ԻՇԽԱՆՈՒԹՅՈՒՆՆԵՐՆ ԱՆՑԵԼ ԵՆ «ՊԱՐՏԻԶԱՆԱԿԱՆ ՊԱՏԵՐԱԶՄԻ» ՄԱՐՏԱՎԱՐՈՒԹՅԱՆ ԶԼՄ-ՆԵՐԻ ԴԵՄ. Media Advocate-ի հայտարարությունը
Տարվա սկզբին իշխանությունների կողմից մամուլի դեմ հայտարարված պատերազմի շրջանակներում ճակատային հարձակումների մի քանի փորձերից հետո իշխանություններն անցել են «պարտիզանական պատերազմի» մարտավարությանը։ Այդ մասին Facebook—իր էջում գրել է «Մեդիա պաշտպան» նախաձեռնության ղեկավար Աղասի Ենոքյանը, տեղեկացնում է newsarmenia.am։
«Իշխանության ներկայացուցիչները, նրանց ընտանիքի անդամները, նրանց կից վերլուծաբանները իրենց կողմից կերտված «սև» և «սպիտակ» մամուլի ռազմաճակատի տարբեր հատվածներից հարձակումներ են գործում մամուլի վրա, կրկին բարձրացնելով նույն, բազմիցս ծեծված թեմաները՝ լրատվամիջոցների ֆինանսավորման, «կեղծ լուրերի», նախկին իշխանությունների հետ կապի մասին», - գրել է նա։
Նա նշել է, որ նման բոլոր հարցերը կարգավորվում են ՀՀ գործող օրենսդրությամբ, և եթե «մտահոգ» իշխանականները այստեղ խնդիրներ են տեսնում, ապա կարող են դիմել իրավապահ մարմիններին։
«Ավելին, իշխանավորները, նրանց ազգականներն ու նրանց կից կառույցները իրենց պարտականությունն են համարում ոչ միայն լրագրողներին «ճիշտ» լրագրություն սովորեցնել, այլև դասդասում են լրատվամիջոցները «ճիշտ» և «սխալ» մեդիայի՝ այն լրատվամիջոցների, որոնք պետք է կարդալ «ճշմարիտ» լրատվություն ստանալու համար, և որոնք չպետք է կարդալ։ Սրանով «պարտիզանները» ոչ միայն վարկաբեկում են իրենց համար անցանկալի լրատվամիջոցներին, այլև վնաս են հասցնում նրանց գործարար համբավին, ինչն ուղղակի խոչընդոտ է մամուլի գործունեության համար», - գրել է նա։
Ըստ նրա, պարտավոր ենք նկատել և հիշեցնել, որ լրատվամիջոցները միշտ էլ կատարել և կատարում են իրենց ֆունկցիան՝ թե հեղափոխությունից առաջ, թե հեղափոխության ժամանակ, և թե հեղափոխությունից հետո։ Այլ հարց է, որ օրվա իշխանություններին թվում է, թե այժմ մամուլն իրենց պետք չէ, և նրանք վարկաբեկում են լրատվամիջոցներին և փորձում են թուլացնել նրանց դերը՝ ճանապարհ հարթելով հաղորդակցության ավելի պարզունակ, բայց անպատասխանատու միջոցների՝ սոցցանցերում լայվերի ու ստատուսների համար։
«Ցավոք, տեսնելով օրվա իշխանությունների գործելակերպը, լուրջ կասկածներ են առաջանում, որ նման հարցերի շահարկումը բխում է ոչ թե խոսքի ազատության մասին մտահոգությունից, այլ փորձ է՝ մամուլի խնդիրները լուծել հեղափոխական ճանապարհով, ամբոխի պահանջով, շրջանցելով օրենքը և իրավական մեխանիզմները», - գրել է Ենոքյանը։
Որոշ փաստեր
Փետրվարի վերջին Երևանի քաղաքապետարանը ծանուցումներ է ուղարկել 27 կազմակերպությունների, մասնավորապես, «Հրապարակ» օրաթերթին, «Անդին» հրատարակությանը, «Հայելի» մամուլի ակումբին և մի շարք այլ լրատվամիջոցներին: Ծանուցման մեջ նշվում էր, որ նրանք պարտավոր են կոնկրետ ժամկետներում ազատել Բուզանդի 1/3 և մի շարք այլ հասցեում գտնվող տարածքները: Հայկական ԶԼՄ-ները կարծում են, որ իշխանությունները նրանց պատերազմ են հայտարարել և պատրաստ են պաշտպանել սեփական իրավունքները դատարանում:
Ոչ միանշանակ արձագանք են առաջացրել նաև վարչապետ Նիկոլ Փաշինյանի հրապարակումները, որոնք ենթադրաբար կապ ունեն բլոգեր Նարեկ Մալյանի վրա կատարած հարձակման հետ: Հիշեցնենք, որ մարտի 4-ի գիշերը Մալյանի վրա հարձակվել են «Ռեստարտ» նախաձեռնության անդամները` փորձելով նետել նրան աղբամանը:
Դատապարտելով այդ բռնությունը` Փաշինյանը նշել է երկրում ապատեղեկատվության տարածումը:
ПОСЛЕДНИЕ ОТ АВТОРА
-
2024-05-05 12:41
Это движение также для вас, чтобы освободить от этих оков также вас. Я ясно говорю, что та повестка, которую мы диктовали и диктуем, – об истине, о широком социальном примирении и о благословении Господа Бога. Об этом заявил сегодня, 5 мая, лидер движения «Тавуш во имя родины», архиепископ Баграт Галстанян собравшимся после Литургии во дворе монастыря Ахарцин, передает News.am.
-
2024-05-05 10:37
Движение, возглавляемое предстоятелем Тавушской епархии Армянской апостольской церкви, архиепископом Багратом Галстаняном, начавшее накануне шествие из Киранца в Ереван, дошло до Ахарцина.
-
2024-05-05 10:32
Бывший омбудсмен Армении, председатель фонда «Татоян» Арман Татоян в интервью с порталом 168.am ответил на вопрос о том, собирается ли он заняться политикой.
-
2024-05-05 10:30
Партия «Свобода» безоговорочно поддерживает движение, возглавляемое архиепископом Багратом Галстаняном. Об этом на своей странице в Facebook написал бывший премьер-министр Армении Грант Багратян, передает News.am.