միջև անսահմանափակ ուղևորությունների և բաց հաղորդակցության արհեստական խոչընդոտների վերացումը: Այս մասին հայտնում է Ամերիկայի Հայ դատի հանձնախումբը (ANCA):
Բանաձևը ստացել է 12 կոնգրեսականի աջակցությունը՝ ներառյալ Ադամ Շիֆի, Ջեքի Սփիերի և Գուս Բիլիրակիասի:
Փաստաթղթում նշվում է, որ Պետքարտուղարության ներկայիս քաղաքականությունը սահմանում է «ուղևորությունների և Միացյալ Նահանգների ու Արցախի միջև կապի կամավոր սահմանափակումներ՝ սահմանափակելով ԱՄՆ հարկատուների կողմից ֆինանսավորվող ծրագրերի հսկողությունը և խոչընդոտելով հրապարակային երկխոսությանն ու բանավեճին, որոնք կարող են նպաստել խնդիրների, Արցախի հետ կապված կարգավիճակի և անվտանգության հարցերի խաղաղ կարգավորմանը»:
Բանաձևը կոչ է անում ԱՄՆ գործադիր իշխանությունը ներկայացնող պաշտոնյաներին թույլ տալ ազատորեն Արցախ մեկնել և շփվել արցախցի գործընկերների հետ: Փաստաթղթով կոչ է արվում Արցախի Հանրապետության ժողովրդական ճանապարհով ընտրված կառավարության լիակատար և ուղիղ մասնակցություն ԵԱՀԿ բոլոր բանակցություններին և նրա ապագային վերաբերող այլ բանակցություններին:
ANCA-ի գործադիր տնօրեն Արամ Համբարյանը կոնգրեսականներին շնորհակալություն է հայտնել:
ПОСЛЕДНИЕ ОТ АВТОРА
-
2025-06-06 22:31Республиканская партия Армении (РПА) выступила с заявлением.
-
2025-06-06 19:41Следственный комитет Армении возбудил уголовное дело по статье "похищение" после того, как двое подростков из Сюника заблудились и оказались на территории Азербайджана. Об этом Sputnik Армения сообщили в пресс-службе ведомства.
-
2025-06-06 19:39Министерство финансов США объявило введении новых санкций против Ирана на фоне продолжающихся ядерных переговоров между Тегераном и Вашингтоном.
-
2025-06-06 19:34Иерей Арарат Погосян выступил с заявлением по поводу публичных обвинений, выдвинутых против авторитета Армянской Апостольской Церкви.