2019-03-20 16:19
Информагентства
Ստեփանակերտը մեկնաբանեց «Սասնա ծռերի» նախաձեռնությունը
Լեռնային Ղարաբաղի նախագահի աշխատակազմի ղեկավարի տեղակալ Դավիթ Բաբայանը կարծիքով, Ղարաբաղը մարզի կարգավիճակով Հայաստանի կազմում ներառելու «Սասնա ծռերի» նախաձեռնությունը այս պահին վտանգ է հայոց պետականությանը:
«Սասնա ծռեր» կուսակցության անդամները երեկ հայտարարեցին, որ սկսում են Լեռնային Ղարաբաղը մարզի կարգավիճակով Հայաստանի կազմում ներառելու գործընթաց: Ղեկավար անդամներից Ժիրայր Սեֆիլյանն ասաց, թե պետք է շտապել, քանի որ Արցախի վրա կախված է «աբխազացման վտանգը»՝ նկատի ունենալով, որ կարող է Ռուսաստանի ազդեցության տակ անցնել։
«Եթե Արցախը Հայաստանի մարզ է, ի՞նչ է նշանակում: Որ Հայաստանը այդ տարածքը անեքսիայի՞ ա ենթարկել, միացրե՞լ ա, ի՞նչ ա արել: Ուրիշ բան է, որ սա ինքնորոշման խնդիր է: Այո, մենք կանգնել ենք ինքնորոշման իրավունքի սատարին, Ադրբեջանը մեզ պատերազմ է պարտադրել, հաղթել ենք ամբողջ հայության հետ միասին: Բայց սա ուրիշ բան է, տարածքային վեճը ուրիշ բան է: Սա՞ են ուզում», - «Ազատության» հետ զրույցում ասաց Դավիթ Բաբայանը:
«Սասնա ծռերը» վստահ են, որ գաղափարը արցախցիների մեծամասնության սրտով է: Նաև հուսով են, որ այս գործընթացին կօժանդակեն այսօրվա հայաստանյան իշխանությունները:
Ղարաբաղի նախագահի աշխատակազմի ղեկավարի տեղակալը, սակայն, չի կարծում, թե մեծամասնության արձագանքը դրական կլինի:
Բաբայանի խոսքով՝ վերջնանպատակը միացյալ, հզոր հայոց պետություն ունենալն է: Բայց հիմա պահը չէ․ - «Երբ որ Արցախը կճանաչվի միջազգային հանրության կողմից, երբ որ համապարփակ կկարգավորվի հակամարտությունը, այն ժամանակ կտեսնենք: Հիմա ի՞նչ ենք անում, ի՞նչ հարց ենք լուծում ռազմավարական: Էնպիսի կարող են վատ հետևանքներ լինել, որ․․․ արդեն հաշվարկի մասին չէ խոսքը․․․ կարող է չկարողանանք տակից դուրս գանք»:
Հայաստանի Ազգային ժողովի արտաքին հարաբերությունների հանձնաժողովի անդամ, իշխանական «Իմ քայլից» Տաթևիկ Հայրապետյանը կիսում է Ստեփանակերտից հնչող տեսակետը․ եթե Հայաստանի իշխանությունը հանդես գա Ղարաբաղը մարզի կարգավիճակով Հայաստանի կազմում ներառելու նախաձեռնությամբ, կստեղծի միջազգային բարդ իրավիճակ․ - «Ադրբեջանը շարունակում է տարիներով պնդել, որ խոսքը ոչ թե ինքնորոշման իրավունքի մասին է, այլ Հայաստանը փորձում է բռնազավթել, կամ կցել այդ հատվածը: Այսինքն փորձում է դա տեղավորել տարածքային վեճի սահմաններում: Ու այդ իրավիճակում նման կոչով իշխանության տեսանկյունից հանդես գալը այդքան էլ նպատակահարմար չէ, քանի որ դա միջազգային բարդ իրավիճակ կստեղծի և շատ ավելի կբարդացնի առանց այն էլ խճճված գործընթացը: Եվ Ադրբեջանը կարող է նույնիսկ նման դեպքում ուղղակի իրեն լեգիտիմորեն արտոնել սկսել ռազմական գործողությունները»:
«Ինչո՞ւ թշնամանալ Ռուսաստանի հետ», - Դավիթ Բաբայանն այսպես է արձագանքում Ռուսաստանին վերաբեող Սեֆիլյանի մտահոգություններին։
