Последние новости

ԱԼԵՔՍԱՆԴՐ ԿՌԻԼՈՎ․ ԲԱՆԱԿՑԱՅԻՆ ԳՈՐԾԸՆԹԱՑԸ ԿՀԱՆԳՉԻ ԵՐԿԱՐ ԺԱՄԱՆԱԿՈՎ, ՔԱՆԶԻ ԲԱՔՈՒՆ ՊԱՏԵՐԱԶՄԻ ՊԱՏՃԱՌ Է ՍՊԱՍՈՒՄ

Պաշտոնապես հաստատվել է մարտի 29-ին Ավստրիայի մայրաքաղաքում կայանալիք հանդիպումը ՀՀ վարչապետ Նիկոլ Փաշինյանի և Ադրբեջանի նախագահ Իլհամ Ալիևի միջև: Հանդիպման ակնկալիքների, հնարավոր կանխատեսումների և ԼՂ հակամարտության իրավիճակի մասին իր մտորումները EADaily-ին տված հարցազրույցում ներկայացրել է Կովկասագետների գիտական միության նախագահ, քաղաքագետ Ալեքսանդր Կռիլովը:

Քաղաքագետի կարծիքով՝ շփման գծում նշանակալի հանդարտություն է նկատվում, որը պայմանավորված է «Ադրբեջանի՝ իրավիճակը չսրելու ձգտմամբ, որպեսզի հայկական կողմը շարունակի պառակտվել, և առավել բարենպաստ իրավիճակ ստեղծվի ռազմական ռևանշի համար»:

«Երևանի պահանջը Ղարաբաղին բանակցությունների սեղանի շուրջ վերադարձնելու մասին լավ գաղափար է: Ժամանակին մեծ սխալ է տեղի ունեցել, երբ Ղարաբաղը դուրս է մնացել բանակցային գործընթացից: Դրանով Հայաստանը գործնականում ընդունել է, որ խոսքը միջպետական հակամարտության մասին է և թույլ է տվել Ադրբեջանին փաստարկել «գրավված տարածքների» մասին:

Այլ խնդիր է, թե ինչպես վերադարձնել Ղարաբաղը բանակցային գործընթաց: Միջազգային միջնորդները (ԵԱՀԿ Մինսկի խմբի համանախագահները-Tert.am) արդեն ընդգծել են, որ իրենք այդ միտքը չեն բացառում և պատրաստ են նման ձևաչափի, եթե դրան համաձայնեն բոլոր կողմերը: Սակայն իրատեսական հույս չկա, որ Ադրբեջանը կհամաձայնի: Ընդհակառակը, Բաքուն հույս ունի, որ կստեղծվի ռազմական ռևանշի համար բարենպաստ իրավիճակ»,- ասել է քաղաքագետը:

Նրա կարծիքով՝ ակնհայտ է, որ բանակցային գործընթացը երկար ժամանակ կսառեցվի, քանի որ Փաշինյանն այնպիսի գաղափար է արտահայտել, որն անընդունելի է Ալիևի համար, կամ կարող է շարունակվել՝ համանախագահների կազմակերպմամբ անցկացվող հերթական հանդիպումների տեսքով:

«Չկա նախադրյալ բանակցային գործընթացում առաջընթացի համար, քանի որ դրա համար անհրաժեշտ է, որ կողմերից մեկը պատրաստ լինի զիջումների գնալ, սակայն զիջումների ո՛չ Ալիևը, ո՛չ Փաշինյանը չեն գնա»,- շեշտել է Կռիլովը:

tert.am

Основная тема:
Теги:

