ԱԽ-ն շրջանցող Գոլանի բարձունքների կարգավիճակի փոփոխումը ՄԱԿ-ի որոշումների անմիջական խախտում է
Անվտանգության խորհուրդը շրջանցող Գոլանի բարձունքների կարգավիճակի փոփոխումը ՄԱԿ-ի որոշումների անմիջական խախտում է: Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան՝ մեկնաբանելով Գոլանի բարձունքների մասին ԱՄՆ նախագահ Դոնալդ Թրամփի խոսքը, փոխանցում է «ՌԻԱ Նովոստի»-ն:
«Ինչպես ձեզ հայտնի է, Սիրիային Գոլանի բարձունքների պատկանելության հարցում Ռուսաստանի Դաշնությունը սկզբունքային դիրքորոշում ունի: Սա հաստատված է ՄԱԿ ԱԽ 1981 թվականի 497 բանաձևով: Գոլանի բարձունքների վրա իր ինքնիշխանության տարածման Իսրայելի որոշման հակաիրավական բնույթի մասին մեր գնահատականն անփոփոխ է»,- ասել է Զախարովան:
«Անվտանգության խորհուրդը շրջանցող Գոլանի բարձունքների կարգավիճակի փոփոխումը ՄԱԿ-ի որոշումների անմիջական խախտում է»,- հավելել է նա:
Ավելի վաղ հաղորդվել էր, որ Թրամփը հայտարարել է Գոլանի բարձունքների վրա Իսրայելի ինքնիշխանության ճանաչման անհրաժեշտության մասին: «52 տարի հետո եկել է ժամանակը, որպեսզի ԱՄՆ-ն ճանաչի Գոլանի բարձունքների վրա Իսրայելի ինքնիշխանությունը, ինչը չափազանց կարևոր ռազմավարական նշանակություն ունի Իսրայել պետության անվտանգության և տարածաշրջանային կայունության համար»,- նշել էր նա Twitter-ում:
Թրամփի հայտարարությունը հաջորդել էր ԱՄՆ պետքարտուղար Մայք Պոմպեոյի Իսրայել այցին: Պոմպեոյի հետ հանդիպման ժամանակ Իսրայելի վարչապետ Բենիամին Նեթանյահուն միջազգային հանրությանը կոչ էր արել ճանաչել Գոլանի բարձունքների վրա Իսրայելի ինքնիշխանությունը: Սպասվում է, որ հաջորդ շաբաթ Նեթանյահուն Վաշինգտոն կայցելի, որտեղ նախատեսված է Թրամփի հետ 2 հանդիպում: Ավելի վաղ AP-ն հայտնել էր, որ ԱՄՆ-ն, հնարավոր է, հաջորդ շաբաթ ճանաչի Գոլանի բարձունքների վրա Իսրայելի ինքնիշխանությունը:
Գոլանի բարձունքները Մերձավոր Արևելքում վիճելի տարածք է: Դրա մեծ մասը ներկայումս վերահսկում է Իսրայելը, իսկ արևելյան հատվածը՝ Սիրիան: Ինչպես Իսրայելը, այնպես էլ Սիրիան Գոլանի բարձունքները համարում են իրենց տարածքի մասը:
ПОСЛЕДНИЕ ОТ АВТОРА
-
2021-06-21 20:25470В Национальном Собрании восьмого созыва будет 105 депутатов, если не произойдет ничего необычного.
-
2021-06-21 20:04346Блок "Честь имею" в распространенном в понедельник сообщении назвал итоги выборов позорными, однако о непризнании их итогов не заявил, сообщает Sputnik Армения.
-
2021-06-21 20:03136Армянская сторона обладает данными, что некоторых военнопленных и заложников (в том числе и женщин) до смерти замучили в тюрьмах Азербайджана. Об этом лидер партии "Просвещенная Армения", представитель армянской делегации в Парламентской ассамблее Совета Европы Эдмон Марукян заявил на заседании структуры, сообщает Sputnik Армения.
-
2021-06-21 20:02147Состоялась телефонная беседа и. о. министра обороны Республики Армения Вагаршака Арутюняна с министром обороны Российской Федерации, генералом армии Сергеем Шойгу.
