Последние новости

Աշոտ Ղուլյան. Որպես երկիր, մենք բաց ենք համագործակցության համար

Ինչ էլ որ խոսելու լինեն ադրբեջանա-ղարաբաղյան հակամարտության կողմերը կամ միջնորդները, ինչպիսին էլ լինեն պատկերացումները խնդրի լուծման ուղղությամբ, մի բան հստակ է. մենք չենք կարող սառել ժամանակի մեջ: 2019 թվականին մենք չենք կարող շարժվել մինչ 1991 թվականը գոյություն ունեցող իրողությունների տրամաբանությամբ և վերադառնալ խորհրդային անցյալ:

Այս մասին Tert.am-ի հետ զրույցում ասաց Արցախի Հանրապետության Ազգային ժողովի նախագահ Աշոտ Ղուլյանը՝ անդրադառնալով ադրբեջանա-ղարաբաղյան հակամարտության կարգավորման շուրջ վերջերս տեղի ունեցող իրադարձություններին:

«Մենք բազմիցս ենք հայտարարել, որ ադրբեջանա-ղարաբաղյան հակամարտության հիմքում Արցախի ժողովրդի ֆիզիկական գոյության հարցն է: Եթե 90-ականների պատերազմը վաղ անցյալ էր թվում, որից հետո սերունդ է փոխվել, այդ թվում՝ հիմնախնդրով զբաղվող դիվանագետների, միջնորդների, ապա Ադրբեջանն իր իրական ցանկությունների մասին հիշեցրեց նաև վերջերս՝ 2016թ. ապրիլին Արցախի ժողովրդի դեմ սանձազերծելով նոր պատերազմ և գործելով պատերազմական նոր հանցագործություններ:

Տրամաբանական կլիներ, եթե միջնորդներն իրենց առաջարկություններում և երաշխավորագրերում հաշվի առնեին այս փաստերը, սակայն համանախագահների վերջին հայտարարության բովանդակության մեջ անդրադարձ չկա թե՛ ապրիլյան պատերազմի հետևանքներին, թե՛ կողմերի միջև դրանից հետո ձեռք բերված պայմանավորվածություններին: Արցախի ժողովուրդը ոչ մի այլ երկրի կամ կառույցի չի լիազորել իր փոխարեն որոշելու իր ճակատագիրը»,-ասաց Աշոտ Ղուլյանը։

Արցախի խորհրդարանի նախագահն անդրադարձավ ՀՀ վարչապետ Նիկոլ Փաշինյանի հայտարարություններին՝ նշելով, որ ՀՀ վարչապետը բազմիցս անդրադարձել է բանակցություններում իր և Ադրբեջանի նախագահի մանդատներին՝ շեշտելով, որ Արցախի իշխանությունները պետք է վերադառնան բանակցային սեղանի շուրջ՝  ներկայացնելու հակամարտության հիմնական կողմի՝ Արցախի ժողովրդի դիրքորոշումը:

Ինչ վերաբերում է ԵԱՀԿ Մինսկի խմբի համանախագահների վերջին հայտարարությամբ կողմերին՝ ձևաչափի փոփոխությունից զերծ մնալու կոչին, ապա Աշոտ Ղուլյանն ասաց. «Անհրաժեշտ է ընդգծել, որ խոսքը բանակցային եռակողմ ձևաչափի վերականգնման մասին է, այլ ոչ թե նոր ձևաչափի ներդրման:

Արցախի ժողովրդի համար անընդունելի են պարտադրանքի ու թելադրանքի լեզվով խոսելու մոտեցումները: Որպես երկիր՝ մենք բաց ենք համագործակցության համար, այդ թվում՝ Ադրբեջանի հետ որպես իրավահավասար սուբյեկտներ քննարկելու փոխադարձ հետաքրքրություն ներկայացնող ցանկացած հարց»։

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ՆՄԱՆ ԵԼՈՒՅԹՆԵՐԻՑ ՀԵՏՈ ՀՐԱԺԱՐԱԿԱ՛Ն ԵՆ ՏԱԼԻՍ
      2022-04-15 08:16
      519

      Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…

    • ՁԱԽՈՂՎԱԾ ԲՐՅՈՒՍԵԼ
      2022-04-08 08:59
      548

      Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։

    • ԲՐՅՈՒՍԵԼԸ ԿԴԱՌՆԱ՞ ԴՈՒՇԱՆԲԵ-2. ԱԼԻԵՎՆ ՈՒ ՓԱՇԻՆՅԱՆԸ ՄՈՍԿՎԱՅԻ ԹԻԿՈՒՆՔՈՒՄ ԿՀԱՄԱՁԱՅՆԵՑՆԵՆ ՊԱՅՄԱՆԱՎՈՐՎԱԾ ՆՈՐ ՊԱՏԵՐԱԶՄԻ ՄԱՆՐԱՄԱՍՆԵՐԸ
      2022-04-05 19:27
      505

      Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:

    • ԻԶՈ՞ՒՐ ԵՆՔ ԱՊՐԵԼ
      2022-03-16 19:42
      878

      Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։