    ПОСЛЕДНИЕ ОТ АВТОРА






    ПОСЛЕДНЕЕ ПО ТЕМЕ

    • ՆՄԱՆ ԵԼՈՒՅԹՆԵՐԻՑ ՀԵՏՈ ՀՐԱԺԱՐԱԿԱ՛Ն ԵՆ ՏԱԼԻՍ
      2022-04-15 08:16
      490

      Ադրբեջանը փորձում է արագացնել իրադարձությունները Երբ գործընթացը, որի արդյունքում նախատեսվում է խաղաղության համաձայնագիր ստորագրել, մեկնարկում է Արցախի կարգավիճակի հստակեցման շրջանցումով, ապա եզրահանգումը կարող է լինել միայն մեկը. իշխող ռեժիմի պարագլուխը կրկին որոշել է «ամեն ինչ սկսել սեփական կետից»։ Նման եզրակացության է հանգեցնում նաև խոշոր գործարար Գուրգեն Արսենյանի խորհրդարանի ամբիոնից Փաշինյանին ուղղած կոչը՝ «սթափեցնել Ղարաբաղի ղեկավարությանը»։ Գործարար պատգամավորը շա՜տ է շտապում բիզնես սկսել թուրքերի հետ…

    • ՁԱԽՈՂՎԱԾ ԲՐՅՈՒՍԵԼ
      2022-04-08 08:59
      505

      Ինչ վերաբերում է Բրյուսելում Ալիևի, Փաշինյանի և Շառլ Միշելի բանակցությունների արդյունքներին։ Հայկական կողմի համար ամենադրականն այն է, որ համատեղ ճեպազրույց չեղավ։ Այդպիսի ճեպազրույցների ժամանակ Փաշինյանն Ալիևի կողքին ողորմելի է դիտվում։ Համատեղ ասուլիսի բացակայությունը բոնուս է Փաշինյանի համար, որը դժվար թե ասելիք ունենար՝ ի պատասխան հայ հասարակայնությանը հուզող հարցերին։

    • ԲՐՅՈՒՍԵԼԸ ԿԴԱՌՆԱ՞ ԴՈՒՇԱՆԲԵ-2. ԱԼԻԵՎՆ ՈՒ ՓԱՇԻՆՅԱՆԸ ՄՈՍԿՎԱՅԻ ԹԻԿՈՒՆՔՈՒՄ ԿՀԱՄԱՁԱՅՆԵՑՆԵՆ ՊԱՅՄԱՆԱՎՈՐՎԱԾ ՆՈՐ ՊԱՏԵՐԱԶՄԻ ՄԱՆՐԱՄԱՍՆԵՐԸ
      2022-04-05 19:27
      483

      Կապիտուլյանտը վախեցնում է պատերազմով՝ հող նախապատրաստելով նոր դավաճանության համար։ Արցախի Հանրապետության Պաշտպանության բանակը պաշտպանեց Քարագլխի ռազմավարական գագաթի մի մասը, չնայած թուրքական «բայրաքթարերից» ռմբակոծմանը և հակառակ Փաշինյանի ռեժիմի գաղտնի հրահանգներին։ Այս մասին վերջին օրերին բացահայտ հայտարարում են ռազմական փորձագետները։ Մասնավորապես, Դավիթ Ջամալյանը նշել է, որ Արցախի ղեկավարության կախվածությունը կապիտուլյանտի ռեժիմի ազդեցությունից էականորեն նվազել է։ Փորձագետը բարձր է գնահատել Պաշտպանության բանակի ջանքերը՝ Քարագլուխից ադրբեջանցիների մասնակի հետմղման ուղղությամբ:

    • ԻԶՈ՞ՒՐ ԵՆՔ ԱՊՐԵԼ
      2022-03-16 19:42
      834

      Լեռնային Ղարաբաղի արտգործնախարար Դավիթ Բաբայանը հայտարարում է, որ Արցախի ճանաչումը որպես Ադրբեջանի մաս անհնար է։ Դա կհանգեցնի հայկական Արցախի ոչնչացման։ Դավիթ Բաբայանը վստահ է. ինչպես էլ որ ընթանա հայ-ադրբեջանական հարաբերությունների կարգավորման գործընթացը, այն չպետք է ընթանա Արցախի շահերի հաշվին: Դավիթ Բաբայանը համարում է, որ Երևանում չի կարող լինել այնպիսի իշխանություն, որը կհամաձայնի Արցախի կարգավիճակին Ադրբեջանի կազմում... Բուն այն փաստը, որ Դավիթ Բաբայանը հայտարարում է դա, վկայում է այն մասին, որ իրականում նա լուրջ կասկածներ ունի։