«Ազատության» հարցին՝ Ղարաբաղում տեսնո՞ւմ է աբխազացման վտանգը, ինչի մասին Սեֆիլյանն էր խոսում, պատասխանեց. «Ի՞նչ աբխազացման մասին է խոսքը, նախ և առաջ Աբխազիան անմիջապես սահմանակից է Ռուսաստանի Դաշնությանը, Աբխազիան անկախ պետություն է։ Նախ և առաջ Աբխազիայում ապրում է հայկական մեծ համայնք, չի կարելի աբխազացում բառը օգտագործել։ Պետք է մտածենք առաջին հերթին մեր հայրենակիցների մասին՝ ինչպե՞ս է լինելու նրանց նկատմամբ վերաբերմունքը այսպիսի արտահայտություններից հետո։ Երկրորդը՝ երբ որ մենք խոսում ենք հայ-ռուսական հարաբերությունների մասին, ավելի քան համոզված եմ, որ այդ հարաբերությունների ցանկացած հարվածը հակահայկական քայլ է։ Մենք ի՞նչ է Նիդերլանդներում ենք ապրում կամ մեր հարևանը Լուքսեմբուրգն է կամ Շվեյցարիան՝ գիշատիչ Թուրքիան ու Ադրբեջանը։ Չեմ հասկանում՝ ի՞նչի մենք պիտի հակառուսական կամ հակաամերիկյան կամ հակաիրանական քայլեր կատարենք։ Մենք բոլորի հետ պետք է նորմալ հարաբերություններ ունենանք»։
Դավիթ Բաբայանը «Սասնա ծռեր» կուսակցության հայտարարությունները կապում է Ղարաբաղում հաջորդ տարի կայանալիք նախագահական ընտրությունների հետ:
Կուսակցությունը հայտարարել է, որ պաշտոնապես գրանցվել են նաև Լեռնային Ղարաբաղում և նպատակ ունեն մինչև 2020-ը իշխանափոխություն իրականացնել: Եթե չստացվի, կմասնակցեն ընտրություններին։
«Ուզում են գան, մարդկանց հետ հանդիպեն, որովհետև շատ քիչ համախոհներ ունեն․․․ սա պարզ է, հասկանալի է: Ես կարծում եմ, նախընտրական շրջանի հետ է ավելի շուտ կապված: Բնական է, հայոց ընդհանուր պետության գաղափարը բոլորիս համար էլ լավ է, բայց դա չի նշանակում այս ձևով», - նշեց Դավիթ Բաբայանը:
ПОСЛЕДНИЕ ОТ АВТОРА
-
New2025-06-02 21:132 июня в Первопрестольном Святом Эчмиадзине под председательством Католикоса всех армян Гарегина II состоялось заседание Высшего духовного совета, в котором приняли участие епископы и руководители епархий из Армении и диаспоры. Как сообщили Новости Армении – NEWS.am в пресс-службе Первопрестольного Святого Эчмиадзина, на заседании обсуждались вопросы, связанные с вызовами, стоящими перед родиной, церковно-государственными отношениями, а также ряд ключевых вопросов, волнующих общество. Особое внимание было уделено позорной антицерковной кампании, развязанной премьер-министром в последние дни. В связи с этим Высший духовный совет выступил с заявлением, в котором отмечается:
-
New2025-06-02 19:452 июня прошел второй раунд переговоров, сосредоточенный на трех ключевых темах: меморандуме, обмене пленными и телами погибших, а также вопросе с детьми.
-
New2025-06-02 19:42Пострадавшие от мошенничества в банках и кредитных организациях граждане потребовали от Национального собрания отставки главы Центробанка Армении Мартина Галстяна.
-
New2025-06-02 19:38Правозащитник Ваган Ованнисян представил в Следственный комитет сообщение о преступлении, совершённом бывшим членом партии «Гражданский договор», актером Гнелом Саргсяном, касающемся случая хулиганства у монастырского комплекса в селе Мармашен Ширакской области.